Michée 1.11
Septante

Menaces contre Israël et Juda

¹ καὶ ἐγένετο λόγος κυρίου πρὸς Μιχαιαν τὸν τοῦ Μωρασθι ἐν ἡμέραις Ιωαθαμ καὶ Αχαζ καὶ Εζεκιου βασιλέων Ιουδα ὑπὲρ ὧν εἶδεν περὶ Σαμαρείας καὶ περὶ Ιερουσαλημ.
Esaïe 1.1 Jérémie 26.18 Osée 1.1 Amos 1.1 2 Chroniques 27.1-27.9
² ἀκούσατε λαοί λόγους καὶ προσεχέτω ἡ γῆ καὶ πάντες οἱ ἐν αὐτῇ καὶ ἔσται κύριος ἐν ὑμῖν εἰς μαρτύριον κύριος ἐξ οἴκου ἁγίου αὐτοῦ.
Esaïe 1.2 Psaumes 11.4 Malachie 3.5 Jonas 2.7 Michée 6.1-6.2
³ διότι ἰδοὺ κύριος ἐκπορεύεται ἐκ τοῦ τόπου αὐτοῦ καὶ καταβήσεται καὶ ἐπιβήσεται ἐπὶ τὰ ὕψη τῆς γῆς.
Amos 4.13 Esaïe 26.21 Deutéronome 32.13 Psaumes 115.3 Esaïe 63.3-63.4
⁴ καὶ σαλευθήσεται τὰ ὄρη ὑποκάτωθεν αὐτοῦ καὶ αἱ κοιλάδες τακήσονται ὡς κηρὸς ἀπὸ προσώπου πυρὸς καὶ ὡς ὕδωρ καταφερόμενον ἐν καταβάσει.
Nahum 1.5 Psaumes 97.5 Habakuk 3.6 Esaïe 64.1-64.3 Juges 5.4
⁵ διὰ ἀσέβειαν Ιακωβ πάντα ταῦτα καὶ διὰ ἁμαρτίαν οἴκου Ισραηλ τίς ἡ ἀσέβεια τοῦ Ιακωβ οὐ Σαμάρεια καὶ τίς ἡ ἁμαρτία οἴκου Ιουδα οὐχὶ Ιερουσαλημ.
Amos 8.14 Jérémie 2.19 Jérémie 2.17 2 Chroniques 36.14-36.16 2 Chroniques 28.2-28.4
⁶ καὶ θήσομαι Σαμάρειαν εἰς ὀπωροφυλάκιον ἀγροῦ καὶ εἰς φυτείαν ἀμπελῶνος καὶ κατασπάσω εἰς χάος τοὺς λίθους αὐτῆς καὶ τὰ θεμέλια αὐτῆς ἀποκαλύψω.
Ezéchiel 13.14 Michée 3.12 Lamentations 4.1 2 Rois 19.25 Jérémie 51.25
⁷ καὶ πάντα τὰ γλυπτὰ αὐτῆς κατακόψουσιν καὶ πάντα τὰ μισθώματα αὐτῆς ἐμπρήσουσιν ἐν πυρί καὶ πάντα τὰ εἴδωλα αὐτῆς θήσομαι εἰς ἀφανισμόν διότι ἐκ μισθωμάτων πορνείας συνήγαγεν καὶ ἐκ μισθωμάτων πορνείας συνέστρεψεν.
Osée 2.12 Deutéronome 23.18 Osée 8.6 Deutéronome 9.21 Esaïe 27.9
⁸ ἕνεκεν τούτου κόψεται καὶ θρηνήσει πορεύσεται ἀνυπόδετος καὶ γυμνή ποιήσεται κοπετὸν ὡς δρακόντων καὶ πένθος ὡς θυγατέρων σειρήνων.
Esaïe 20.2-20.4 Esaïe 22.4 Job 30.29 Esaïe 16.9 Jérémie 9.19
⁹ ὅτι κατεκράτησεν ἡ πληγὴ αὐτῆς διότι ἦλθεν ἕως Ιουδα καὶ ἥψατο ἕως πύλης λαοῦ μου ἕως Ιερουσαλημ.
Michée 1.12 2 Chroniques 32.1-32.23 Esaïe 8.7-8.8 Esaïe 1.5-1.6 Jérémie 15.18
¹⁰ οἱ ἐν Γεθ μὴ μεγαλύνεσθε οἱ ἐν Ακιμ μὴ ἀνοικοδομεῖτε ἐξ οἴκου κατὰ γέλωτα γῆν καταπάσασθε κατὰ γέλωτα ὑμῶν.
2 Samuel 1.20 Jérémie 6.26 Job 2.8 Josué 18.23 Lamentations 3.29
¹¹ κατοικοῦσα καλῶς τὰς πόλεις αὐτῆς οὐκ ἐξῆλθεν κατοικοῦσα Σεννααν κόψασθαι οἶκον ἐχόμενον αὐτῆς λήμψεται ἐξ ὑμῶν πληγὴν ὀδύνης.
Esaïe 20.4 Esaïe 47.2-47.3 Ezéchiel 23.29 Jérémie 13.22 Michée 1.8
¹² τίς ἤρξατο εἰς ἀγαθὰ κατοικούσῃ ὀδύνας ὅτι κατέβη κακὰ παρὰ κυρίου ἐπὶ πύλας Ιερουσαλημ.
Jérémie 14.19 Michée 1.9 Amos 3.6 Esaïe 59.9-59.11 Esaïe 45.7
¹³ ψόφος ἁρμάτων καὶ ἱππευόντων κατοικοῦσα Λαχις ἀρχηγὸς ἁμαρτίας αὐτή ἐστιν τῇ θυγατρὶ Σιων ὅτι ἐν σοὶ εὑρέθησαν ἀσέβειαι τοῦ Ισραηλ.
2 Rois 18.17 2 Chroniques 32.9 Josué 10.3 Jérémie 3.8 Apocalypse 18.1-18.5
¹⁴ διὰ τοῦτο δώσεις ἐξαποστελλομένους ἕως κληρονομίας Γεθ οἴκους ματαίους εἰς κενὰ ἐγένετο τοῖς βασιλεῦσιν τοῦ Ισραηλ.
Josué 15.44 2 Rois 16.8 Jérémie 15.18 Psaumes 118.8-118.9 2 Chroniques 16.1-16.3
¹⁵ ἕως τοὺς κληρονόμους ἀγάγω σοι κατοικοῦσα Λαχις κληρονομία ἕως Οδολλαμ ἥξει ἡ δόξα τῆς θυγατρὸς Ισραηλ.
1 Samuel 22.1 Josué 15.44 Josué 15.35 Jérémie 49.1 Josué 12.15
¹⁶ ξύρησαι καὶ κεῖραι ἐπὶ τὰ τέκνα τὰ τρυφερά σου ἐμπλάτυνον τὴν χηρείαν σου ὡς ἀετός ὅτι ᾐχμαλωτεύθησαν ἀπὸ σοῦ.
Esaïe 22.12 2 Rois 17.6 Jérémie 7.29 Job 1.20 Deutéronome 28.56-28.57