Jérémie 17.9
Septante

Le péché gravé dans le cœur

¹
Proverbes 3.3 2 Corinthiens 3.3 Proverbes 7.3 Osée 12.11 Lévitique 4.25
⁵ ἐπικατάρατος ὁ ἄνθρωπος ὃς τὴν ἐλπίδα ἔχει ἐπ’ ἄνθρωπον καὶ στηρίσει σάρκα βραχίονος αὐτοῦ ἐπ’ αὐτόν καὶ ἀπὸ κυρίου ἀποστῇ ἡ καρδία αὐτοῦ.
Psaumes 118.8-118.9 Esaïe 2.22 Psaumes 146.3-146.4 2 Chroniques 32.8 Esaïe 31.1-31.9
⁶ καὶ ἔσται ὡς ἡ ἀγριομυρίκη ἡ ἐν τῇ ἐρήμῳ οὐκ ὄψεται ὅταν ἔλθῃ τὰ ἀγαθά καὶ κατασκηνώσει ἐν ἁλίμοις καὶ ἐν ἐρήμῳ ἐν γῇ ἁλμυρᾷ ἥτις οὐ κατοικεῖται.
Deutéronome 29.23 Jérémie 48.6 Job 39.6 Job 20.17 Juges 9.45
⁷ καὶ εὐλογημένος ὁ ἄνθρωπος ὃς πέποιθεν ἐπὶ τῷ κυρίῳ καὶ ἔσται κύριος ἐλπὶς αὐτοῦ.
Psaumes 34.8 Proverbes 16.20 Psaumes 40.4 Esaïe 30.18 Psaumes 84.12
⁸ καὶ ἔσται ὡς ξύλον εὐθηνοῦν παρ’ ὕδατα καὶ ἐπὶ ἰκμάδα βαλεῖ ῥίζας αὐτοῦ καὶ οὐ φοβηθήσεται ὅταν ἔλθῃ καῦμα καὶ ἔσται ἐπ’ αὐτῷ στελέχη ἀλσώδη ἐν ἐνιαυτῷ ἀβροχίας οὐ φοβηθήσεται καὶ οὐ διαλείψει ποιῶν καρπόν.
Ezéchiel 31.4-31.10 Psaumes 1.3 Esaïe 58.11 Psaumes 92.10-92.15 Ezéchiel 47.12
⁹ βαθεῖα ἡ καρδία παρὰ πάντα καὶ ἄνθρωπός ἐστιν καὶ τίς γνώσεται αὐτόν.
Marc 7.21-7.22 Proverbes 28.26 Hébreux 3.12 Ecclésiaste 9.3 Matthieu 15.19
¹⁰ ἐγὼ κύριος ἐτάζων καρδίας καὶ δοκιμάζων νεφροὺς τοῦ δοῦναι ἑκάστῳ κατὰ τὰς ὁδοὺς αὐτοῦ καὶ κατὰ τοὺς καρποὺς τῶν ἐπιτηδευμάτων αὐτοῦ.
Jérémie 32.19 Jérémie 11.20 1 Samuel 16.7 Romains 8.27 Psaumes 62.12
¹¹ ἐφώνησεν πέρδιξ συνήγαγεν ἃ οὐκ ἔτεκεν ποιῶν πλοῦτον αὐτοῦ οὐ μετὰ κρίσεως ἐν ἡμίσει ἡμερῶν αὐτοῦ ἐγκαταλείψουσιν αὐτόν καὶ ἐπ’ ἐσχάτων αὐτοῦ ἔσται ἄφρων.
Proverbes 28.8 Luc 12.20 Proverbes 21.6 Proverbes 15.27 Proverbes 28.20
¹² θρόνος δόξης ὑψωμένος ἁγίασμα ἡμῶν.
Jérémie 3.17 Jérémie 14.21 Ezéchiel 43.7 Ezéchiel 1.26 Psaumes 96.6
¹³ ὑπομονὴ Ισραηλ κύριε πάντες οἱ καταλιπόντες σε καταισχυνθήτωσαν ἀφεστηκότες ἐπὶ τῆς γῆς γραφήτωσαν ὅτι ἐγκατέλιπον πηγὴν ζωῆς τὸν κύριον.
Jérémie 14.8 Esaïe 1.28 Psaumes 73.27 Jean 8.6-8.8 Luc 10.20
¹⁴ ἴασαί με κύριε καὶ ἰαθήσομαι σῶσόν με καὶ σωθήσομαι ὅτι καύχημά μου σὺ εἶ.
Deutéronome 10.21 Psaumes 6.2 Psaumes 109.1 Psaumes 6.4 Psaumes 60.5
¹⁵ ἰδοὺ αὐτοὶ λέγουσι πρός με ποῦ ἐστιν ὁ λόγος κυρίου ἐλθάτω.
Esaïe 5.19 2 Pierre 3.3-3.4 Ezéchiel 12.22 Jérémie 20.7-20.8 Ezéchiel 12.27-12.28
¹⁶ ἐγὼ δὲ οὐκ ἐκοπίασα κατακολουθῶν ὀπίσω σου καὶ ἡμέραν ἀνθρώπου οὐκ ἐπεθύμησα σὺ ἐπίστῃ τὰ ἐκπορευόμενα διὰ τῶν χειλέων μου πρὸ προσώπου σού ἐστιν.
Jérémie 4.19-4.20 2 Corinthiens 2.17 Jérémie 14.17-14.21 Jérémie 9.1 Jérémie 13.17
¹⁷ μὴ γενηθῇς μοι εἰς ἀλλοτρίωσιν φειδόμενός μου ἐν ἡμέρᾳ πονηρᾷ.
Jérémie 16.19 Nahum 1.7 Psaumes 88.15-88.16 Psaumes 59.16 Job 31.23
¹⁸ καταισχυνθήτωσαν οἱ διώκοντές με καὶ μὴ καταισχυνθείην ἐγώ πτοηθείησαν αὐτοί καὶ μὴ πτοηθείην ἐγώ ἐπάγαγε ἐπ’ αὐτοὺς ἡμέραν πονηράν δισσὸν σύντριμμα σύντριψον αὐτούς.
Psaumes 35.4 Psaumes 40.14 Psaumes 35.8 Jérémie 11.20 Jérémie 20.11

Le respect du sabbat

¹⁹ τάδε λέγει κύριος βάδισον καὶ στῆθι ἐν πύλαις υἱῶν λαοῦ σου ἐν αἷς εἰσπορεύονται ἐν αὐταῖς βασιλεῖς Ιουδα καὶ ἐν αἷς ἐκπορεύονται ἐν αὐταῖς καὶ ἐν πάσαις ταῖς πύλαις Ιερουσαλημ.
Jérémie 7.2 Jérémie 26.2 Proverbes 9.3 Proverbes 1.20-1.22 Actes 5.20
²⁰ καὶ ἐρεῖς πρὸς αὐτούς ἀκούσατε λόγον κυρίου βασιλεῖς Ιουδα καὶ πᾶσα Ιουδαία καὶ πᾶσα Ιερουσαλημ οἱ εἰσπορευόμενοι ἐν ταῖς πύλαις ταύταις.
Jérémie 19.3 Jérémie 22.2 Psaumes 49.1-49.2 Ezéchiel 2.7 Ezéchiel 3.17
²¹ τάδε λέγει κύριος φυλάσσεσθε τὰς ψυχὰς ὑμῶν καὶ μὴ αἴρετε βαστάγματα ἐν τῇ ἡμέρᾳ τῶν σαββάτων καὶ μὴ ἐκπορεύεσθε ταῖς πύλαις Ιερουσαλημ.
Nombres 15.32-15.36 Néhémie 13.15-13.21 Jean 5.9-5.12 Marc 4.24 Deutéronome 4.23
²² καὶ μὴ ἐκφέρετε βαστάγματα ἐξ οἰκιῶν ὑμῶν ἐν τῇ ἡμέρᾳ τῶν σαββάτων καὶ πᾶν ἔργον οὐ ποιήσετε ἁγιάσατε τὴν ἡμέραν τῶν σαββάτων καθὼς ἐνετειλάμην τοῖς πατράσιν ὑμῶν καὶ οὐκ ἤκουσαν καὶ οὐκ ἔκλιναν τὸ οὖς αὐτῶν.
Ezéchiel 20.12 Esaïe 58.13 Esaïe 56.2-56.6 Exode 20.8-20.10 Exode 23.12
²³ καὶ ἐσκλήρυναν τὸν τράχηλον αὐτῶν ὑπὲρ τοὺς πατέρας αὐτῶν τοῦ μὴ ἀκοῦσαί μου καὶ τοῦ μὴ δέξασθαι παιδείαν.
Proverbes 29.1 Jérémie 19.15 Jérémie 11.10 Actes 7.51 Zacharie 7.11-7.12
²⁴ καὶ ἔσται ἐὰν ἀκοῇ ἀκούσητέ μου λέγει κύριος τοῦ μὴ εἰσφέρειν βαστάγματα διὰ τῶν πυλῶν τῆς πόλεως ταύτης ἐν τῇ ἡμέρᾳ τῶν σαββάτων καὶ ἁγιάζειν τὴν ἡμέραν τῶν σαββάτων τοῦ μὴ ποιεῖν πᾶν ἔργον.
Deutéronome 11.13 Jérémie 17.21-17.22 Exode 15.26 Esaïe 55.2 Esaïe 21.7
²⁵ καὶ εἰσελεύσονται διὰ τῶν πυλῶν τῆς πόλεως ταύτης βασιλεῖς καὶ ἄρχοντες καθήμενοι ἐπὶ θρόνου Δαυιδ καὶ ἐπιβεβηκότες ἐφ’ ἅρμασιν καὶ ἵπποις αὐτῶν αὐτοὶ καὶ οἱ ἄρχοντες αὐτῶν ἄνδρες Ιουδα καὶ οἱ κατοικοῦντες Ιερουσαλημ καὶ κατοικισθήσεται ἡ πόλις αὕτη εἰς τὸν αἰῶνα.
Jérémie 22.4 Esaïe 9.7 2 Samuel 7.16 Jérémie 33.15 Hébreux 12.22
²⁶ καὶ ἥξουσιν ἐκ τῶν πόλεων Ιουδα καὶ κυκλόθεν Ιερουσαλημ καὶ ἐκ γῆς Βενιαμιν καὶ ἐκ τῆς πεδινῆς καὶ ἐκ τοῦ ὄρους καὶ ἐκ τῆς πρὸς νότον φέροντες ὁλοκαυτώματα καὶ θυσίαν καὶ θυμιάματα καὶ μαναα καὶ λίβανον φέροντες αἴνεσιν εἰς οἶκον κυρίου.
Zacharie 7.7 Jérémie 33.13 Jérémie 32.44 Psaumes 107.22 Jérémie 33.11
²⁷ καὶ ἔσται ἐὰν μὴ εἰσακούσητέ μου τοῦ ἁγιάζειν τὴν ἡμέραν τῶν σαββάτων τοῦ μὴ αἴρειν βαστάγματα καὶ μὴ εἰσπορεύεσθαι ταῖς πύλαις Ιερουσαλημ ἐν τῇ ἡμέρᾳ τῶν σαββάτων καὶ ἀνάψω πῦρ ἐν ταῖς πύλαις αὐτῆς καὶ καταφάγεται ἄμφοδα Ιερουσαλημ καὶ οὐ σβεσθήσεται.
2 Rois 25.9 Jérémie 7.20 Lamentations 4.11 Jérémie 21.14 Zacharie 7.11-7.14