Esaïe 57.12
Septante

¹ ἴδετε ὡς ὁ δίκαιος ἀπώλετο καὶ οὐδεὶς ἐκδέχεται τῇ καρδίᾳ καὶ ἄνδρες δίκαιοι αἴρονται καὶ οὐδεὶς κατανοεῖ ἀπὸ γὰρ προσώπου ἀδικίας ἦρται ὁ δίκαιος.
2 Rois 22.20 Psaumes 12.1 Esaïe 42.25 2 Chroniques 34.28 Esaïe 47.7
² ἔσται ἐν εἰρήνῃ ἡ ταφὴ αὐτοῦ ἦρται ἐκ τοῦ μέσου.
Luc 2.29 Luc 16.22 2 Chroniques 16.14 Ezéchiel 32.25 Apocalypse 14.13
³ ὑμεῖς δὲ προσαγάγετε ὧδε υἱοὶ ἄνομοι σπέρμα μοιχῶν καὶ πόρνης.
Matthieu 16.4 Matthieu 23.33 Matthieu 3.7 Esaïe 1.21 Jean 8.40-8.44
⁴ ἐν τίνι ἐνετρυφήσατε καὶ ἐπὶ τίνα ἠνοίξατε τὸ στόμα ὑμῶν καὶ ἐπὶ τίνα ἐχαλάσατε τὴν γλῶσσαν ὑμῶν οὐχ ὑμεῖς ἐστε τέκνα ἀπωλείας σπέρμα ἄνομον.
Esaïe 1.4 Psaumes 35.21 Esaïe 10.15 Psaumes 22.13 Esaïe 37.29
⁵ οἱ παρακαλοῦντες ἐπὶ τὰ εἴδωλα ὑπὸ δένδρα δασέα σφάζοντες τὰ τέκνα αὐτῶν ἐν ταῖς φάραγξιν ἀνὰ μέσον τῶν πετρῶν.
Ezéchiel 16.20 2 Rois 16.3-16.4 Esaïe 1.29 2 Rois 23.10 Jérémie 7.31
⁶ ἐκείνη σου ἡ μερίς οὗτός σου ὁ κλῆρος κἀκείνοις ἐξέχεας σπονδὰς κἀκείνοις ἀνήνεγκας θυσίας ἐπὶ τούτοις οὖν οὐκ ὀργισθήσομαι.
Jérémie 3.9 Jérémie 7.18 Habakuk 2.19 Jérémie 5.9 Deutéronome 32.37-32.38
⁷ ἐπ’ ὄρος ὑψηλὸν καὶ μετέωρον ἐκεῖ σου ἡ κοίτη κἀκεῖ ἀνεβίβασας θυσίας.
Ezéchiel 16.16 Ezéchiel 23.41 Ezéchiel 16.25 Jérémie 3.2 Ezéchiel 20.28-20.29
⁸ καὶ ὀπίσω τῶν σταθμῶν τῆς θύρας σου ἔθηκας μνημόσυνά σου ᾤου ὅτι ἐὰν ἀπ’ ἐμοῦ ἀποστῇς πλεῖόν τι ἕξεις ἠγάπησας τοὺς κοιμωμένους μετὰ σοῦ.
Ezéchiel 16.32 Ezéchiel 16.25-16.28 Ezéchiel 23.41 Ezéchiel 23.2-23.20 Ezéchiel 8.8-8.12
⁹ καὶ ἐπλήθυνας τὴν πορνείαν σου μετ’ αὐτῶν καὶ πολλοὺς ἐποίησας τοὺς μακρὰν ἀπὸ σοῦ καὶ ἀπέστειλας πρέσβεις ὑπὲρ τὰ ὅριά σου καὶ ἀπέστρεψας καὶ ἐταπεινώθης ἕως ᾅδου.
Ezéchiel 23.16 Osée 12.1 2 Rois 16.7-16.11 Proverbes 7.17 Esaïe 2.9
¹⁰ ταῖς πολυοδίαις σου ἐκοπίασας καὶ οὐκ εἶπας παύσομαι ἐνισχύουσα ὅτι ἔπραξας ταῦτα διὰ τοῦτο οὐ κατεδεήθης μου.
Jérémie 2.25 Jérémie 18.12 Jérémie 44.17-44.18 Romains 7.9 Esaïe 47.13
¹¹ σύ τίνα εὐλαβηθεῖσα ἐφοβήθης καὶ ἐψεύσω με καὶ οὐκ ἐμνήσθης μου οὐδὲ ἔλαβές με εἰς τὴν διάνοιαν οὐδὲ εἰς τὴν καρδίαν σου κἀγώ σε ἰδὼν παρορῶ καὶ ἐμὲ οὐκ ἐφοβήθης.
Proverbes 29.25 Psaumes 50.21 Esaïe 51.12-51.13 Jérémie 3.21 Jérémie 2.32
¹² κἀγὼ ἀπαγγελῶ τὴν δικαιοσύνην μου καὶ τὰ κακά σου ἃ οὐκ ὠφελήσουσίν σε.
Michée 3.2-3.4 Esaïe 1.11-1.15 Esaïe 59.6-59.8 Esaïe 64.5 Esaïe 58.2-58.6
¹³ ὅταν ἀναβοήσῃς ἐξελέσθωσάν σε ἐν τῇ θλίψει σου τούτους γὰρ πάντας ἄνεμος λήμψεται καὶ ἀποίσει καταιγίς οἱ δὲ ἀντεχόμενοί μου κτήσονται γῆν καὶ κληρονομήσουσιν τὸ ὄρος τὸ ἅγιόν μου.
Psaumes 37.9 Psaumes 37.3 Esaïe 65.25 Esaïe 56.7 Esaïe 11.9

Promesses de paix et de guérison

¹⁴ καὶ ἐροῦσιν καθαρίσατε ἀπὸ προσώπου αὐτοῦ ὁδοὺς καὶ ἄρατε σκῶλα ἀπὸ τῆς ὁδοῦ τοῦ λαοῦ μου.
Esaïe 62.10 1 Corinthiens 8.13 Romains 14.13 Esaïe 40.3 Luc 3.5-3.6
¹⁵ τάδε λέγει κύριος ὁ ὕψιστος ὁ ἐν ὑψηλοῖς κατοικῶν τὸν αἰῶνα ἅγιος ἐν ἁγίοις ὄνομα αὐτῷ κύριος ὕψιστος ἐν ἁγίοις ἀναπαυόμενος καὶ ὀλιγοψύχοις διδοὺς μακροθυμίαν καὶ διδοὺς ζωὴν τοῖς συντετριμμένοις τὴν καρδίαν.
Psaumes 34.18 Exode 15.11 Psaumes 138.6 Daniel 4.34 Esaïe 66.1-66.2
¹⁶ οὐκ εἰς τὸν αἰῶνα ἐκδικήσω ὑμᾶς οὐδὲ διὰ παντὸς ὀργισθήσομαι ὑμῖν πνεῦμα γὰρ παρ’ ἐμοῦ ἐξελεύσεται καὶ πνοὴν πᾶσαν ἐγὼ ἐποίησα.
Michée 7.18 Psaumes 85.5 Psaumes 103.9-103.16 Jérémie 10.24 Hébreux 12.9
¹⁷ δι’ ἁμαρτίαν βραχύ τι ἐλύπησα αὐτὸν καὶ ἐπάταξα αὐτὸν καὶ ἀπέστρεψα τὸ πρόσωπόν μου ἀπ’ αὐτοῦ καὶ ἐλυπήθη καὶ ἐπορεύθη στυγνὸς ἐν ταῖς ὁδοῖς αὐτοῦ.
Esaïe 56.11 Jérémie 6.13 Ecclésiaste 6.9 Michée 2.2-2.3 Luc 12.15
¹⁸ τὰς ὁδοὺς αὐτοῦ ἑώρακα καὶ ἰασάμην αὐτὸν καὶ παρεκάλεσα αὐτὸν καὶ ἔδωκα αὐτῷ παράκλησιν ἀληθινήν.
Osée 14.4-14.8 Jérémie 13.17 Apocalypse 7.17 Jérémie 31.3 Jérémie 3.22
¹⁹ εἰρήνην ἐπ’ εἰρήνην τοῖς μακρὰν καὶ τοῖς ἐγγὺς οὖσιν καὶ εἶπεν κύριος ἰάσομαι αὐτούς.
Hébreux 13.15 Actes 2.39 Esaïe 6.7 Luc 21.15 Luc 10.5-10.6
²⁰ οἱ δὲ ἄδικοι οὕτως κλυδωνισθήσονται καὶ ἀναπαύσασθαι οὐ δυνήσονται.
Job 18.5-18.14 Esaïe 3.11 Job 20.11-20.29 Job 15.20-15.24 Psaumes 73.18-73.20
²¹ οὐκ ἔστιν χαίρειν τοῖς ἀσεβέσιν εἶπεν κύριος ὁ θεός.
Esaïe 48.22 Esaïe 59.8 2 Rois 9.22 Romains 3.16-3.17 Esaïe 3.11