Job 30.10
Vulgate

¹ nunc autem derident me iuniores tempore quorum non dignabar patres ponere cum canibus gregis mei
Job 12.4 Luc 23.35 Actes 17.5 Psaumes 35.15-35.16 Psaumes 69.12
² quorum virtus manuum erat mihi pro nihilo et vita ipsa putabantur indigni
³ egestate et fame steriles qui rodebant in solitudine squalentes calamitate et miseria
Job 24.5 Job 24.13-24.16 Hébreux 11.38
⁴ et mandebant herbas et arborum cortices et radix iuniperorum erat cibus eorum
Luc 15.16 2 Rois 4.38-4.39 Amos 7.14
⁵ qui de convallibus ista rapientes cum singula repperissent ad ea cum clamore currebant
Daniel 4.25 Genèse 4.12-4.14 Daniel 4.32-4.33 Psaumes 109.10
⁶ in desertis habitabant torrentium et in cavernis terrae vel super glaream
1 Samuel 22.1-22.2 Juges 6.2 Apocalypse 6.15 Esaïe 2.19
⁷ qui inter huiuscemodi laetabantur et esse sub sentibus delicias conputabant
Job 6.5 Job 11.12 Genèse 16.12
⁸ filii stultorum et ignobilium et in terra penitus non parentes
Proverbes 1.22 Psaumes 15.4 Job 40.4 Psaumes 49.10-49.13 2 Chroniques 22.3
⁹ nunc in eorum canticum versus sum et factus sum eis proverbium
Job 17.6 Lamentations 3.63 Lamentations 3.14 Psaumes 69.11-69.12 Psaumes 44.14
¹⁰ abominantur me et longe fugiunt a me et faciem meam conspuere non verentur
Esaïe 50.6 Matthieu 26.67 Nombres 12.14 Psaumes 88.8 Deutéronome 25.9
¹¹ faretram enim suam aperuit et adflixit me et frenum posuit in os meum
2 Samuel 16.5-16.8 Ruth 1.21 Job 12.21 Psaumes 32.9 Job 12.18
¹² ad dexteram orientis calamitatis meae ilico surrexerunt pedes meos subverterunt et oppresserunt quasi fluctibus semitis suis
Job 19.12 Psaumes 140.4-140.5 Job 19.18 Esaïe 3.5
¹³ dissipaverunt itinera mea insidiati sunt mihi et praevaluerunt et non fuit qui ferret auxilium
Zacharie 1.15 Esaïe 3.12 Psaumes 69.26
¹⁴ quasi rupto muro et aperta ianua inruerunt super me et ad meas miserias devoluti sunt
Esaïe 8.7-8.8 Psaumes 69.14-69.15 Job 22.16 Psaumes 18.4
¹⁵ redactus sum in nihili abstulisti quasi ventus desiderium meum et velut nubes pertransiit salus mea
Osée 13.3 Esaïe 44.22 Job 6.4 Job 10.16 Job 31.23
¹⁶ nunc autem in memet ipso marcescit anima mea et possident me dies adflictionis
Psaumes 42.4 Psaumes 22.14 Esaïe 53.12 1 Samuel 1.15 Psaumes 40.12
¹⁷ nocte os meum perforatur doloribus et qui me comedunt non dormiunt
Job 33.19-33.21 Esaïe 38.13 Psaumes 38.2-38.8 Psaumes 6.2-6.6 Psaumes 22.2
¹⁸ in multitudine eorum consumitur vestimentum meum et quasi capitio tunicae sic cinxerunt me
Job 2.7 Psaumes 38.5 Job 19.20 Esaïe 1.5-1.6 Job 7.5
¹⁹ conparatus sum luto et adsimilatus favillae et cineri
Job 9.31 Job 42.6 Genèse 18.27 Psaumes 69.1-69.2 Job 2.8
²⁰ clamo ad te et non exaudis me sto et non respicis me
Job 19.7 Job 27.9 Lamentations 3.8 Psaumes 22.2 Matthieu 15.23
²¹ mutatus es mihi in crudelem et in duritia manus tuae adversaris mihi
Job 10.14-10.17 Job 16.9-16.14 Job 7.20-7.21 Job 6.9 Psaumes 89.13
²² elevasti me et quasi super ventum ponens elisisti me valide
Job 27.21 Ezéchiel 5.2 Psaumes 1.4 Job 21.18 Osée 4.19
²³ scio quia morti tradas me ubi constituta domus est omni viventi
Ecclésiaste 12.5-12.7 Genèse 3.19 Job 14.5 2 Samuel 14.14 Hébreux 9.27
²⁴ verumtamen non ad consumptionem eorum emittis manum tuam et si corruerint ipse salvabis
Psaumes 35.25 Job 19.7 Matthieu 27.39-27.44 Juges 5.31
²⁵ flebam quondam super eum qui adflictus erat et conpatiebatur anima mea pauperi
Romains 12.15 Psaumes 35.13-35.14 Jérémie 13.17 Proverbes 19.17 2 Corinthiens 9.9
²⁶ expectabam bona et venerunt mihi mala praestolabar lucem et eruperunt tenebrae
Jérémie 8.15 Job 3.25-3.26 Jérémie 14.19 Job 18.18 Job 23.17
²⁷ interiora mea efferbuerunt absque ulla requie praevenerunt me dies adflictionis
Lamentations 2.11 Psaumes 22.4 Jérémie 4.19 Lamentations 1.20 Jérémie 31.20
²⁸ maerens incedebam sine furore consurgens in turba clamavi
Psaumes 43.2 Psaumes 42.9 Psaumes 38.6 Esaïe 53.3-53.4 Job 19.7
²⁹ frater fui draconum et socius strutionum
Michée 1.8 Psaumes 102.6 Job 17.14 Esaïe 38.14 Malachie 1.3
³⁰ cutis mea denigrata est super me et ossa mea aruerunt prae caumate
Psaumes 102.3 Lamentations 4.8 Lamentations 5.10 Psaumes 119.83 Lamentations 3.4
³¹ versa est in luctum cithara mea et organum meum in vocem flentium
Lamentations 5.15 Ecclésiaste 3.4 Daniel 6.18 Esaïe 21.4 Esaïe 24.7-24.9