Cantique 6.8
Biblia Hebraica Stuttgartensia

Les filles de Jérusalem

¹ אָ֚נָה הָלַ֣ךְ דֹּודֵ֔ךְ הַיָּפָ֖ה בַּנָּשִׁ֑ים אָ֚נָה פָּנָ֣ה דֹודֵ֔ךְ וּנְבַקְשֶׁ֖נּוּ עִמָּֽךְ׃
Cantique 1.8 Esaïe 2.5 Cantique 5.9 Ruth 2.12 Ruth 1.16-1.17

La jeune femme

² דֹּודִי֙ יָרַ֣ד לְגַנֹּ֔ו לַעֲרוּגֹ֖ות הַבֹּ֑שֶׂם לִרְעֹות֙ בַּגַּנִּ֔ים וְלִלְקֹ֖ט שֹֽׁושַׁנִּֽים׃
Cantique 5.13 1 Thessaloniciens 4.13-4.14 Matthieu 18.20 Esaïe 40.11 Cantique 4.12-5.1
³ אֲנִ֤י לְדֹודִי֙ וְדֹודִ֣י לִ֔י הָרֹעֶ֖ה בַּשֹּׁושַׁנִּֽים׃ ס
Cantique 2.16 Cantique 7.10 Apocalypse 21.2-21.4 Hébreux 8.10

Le jeune homme

⁴ יָפָ֨ה אַ֤תְּ רַעְיָתִי֙ כְּתִרְצָ֔ה נָאוָ֖ה כִּירוּשָׁלִָ֑ם אֲיֻמָּ֖ה כַּנִּדְגָּלֹֽות׃
Cantique 6.10 Psaumes 48.2 1 Rois 14.17 Apocalypse 21.2 Cantique 2.14
⁵ הָסֵ֤בִּי עֵינַ֨יִךְ֙ מִנֶּגְדִּ֔י שֶׁ֥הֵ֖ם הִרְהִיבֻ֑נִי שַׂעְרֵךְ֙ כְּעֵ֣דֶר הָֽעִזִּ֔ים שֶׁגָּלְשׁ֖וּ מִן־הַגִּלְעָֽד׃
Jérémie 15.1 Genèse 32.26-32.28 Exode 32.10 Matthieu 15.27-15.28 Cantique 4.1-4.3
⁶ שִׁנַּ֨יִךְ֙ כְּעֵ֣דֶר הָֽרְחֵלִ֔ים שֶׁעָל֖וּ מִן־הָרַחְצָ֑ה שֶׁכֻּלָּם֙ מַתְאִימֹ֔ות וְשַׁכֻּלָ֖ה אֵ֥ין בָּהֶֽם׃
Cantique 4.2 Matthieu 25.30 Matthieu 21.19
⁷ כְּפֶ֤לַח הָרִמֹּון֙ רַקָּתֵ֔ךְ מִבַּ֖עַד לְצַמָּתֵֽךְ׃
Cantique 4.3
⁸ שִׁשִּׁ֥ים הֵ֨מָּה֙ מְּלָכֹ֔ות וּשְׁמֹנִ֖ים פִּֽילַגְשִׁ֑ים וַעֲלָמֹ֖ות אֵ֥ין מִסְפָּֽר׃
Psaumes 45.14 Apocalypse 7.9 2 Chroniques 11.21 1 Rois 11.3 Psaumes 45.9
⁹ אַחַ֥ת הִיא֙ יֹונָתִ֣י תַמָּתִ֔י אַחַ֥ת הִיא֙ לְאִמָּ֔הּ בָּרָ֥ה הִ֖יא לְיֹֽולַדְתָּ֑הּ רָא֤וּהָ בָנֹות֙ וַֽיְאַשְּׁר֔וּהָ מְלָכֹ֥ות וּפִֽילַגְשִׁ֖ים וַֽיְהַלְלֽוּהָ׃ ס
Cantique 5.2 Cantique 2.14 Psaumes 126.2 Galates 4.26 2 Thessaloniciens 1.10

Les filles de Jérusalem

¹⁰ מִי־זֹ֥את הַנִּשְׁקָפָ֖ה כְּמֹו־שָׁ֑חַר יָפָ֣ה כַלְּבָנָ֗ה בָּרָה֙ כַּֽחַמָּ֔ה אֲיֻמָּ֖ה כַּנִּדְגָּלֹֽות׃ ס
Cantique 6.4 Job 31.26 Matthieu 17.2 Apocalypse 10.1 Ephésiens 5.27

Le jeune homme

¹¹ אֶל־גִּנַּ֤ת אֱגֹוז֙ יָרַ֔דְתִּי לִרְאֹ֖ות בְּאִבֵּ֣י הַנָּ֑חַל לִרְאֹות֙ הֲפָֽרְחָ֣ה הַגֶּ֔פֶן הֵנֵ֖צוּ הָרִמֹּנִֽים׃
Cantique 7.12 Cantique 6.2 Cantique 5.1 Esaïe 5.2-5.4 Actes 15.36
¹² לֹ֣א יָדַ֔עְתִּי נַפְשִׁ֣י שָׂמַ֔תְנִי מַרְכְּבֹ֖ות עַמִּי־נָדִֽיב׃
Luc 15.20 Osée 11.8-11.9 Jérémie 31.18-31.20