Sophonie 2.1
Septante

¹ συνάχθητε καὶ συνδέθητε τὸ ἔθνος τὸ ἀπαίδευτον.Joël 1.14 2 Chroniques 20.4 Jérémie 6.15 Zacharie 11.8 Jérémie 3.3
² πρὸ τοῦ γενέσθαι ὑμᾶς ὡς ἄνθος παραπορευόμενον πρὸ τοῦ ἐπελθεῖν ἐφ’ ὑμᾶς ὀργὴν κυρίου πρὸ τοῦ ἐπελθεῖν ἐφ’ ὑμᾶς ἡμέραν θυμοῦ κυρίου.Lamentations 4.11 Esaïe 17.13 Osée 13.3 Nahum 1.6 Sophonie 3.8
³ ζητήσατε τὸν κύριον πάντες ταπεινοὶ γῆς κρίμα ἐργάζεσθε καὶ δικαιοσύνην ζητήσατε καὶ ἀποκρίνεσθε αὐτά ὅπως σκεπασθῆτε ἐν ἡμέρᾳ ὀργῆς κυρίου.Amos 5.14-5.15 Psaumes 57.1 Psaumes 76.9 Matthieu 5.5 1 Pierre 3.4
⁴ διότι Γάζα διηρπασμένη ἔσται καὶ Ἀσκαλὼν ἔσται εἰς ἀφανισμόν καὶ Ἄζωτος μεσημβρίας ἐκριφήσεται καὶ Ακκαρων ἐκριζωθήσεται.Zacharie 9.5-9.7 Amos 1.6-1.8 Jérémie 25.20 Jérémie 47.1-47.7 Ezéchiel 25.15-25.17
⁵ οὐαὶ οἱ κατοικοῦντες τὸ σχοίνισμα τῆς θαλάσσης πάροικοι Κρητῶν λόγος κυρίου ἐφ’ ὑμᾶς Χανααν γῆ ἀλλοφύλων καὶ ἀπολῶ ὑμᾶς ἐκ κατοικίας.Ezéchiel 25.16 Amos 3.1 Josué 13.3 Jérémie 47.7 Sophonie 3.6
⁶ καὶ ἔσται Κρήτη νομὴ ποιμνίων καὶ μάνδρα προβάτων.Esaïe 17.2 Esaïe 5.17 Sophonie 2.14-2.15 Ezéchiel 25.5
⁷ καὶ ἔσται τὸ σχοίνισμα τῆς θαλάσσης τοῖς καταλοίποις οἴκου Ιουδα ἐπ’ αὐτοὺς νεμήσονται ἐν τοῖς οἴκοις Ἀσκαλῶνος δείλης καταλύσουσιν ἀπὸ προσώπου υἱῶν Ιουδα ὅτι ἐπέσκεπται αὐτοὺς κύριος ὁ θεὸς αὐτῶν καὶ ἀπέστρεψε τὴν αἰχμαλωσίαν αὐτῶν.Sophonie 3.20 Exode 4.31 Luc 1.68 Abdias 1.19 Zacharie 9.6-9.7
⁸ ἤκουσα ὀνειδισμοὺς Μωαβ καὶ κονδυλισμοὺς υἱῶν Αμμων ἐν οἷς ὠνείδιζον τὸν λαόν μου καὶ ἐμεγαλύνοντο ἐπὶ τὰ ὅριά μου.Jérémie 49.1 Amos 1.13 Jérémie 48.27-48.29 Ezéchiel 25.3-25.11 Ezéchiel 36.2
⁹ διὰ τοῦτο ζῶ ἐγώ λέγει κύριος τῶν δυνάμεων ὁ θεὸς Ισραηλ διότι Μωαβ ὡς Σοδομα ἔσται καὶ οἱ υἱοὶ Αμμων ὡς Γομορρα καὶ Δαμασκὸς ἐκλελειμμένη ὡς θιμωνιὰ ἅλωνος καὶ ἠφανισμένη εἰς τὸν αἰῶνα καὶ οἱ κατάλοιποι λαοῦ μου διαρπῶνται αὐτούς καὶ οἱ κατάλοιποι ἔθνους μου κληρονομήσουσιν αὐτούς.Deutéronome 29.23 Esaïe 11.14 Esaïe 15.1-15.9 Esaïe 49.18 Nombres 14.21
¹⁰ αὕτη αὐτοῖς ἀντὶ τῆς ὕβρεως αὐτῶν διότι ὠνείδισαν καὶ ἐμεγαλύνθησαν ἐπὶ τὸν κύριον τὸν παντοκράτορα.Esaïe 16.6 Sophonie 2.8 Jérémie 48.29 Exode 9.17 Esaïe 37.22-37.29
¹¹ ἐπιφανήσεται κύριος ἐπ’ αὐτοὺς καὶ ἐξολεθρεύσει πάντας τοὺς θεοὺς τῶν ἐθνῶν τῆς γῆς καὶ προσκυνήσουσιν αὐτῷ ἕκαστος ἐκ τοῦ τόπου αὐτοῦ πᾶσαι αἱ νῆσοι τῶν ἐθνῶν.Genèse 10.5 Psaumes 72.8-72.11 Esaïe 2.2-2.4 Joël 2.11 Apocalypse 11.15
¹² καὶ ὑμεῖς Αἰθίοπες τραυματίαι ῥομφαίας μού ἐστε.Esaïe 18.1-18.7 Esaïe 20.4-20.5 Ezéchiel 30.4-30.9 Jérémie 47.6-47.7 Psaumes 17.13
¹³ καὶ ἐκτενεῖ τὴν χεῖρα αὐτοῦ ἐπὶ βορρᾶν καὶ ἀπολεῖ τὸν Ἀσσύριον καὶ θήσει τὴν Νινευη εἰς ἀφανισμὸν ἄνυδρον ὡς ἔρημον.Nahum 3.7 Nahum 1.1 Esaïe 10.12 Esaïe 10.16 Zacharie 10.10-10.11
¹⁴ καὶ νεμήσονται ἐν μέσῳ αὐτῆς ποίμνια καὶ πάντα τὰ θηρία τῆς γῆς καὶ χαμαιλέοντες καὶ ἐχῖνοι ἐν τοῖς φατνώμασιν αὐτῆς κοιτασθήσονται καὶ θηρία φωνήσει ἐν τοῖς διορύγμασιν αὐτῆς κόρακες ἐν τοῖς πυλῶσιν αὐτῆς διότι κέδρος τὸ ἀνάστημα αὐτῆς.Jérémie 22.14 Esaïe 34.11-34.17 Apocalypse 18.2 Esaïe 13.19-13.22 Amos 9.1
¹⁵ αὕτη ἡ πόλις ἡ φαυλίστρια ἡ κατοικοῦσα ἐπ’ ἐλπίδι ἡ λέγουσα ἐν καρδίᾳ αὐτῆς ἐγώ εἰμι καὶ οὐκ ἔστιν μετ’ ἐμὲ ἔτι πῶς ἐγενήθη εἰς ἀφανισμόν νομὴ θηρίων πᾶς ὁ διαπορευόμενος δι’ αὐτῆς συριεῖ καὶ κινήσει τὰς χεῖρας αὐτοῦ.Nahum 3.19 Ezéchiel 28.2 Ezéchiel 28.9 Esaïe 22.2 Esaïe 47.7-47.8