2 Chroniques 13.21
Vulgate

Règne d’Abija

¹ anno octavodecimo regis Hieroboam regnavit Abia super Iudam
2 Chroniques 12.16 1 Rois 15.1-15.8
² tribus annis regnavit in Hierusalem nomenque matris eius Michaia filia Urihel de Gabaa et erat bellum inter Abia et Hieroboam
2 Chroniques 11.20 1 Rois 15.6-15.7 Juges 19.14 1 Samuel 10.26 Juges 19.16
³ cumque inisset Abia certamen et haberet bellicosissimos viros et electorum quadringenta milia Hieroboam instruxit e contra aciem octingenta milia virorum qui et ipsi electi erant et ad bella fortissimi
2 Chroniques 11.1 2 Chroniques 17.14-17.18 1 Samuel 17.1-17.3 1 Chroniques 21.5 2 Chroniques 26.12-26.13
⁴ stetit igitur Abia super montem Someron qui erat in Ephraim et ait audi Hieroboam et omnis Israhel
Josué 18.22 Juges 9.7 Genèse 10.18 2 Chroniques 15.2
⁵ num ignoratis quod Dominus Deus Israhel dederit regnum David super Israhel in sempiternum ipsi et filiis eius pactum salis
Lévitique 2.13 Nombres 18.19 2 Samuel 7.12-7.16 Marc 9.49-9.50 Néhémie 5.9
⁶ et surrexit Hieroboam filius Nabath servus Salomonis filii David et rebellavit contra dominum suum
1 Rois 11.26 1 Rois 12.20 1 Rois 12.27 2 Chroniques 10.19
⁷ congregatique sunt ad eum viri vanissimi et filii Belial et praevaluerunt contra Roboam filium Salomonis porro Roboam erat rudis et corde pavido nec potuit resistere eis
Juges 9.4 2 Chroniques 12.13 Esaïe 3.4 Proverbes 12.11 Ecclésiaste 10.16
⁸ nunc ergo vos dicitis quod resistere possitis regno Domini quod possidet per filios David habetisque grandem populi multitudinem atque vitulos aureos quos fecit vobis Hieroboam in deos
1 Rois 12.28 2 Chroniques 11.15 Osée 8.5-8.6 2 Chroniques 14.9-14.11 Luc 19.14
⁹ et eiecistis sacerdotes Domini filios Aaron atque Levitas et fecistis vobis sacerdotes sicut omnes populi terrarum quicumque venerit et initiaverit manum suam in tauro in bubus et in arietibus septem fit sacerdos eorum qui non sunt dii
2 Chroniques 11.14-11.15 Jérémie 2.11 Exode 29.35 Actes 19.26 Exode 29.1
¹⁰ noster autem Dominus Deus est quem non relinquimus sacerdotesque ministrant Domino de filiis Aaron et Levitae sunt in ordine suo
Zacharie 13.9 Nombres 16.40 Exode 29.1-29.37 Nombres 18.1-18.7 2 Chroniques 11.16-11.17
¹¹ holocausta quoque offerunt Domino per singulos dies mane et vespere et thymiama iuxta legis praecepta confectum et proponuntur panes in mensa mundissima estque apud nos candelabrum aureum et lucernae eius ut accendantur semper ad vesperam nos quippe custodimus praecepta Domini Dei nostri quem vos reliquistis
2 Chroniques 2.4 Lévitique 24.2-24.9 Exode 25.30-25.39 Exode 27.20-27.21 Exode 29.38
¹² ergo in exercitu nostro dux Deus est et sacerdotes eius qui clangunt tubis et resonant contra vos filii Israhel nolite pugnare contra Dominum Deum patrum vestrorum quia non vobis expedit
Nombres 10.8-10.9 Actes 5.39 Zacharie 10.5 1 Samuel 4.5-4.7 2 Chroniques 24.20
¹³ haec illo loquente Hieroboam retro moliebatur insidias cumque ex adverso hostium staret ignorantem Iudam suo ambiebat exercitu
Josué 8.4 Josué 8.9 2 Chroniques 20.22 Proverbes 21.30 Jérémie 4.22
¹⁴ respiciensque Iudas vidit instare bellum ex adverso et post tergum et clamavit ad Dominum ac sacerdotes tubis canere coeperunt
2 Chroniques 14.11 2 Samuel 10.8-10.14 Exode 14.10 Josué 8.20 2 Chroniques 18.31
¹⁵ omnesque viri Iuda vociferati sunt et ecce illis clamantibus perterruit Deus Hieroboam et omnem Israhel qui stabat ex adverso Abia et Iuda
2 Chroniques 14.12 2 Chroniques 20.21 Nombres 32.4 Psaumes 47.1 Esaïe 37.36
¹⁶ fugeruntque filii Israhel Iudam et tradidit eos Deus in manu eorum
2 Chroniques 16.8 Josué 21.44 Genèse 14.20 Juges 1.4 Deutéronome 2.36
¹⁷ percussit ergo eos Abia et populus eius plaga magna et corruerunt vulnerati ex Israhel quingenta milia virorum fortium
2 Chroniques 13.3 1 Corinthiens 10.22 Nahum 1.5 Esaïe 10.16-10.19 2 Chroniques 28.6
¹⁸ humiliatique sunt filii Israhel in tempore illo et vehementissime confortati filii Iuda eo quod sperassent in Domino Deo patrum suorum
2 Chroniques 14.11 1 Chroniques 5.20 2 Chroniques 20.20 Ephésiens 1.12 Nahum 1.7
¹⁹ persecutus est autem Abia fugientem Hieroboam et cepit civitates eius Bethel et filias eius et Hiesena cum filiabus suis Ephron quoque et filias eius
2 Chroniques 15.8 Josué 15.9 Jean 11.54 Josué 10.39 1 Samuel 31.7
²⁰ nec valuit ultra resistere Hieroboam in diebus Abia quem percussit Dominus et mortuus est
1 Rois 14.20 1 Samuel 25.38 Psaumes 18.37-18.38 1 Samuel 26.10 Ezéchiel 24.16
²¹ igitur Abia confortato imperio suo accepit uxores quattuordecim procreavitque viginti duos filios et sedecim filias
Juges 9.5 2 Samuel 5.12-5.13 Juges 8.30-8.31 2 Chroniques 11.21 Juges 10.4
²² reliqua autem sermonum Abia viarumque et operum eius scripta sunt diligentissime in libro prophetae Addo
2 Chroniques 9.29 2 Chroniques 12.15 2 Chroniques 24.27
²³ dormivit autem Abia cum patribus suis et sepelierunt eum in civitate David regnavitque Asa filius eius pro eo in cuius diebus quievit terra annis decem