Esaïe 42.25
Vulgate

Le serviteur de l’Éternel

¹ ecce servus meus suscipiam eum electus meus conplacuit sibi in illo anima mea dedi spiritum meum super eum iudicium gentibus proferet
Philippiens 2.7 Esaïe 43.10 Esaïe 52.13 Luc 3.22 Esaïe 61.1
² non clamabit neque accipiet personam nec audietur foris vox eius
Matthieu 12.16-12.20 Zacharie 9.9 Luc 17.20 2 Timothée 2.24 Matthieu 11.29
³ calamum quassatum non conteret et linum fumigans non extinguet in veritate educet iudicium
Matthieu 11.28 Jérémie 31.25 Esaïe 50.4 Esaïe 40.11 Psaumes 96.13
⁴ non erit tristis neque turbulentus donec ponat in terra iudicium et legem eius insulae expectabunt
Genèse 49.10 Esaïe 55.5 Esaïe 53.2-53.12 Esaïe 60.9 Esaïe 66.19
⁵ haec dicit Dominus Deus creans caelos et extendens eos firmans terram et quae germinant ex ea dans flatum populo qui est super eam et spiritum calcantibus eam
Esaïe 45.18 Esaïe 45.12 Actes 17.25 Daniel 5.23 Job 33.4
⁶ ego Dominus vocavi te in iustitia et adprehendi manum tuam et servavi et dedi te in foedus populi in lucem gentium
Luc 2.32 Esaïe 49.8 Actes 13.47 Esaïe 49.6 Jérémie 23.5-23.6
⁷ ut aperires oculos caecorum et educeres de conclusione vinctum de domo carceris sedentes in tenebris
Esaïe 61.1 Esaïe 35.5 Esaïe 49.9 Hébreux 2.14-2.15 Esaïe 9.2
⁸ ego Dominus hoc est nomen meum gloriam meam alteri non dabo et laudem meam sculptilibus
Esaïe 48.11 Psaumes 83.18 Exode 20.3-20.5 Esaïe 43.11 Exode 34.14
⁹ quae prima fuerant ecce venerunt nova quoque ego adnuntio antequam oriantur audita vobis faciam
Esaïe 43.19 Esaïe 46.9-46.10 1 Rois 8.15-8.20 2 Pierre 1.19-1.21 Esaïe 44.7-44.8
¹⁰ cantate Domino canticum novum laus eius ab extremis terrae qui descenditis in mare et plenitudo eius insulae et habitatores earum
Psaumes 33.3 Psaumes 40.3 Esaïe 42.4 Romains 15.9-15.11 Psaumes 117.1-117.2
¹¹ sublevetur desertum et civitates eius in domibus habitabit Cedar laudate habitatores Petrae de vertice montium clamabunt
Esaïe 32.16 Esaïe 60.7 Esaïe 52.7 Nahum 1.15 Genèse 25.23
¹² ponent Domino gloriam et laudem eius in insulis nuntiabunt
Romains 15.9-15.11 Esaïe 42.4 Psaumes 117.1-117.2 Psaumes 22.27 Apocalypse 7.9-7.12
¹³ Dominus sicut fortis egredietur sicut vir proeliator suscitabit zelum vociferabitur et clamabit super inimicos suos confortabitur
Nahum 1.2 Psaumes 78.65 Osée 11.10 Exode 15.1-15.3 Esaïe 63.1-63.4
¹⁴ tacui semper silui patiens fui sicut pariens loquar dissipabo et absorbebo simul
Jérémie 44.22 Psaumes 83.1-83.2 Psaumes 50.2 Job 32.18 Ecclésiaste 8.11-8.12
¹⁵ desertos faciam montes et colles et omne gramen eorum exsiccabo et ponam flumina in insulas et stagna arefaciam
Esaïe 50.2 Nahum 1.4-1.6 Esaïe 44.27 Esaïe 2.12-2.16 Apocalypse 11.13
¹⁶ et ducam caecos in via quam nesciunt in semitis quas ignoraverunt ambulare eos faciam ponam tenebras coram eis in lucem et prava in recta haec verba feci eis et non dereliqui eos
Esaïe 30.21 Ephésiens 5.8 Esaïe 32.3 Luc 3.5 Esaïe 40.4
¹⁷ conversi sunt retrorsum confundantur confusione qui confidunt in sculptili qui dicunt conflatili vos dii nostri
Psaumes 97.7 Esaïe 1.29 Esaïe 44.11 Jérémie 2.26-2.27 Esaïe 45.16-45.17
¹⁸ surdi audite et caeci intuemini ad videndum
Esaïe 29.18 Proverbes 20.12 Luc 7.22 Marc 7.34-7.37 Esaïe 43.8
¹⁹ quis caecus nisi servus meus et surdus nisi ad quem nuntios meos misi quis caecus nisi qui venundatus est quis caecus nisi servus Domini
Jérémie 5.21 2 Corinthiens 4.4 Ezéchiel 12.2 Romains 11.25 Jean 9.39
²⁰ qui vides multa nonne custodies qui apertas habes aures nonne audies
Néhémie 9.10-9.17 Esaïe 1.3 Esaïe 58.2 Ezéchiel 33.31 Jean 11.37-11.50
²¹ et Dominus voluit ut sanctificaret eum et magnificaret legem et extolleret
Matthieu 3.17 Romains 7.12 Romains 8.3-8.4 Psaumes 85.9-85.12 Jean 15.10
²² ipse autem populus direptus et vastatus laqueus iuvenum omnes et in domibus carcerum absconditi sunt facti sunt in rapinam nec est qui eruat in direptionem et non est qui dicat redde
Esaïe 14.17 Luc 19.41-19.44 Jérémie 52.31 Deutéronome 28.29-28.33 Esaïe 18.2
²³ quis est in vobis qui audiat hoc adtendat et auscultet futura
Esaïe 48.18 Michée 6.9 Deutéronome 4.29-4.31 Actes 3.19 Matthieu 21.28-21.31
²⁴ quis dedit in direptionem Iacob et Israhel vastantibus nonne Dominus ipse cui peccavimus et noluerunt in viis eius ambulare et non audierunt legem eius
Esaïe 50.1-50.2 Amos 3.6 Juges 10.7 Matthieu 22.7 Lamentations 1.18
²⁵ et effudit super eum indignationem furoris sui et forte bellum et conbusit eum in circuitu et non cognovit et succendit eum et non intellexit
Osée 7.9 Esaïe 57.11 2 Rois 25.9 Esaïe 57.1 Malachie 2.2