Psaumes 96.7
Biblia Hebraica Stuttgartensia

Hymne à la grandeur et à la gloire de Dieu

¹ שִׁ֣ירוּ לַ֭יהוָה שִׁ֣יר חָדָ֑שׁ שִׁ֥ירוּ לַ֝יהוָ֗ה כָּל־הָאָֽרֶץ׃
Psaumes 33.3 1 Chroniques 16.23-16.33 Psaumes 98.1 Psaumes 149.1 Apocalypse 14.3
² שִׁ֣ירוּ לַ֭יהוָה בָּרֲכ֣וּ שְׁמֹ֑ו בַּשְּׂר֥וּ מִיֹּֽום־לְ֝יֹ֗ום יְשׁוּעָתֹֽו׃
Psaumes 71.15 Marc 16.15 Psaumes 72.17-72.18 Ephésiens 1.3 Psaumes 145.1
³ סַפְּר֣וּ בַגֹּויִ֣ם כְּבֹודֹ֑ו בְּכָל־הָֽ֝עַמִּ֗ים נִפְלְאֹותָֽיו׃
Matthieu 28.19 Psaumes 22.27 Psaumes 72.18-72.19 Daniel 6.26-6.27 Michée 4.2
⁴ כִּ֥י גָ֘דֹ֤ול יְהוָ֣ה וּמְהֻלָּ֣ל מְאֹ֑ד נֹורָ֥א ה֝֗וּא עַל־כָּל־אֱלֹהִֽים׃
Psaumes 18.3 Psaumes 89.7 Psaumes 95.3 Psaumes 145.3 Jérémie 5.22
⁵ כִּ֤י׀ כָּל־אֱלֹהֵ֣י הָעַמִּ֣ים אֱלִילִ֑ים וַֽ֝יהוָ֗ה שָׁמַ֥יִם עָשָֽׂה׃
Psaumes 115.15 Esaïe 42.5 Jérémie 10.11-10.12 1 Corinthiens 8.4 Genèse 1.1
⁶ הֹוד־וְהָדָ֥ר לְפָנָ֑יו עֹ֥ז וְ֝תִפְאֶ֗רֶת בְּמִקְדָּשֹֽׁו׃
Psaumes 104.1 Psaumes 8.1 Hébreux 1.3 Psaumes 29.1-29.2 Psaumes 19.1
⁷ הָב֣וּ לַ֭יהוָה מִשְׁפְּחֹ֣ות עַמִּ֑ים הָב֥וּ לַ֝יהוָ֗ה כָּבֹ֥וד וָעֹֽז׃
Psaumes 22.27 Psaumes 29.1-29.2 Jude 1.24-1.25 Romains 15.9-15.10 Apocalypse 19.1
⁸ הָב֣וּ לַ֭יהוָה כְּבֹ֣וד שְׁמֹ֑ו שְׂאֽוּ־מִ֝נְחָ֗ה וּבֹ֥אוּ לְחַצְרֹותָֽיו׃
Psaumes 100.4 Malachie 1.11 Psaumes 108.3-108.5 Hébreux 13.15-13.16 Psaumes 72.10
⁹ הִשְׁתַּחֲו֣וּ לַ֭יהוָה בְּהַדְרַת־קֹ֑דֶשׁ חִ֥ילוּ מִ֝פָּנָ֗יו כָּל־הָאָֽרֶץ׃
Psaumes 29.2 Psaumes 33.8 Psaumes 114.7 Psaumes 110.3 Esdras 7.27
¹⁰ אִמְר֤וּ בַגֹּויִ֨ם׀ יְה֘וָ֤ה מָלָ֗ךְ אַף־תִּכֹּ֣ון תֵּ֭בֵל בַּל־תִּמֹּ֑וט יָדִ֥ין עַ֝מִּ֗ים בְּמֵישָׁרִֽים׃
Psaumes 93.1 Psaumes 9.8 Psaumes 67.4 Psaumes 46.10 Romains 2.5-2.6
¹¹ יִשְׂמְח֣וּ הַ֭שָּׁמַיִם וְתָגֵ֣ל הָאָ֑רֶץ יִֽרְעַ֥ם הַ֝יָּ֗ם וּמְלֹאֹֽו׃
Esaïe 49.13 Psaumes 69.34 Psaumes 97.1 Psaumes 98.7-98.9 Luc 2.13-2.14
¹² יַעֲלֹ֣ז שָׂ֭דַי וְכָל־אֲשֶׁר־בֹּ֑ו אָ֥ז יְ֝רַנְּנ֗וּ כָּל־עֲצֵי־יָֽעַר׃
Esaïe 55.12-55.13 Psaumes 65.12-65.13 Esaïe 42.10-42.11 Esaïe 44.23 Esaïe 35.1
¹³ לִפְנֵ֤י יְהוָ֨ה׀ כִּ֬י בָ֗א כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק וְ֝עַמִּ֗ים בֶּאֱמוּנָתֹֽו׃
Apocalypse 19.11 Psaumes 98.9 2 Pierre 3.12-3.14 Apocalypse 22.10 Psaumes 67.4