Proverbes 28.25
Biblia Hebraica Stuttgartensia

¹ נָ֣סוּ וְאֵין־רֹדֵ֣ף רָשָׁ֑ע וְ֝צַדִּיקִ֗ים כִּכְפִ֥יר יִבְטָֽח׃Deutéronome 28.7 Psaumes 53.5 1 Thessaloniciens 2.2 Lévitique 26.17 Esaïe 26.3-26.4
² בְּפֶ֣שַֽׁע אֶ֭רֶץ רַבִּ֣ים שָׂרֶ֑יהָ וּבְאָדָ֥ם מֵבִ֥ין יֹ֝דֵ֗עַ כֵּ֣ן יַאֲרִֽיךְ׃Genèse 45.5-45.8 Osée 13.11 Daniel 4.27 1 Rois 16.8-16.29 2 Rois 15.8-15.31
³ גֶּ֣בֶר רָ֭שׁ וְעֹשֵׁ֣ק דַּלִּ֑ים מָטָ֥ר סֹ֝חֵ֗ף וְאֵ֣ין לָֽחֶם׃Matthieu 18.28-18.30
⁴ עֹזְבֵ֣י תֹ֭ורָה יְהַֽלְל֣וּ רָשָׁ֑ע וְשֹׁמְרֵ֥י תֹ֝ורָ֗ה יִתְגָּ֥רוּ בָֽם׃ פEphésiens 5.11 Matthieu 3.7 Romains 1.32 1 Rois 18.18 Matthieu 14.4
⁵ אַנְשֵׁי־רָ֭ע לֹא־יָבִ֣ינוּ מִשְׁפָּ֑ט וּמְבַקְשֵׁ֥י יְ֝הוָ֗ה יָבִ֥ינוּ כֹֽל׃Psaumes 92.6 Jean 7.17 1 Jean 2.27 1 Jean 2.20 Jacques 1.5
⁶ טֹֽוב־רָ֭שׁ הֹולֵ֣ךְ בְּתֻמֹּ֑ו מֵעִקֵּ֥שׁ דְּ֝רָכַ֗יִם וְה֣וּא עָשִֽׁיר׃Proverbes 19.1 Luc 16.19-16.23 Proverbes 28.18 Proverbes 19.22 Actes 24.24-24.27
⁷ נֹוצֵ֣ר תֹּ֭ורָה בֵּ֣ן מֵבִ֑ין וְרֹעֶה זֹֽ֝ולְלִ֗ים יַכְלִ֥ים אָבִֽיו׃1 Pierre 4.3-4.4 Proverbes 2.1-2.6 Proverbes 29.3 Luc 15.13 Proverbes 19.26
⁸ מַרְבֶּ֣ה הֹ֖ונֹו בְּנֶ֣שֶׁךְ וְתַרְבִּ֑ית לְחֹונֵ֖ן דַּלִּ֣ים יִקְבְּצֶֽנּוּ׃Proverbes 13.22 Lévitique 25.36 Exode 22.25 Proverbes 14.31 2 Samuel 12.6
⁹ מֵסִ֣יר אָ֭זְנֹו מִשְּׁמֹ֣עַ תֹּורָ֑ה גַּֽם־תְּ֝פִלָּתֹ֗ו תֹּועֵבָֽה׃Psaumes 66.18 Psaumes 109.7 Zacharie 7.11-7.13 Proverbes 15.8 Esaïe 1.15-1.16
¹⁰ מַשְׁגֶּ֤ה יְשָׁרִ֨ים׀ בְּדֶ֥רֶךְ רָ֗ע בִּשְׁחוּתֹ֥ו הֽוּא־יִפֹּ֑ול וּ֝תְמִימִ֗ים יִנְחֲלוּ־טֹֽוב׃Proverbes 26.27 Matthieu 6.33 Psaumes 37.25-37.26 Proverbes 15.6 Galates 2.4
¹¹ חָכָ֣ם בְּ֭עֵינָיו אִ֣ישׁ עָשִׁ֑יר וְדַ֖ל מֵבִ֣ין יַחְקְרֶֽנּוּ׃Ecclésiaste 9.15-9.17 Romains 12.16 Proverbes 26.16 1 Timothée 6.17 Luc 16.13-16.14
¹² בַּעֲלֹ֣ץ צַ֭דִּיקִים רַבָּ֣ה תִפְאָ֑רֶת וּבְק֥וּם רְ֝שָׁעִ֗ים יְחֻפַּ֥שׂ אָדָֽם׃Proverbes 29.2 Proverbes 11.10 Proverbes 28.28 Esther 8.15-8.17 1 Rois 18.13
¹³ מְכַסֶּ֣ה פְ֭שָׁעָיו לֹ֣א יַצְלִ֑יחַ וּמֹודֶ֖ה וְעֹזֵ֣ב יְרֻחָֽם׃Job 31.33 Psaumes 32.3-32.5 1 Jean 1.8-1.10 Jérémie 2.22-2.23 Daniel 9.20-9.23
¹⁴ אַשְׁרֵ֣י אָ֭דָם מְפַחֵ֣ד תָּמִ֑יד וּמַקְשֶׁ֥ה לִ֝בֹּ֗ו יִפֹּ֥ול בְּרָעָֽה׃Proverbes 23.17 Esaïe 66.2 Jérémie 32.40 Psaumes 95.8 Proverbes 29.1
¹⁵ אֲרִי־נֹ֭הֵם וְדֹ֣ב שֹׁוקֵ֑ק מֹשֵׁ֥ל רָ֝שָׁ֗ע עַ֣ל עַם־דָּֽל׃Matthieu 2.16 1 Pierre 5.8 2 Rois 21.16 Exode 1.22 Esther 3.6-3.10
¹⁶ נָגִ֗יד חֲסַ֣ר תְּ֭בוּנֹות וְרַ֥ב מַעֲשַׁקֹּ֑ות שֹׂ֥נֵא בֶ֝֗צַע יַאֲרִ֥יךְ יָמִֽים׃ פEsaïe 3.12 Ecclésiaste 4.1 1 Rois 12.10 Exode 18.21 1 Rois 12.14
¹⁷ אָ֭דָם עָשֻׁ֣ק בְּדַם־נָ֑פֶשׁ עַד־בֹּ֥ור יָ֝נ֗וּס אַל־יִתְמְכוּ־בֹֽו׃Genèse 9.6 Exode 21.14 Nombres 35.14-35.34 Matthieu 27.4-27.5 2 Chroniques 24.21-24.25
¹⁸ הֹולֵ֣ךְ תָּ֭מִים יִוָּשֵׁ֑עַ וְנֶעְקַ֥שׁ דְּ֝רָכַ֗יִם יִפֹּ֥ול בְּאֶחָֽת׃Proverbes 10.9 Proverbes 28.6 Psaumes 73.18-73.20 Proverbes 11.3-11.6 1 Thessaloniciens 5.3
¹⁹ עֹבֵ֣ד אַ֭דְמָתֹו יִֽשְׂבַּֽע־לָ֑חֶם וּמְרַדֵּ֥ף רֵ֝קִ֗ים יִֽשְׂבַּֽע־רִֽישׁ׃Proverbes 12.11 Luc 15.12-15.17 Juges 9.4 Proverbes 23.20-23.21 Proverbes 27.23-27.27
²⁰ אִ֣ישׁ אֱ֭מוּנֹות רַב־בְּרָכֹ֑ות וְאָ֥ץ לְ֝הַעֲשִׁ֗יר לֹ֣א יִנָּקֶֽה׃Proverbes 20.21 Proverbes 13.11 Luc 16.10-16.12 Proverbes 28.22 Apocalypse 2.10
²¹ הַֽכֵּר־פָּנִ֥ים לֹא־טֹ֑וב וְעַל־פַּת־לֶ֝֗חֶם יִפְשַׁע־גָּֽבֶר׃Ezéchiel 13.19 Proverbes 24.23 Proverbes 18.5 Osée 4.18 Michée 7.3
²² נִֽבֳהָ֥ל לַהֹ֗ון אִ֭ישׁ רַ֣ע עָ֑יִן וְלֹֽא־יֵ֝דַע כִּי־חֶ֥סֶר יְבֹאֶֽנּוּ׃Proverbes 23.6 Proverbes 28.20 1 Timothée 6.9 Job 20.18-20.22 Genèse 19.17
²³ מֹ֘וכִ֤יחַ אָדָ֣ם אַ֭חֲרַי חֵ֣ן יִמְצָ֑א מִֽמַּחֲלִ֥יק לָשֹֽׁון׃Proverbes 27.5-27.6 Matthieu 18.15 1 Rois 1.23 2 Samuel 12.7 1 Rois 1.32-1.40
²⁴ גֹּוזֵ֤ל׀ אָ֘בִ֤יו וְאִמֹּ֗ו וְאֹמֵ֥ר אֵֽין־פָּ֑שַׁע חָבֵ֥ר ה֝֗וּא לְאִ֣ישׁ מַשְׁחִֽית׃Proverbes 18.9 Proverbes 19.26 Matthieu 15.4-15.6 Juges 17.2 Proverbes 28.7
²⁵ רְחַב־נֶ֭פֶשׁ יְגָרֶ֣ה מָדֹ֑ון וּבֹוטֵ֖חַ עַל־יְהוָ֣ה יְדֻשָּֽׁן׃Proverbes 15.18 Proverbes 11.25 1 Timothée 6.6 Proverbes 13.4 Proverbes 22.10
²⁶ בֹּוטֵ֣חַ בְּ֭לִבֹּו ה֣וּא כְסִ֑יל וְהֹולֵ֥ךְ בְּ֝חָכְמָ֗ה ה֣וּא יִמָּלֵֽט׃Proverbes 3.5 Jacques 3.13-3.18 Job 28.28 Jérémie 17.9 2 Rois 8.13
²⁷ נֹותֵ֣ן לָ֭רָשׁ אֵ֣ין מַחְסֹ֑ור וּמַעְלִ֥ים עֵ֝ינָ֗יו רַב־מְאֵרֹֽות׃Proverbes 19.17 Proverbes 22.9 Deutéronome 15.7 Proverbes 11.26 Psaumes 41.1-41.3
²⁸ בְּק֣וּם רְ֭שָׁעִים יִסָּתֵ֣ר אָדָ֑ם וּ֝בְאָבְדָ֗ם יִרְבּ֥וּ צַדִּיקִֽים׃Proverbes 28.12 Actes 12.23-12.24 Job 24.4 Proverbes 29.2 Esther 8.17