Psaumes 96.7
Biblia Hebraica Stuttgartensia

¹ שִׁ֣ירוּ לַ֭יהוָה שִׁ֣יר חָדָ֑שׁ שִׁ֥ירוּ לַ֝יהוָ֗ה כָּל־הָאָֽרֶץ׃Psaumes 33.3 1 Chroniques 16.23-16.33 Psaumes 98.1 Apocalypse 5.9 Psaumes 149.1
² שִׁ֣ירוּ לַ֭יהוָה בָּרֲכ֣וּ שְׁמֹ֑ו בַּשְּׂר֥וּ מִיֹּֽום־לְ֝יֹ֗ום יְשׁוּעָתֹֽו׃Psaumes 71.15 Marc 16.15 Psaumes 103.20-104.1 Psaumes 145.10 Psaumes 103.1-103.2
³ סַפְּר֣וּ בַגֹּויִ֣ם כְּבֹודֹ֑ו בְּכָל־הָֽ֝עַמִּ֗ים נִפְלְאֹותָֽיו׃Michée 4.2 Esaïe 19.23-19.25 Esaïe 49.6 Luc 24.47 Zacharie 9.10
⁴ כִּ֥י גָ֘דֹ֤ול יְהוָ֣ה וּמְהֻלָּ֣ל מְאֹ֑ד נֹורָ֥א ה֝֗וּא עַל־כָּל־אֱלֹהִֽים׃Psaumes 18.3 Psaumes 89.7 Psaumes 95.3 Psaumes 145.3 Néhémie 9.5
⁵ כִּ֤י׀ כָּל־אֱלֹהֵ֣י הָעַמִּ֣ים אֱלִילִ֑ים וַֽ֝יהוָ֗ה שָׁמַ֥יִם עָשָֽׂה׃Psaumes 115.15 Esaïe 42.5 Jérémie 10.11-10.12 Jérémie 10.3-10.5 Esaïe 46.1-46.2
⁶ הֹוד־וְהָדָ֥ר לְפָנָ֑יו עֹ֥ז וְ֝תִפְאֶ֗רֶת בְּמִקְדָּשֹֽׁו׃Psaumes 104.1 2 Pierre 1.16-1.17 Psaumes 63.2-63.3 1 Chroniques 16.27 Psaumes 27.4
⁷ הָב֣וּ לַ֭יהוָה מִשְׁפְּחֹ֣ות עַמִּ֑ים הָב֥וּ לַ֝יהוָ֗ה כָּבֹ֥וד וָעֹֽז׃Psaumes 22.27 Psaumes 29.1-29.2 1 Chroniques 29.11-29.13 1 Pierre 5.11 Apocalypse 7.12
⁸ הָב֣וּ לַ֭יהוָה כְּבֹ֣וד שְׁמֹ֑ו שְׂאֽוּ־מִ֝נְחָ֗ה וּבֹ֥אוּ לְחַצְרֹותָֽיו׃Psaumes 100.4 Psaumes 108.3-108.5 Hébreux 13.15-13.16 Psaumes 72.10 Psaumes 45.12
⁹ הִשְׁתַּחֲו֣וּ לַ֭יהוָה בְּהַדְרַת־קֹ֑דֶשׁ חִ֥ילוּ מִ֝פָּנָ֗יו כָּל־הָאָֽרֶץ׃Psaumes 29.2 Psaumes 33.8 Psaumes 114.7 Psaumes 110.3 Luc 21.5-21.6
¹⁰ אִמְר֤וּ בַגֹּויִ֨ם׀ יְה֘וָ֤ה מָלָ֗ךְ אַף־תִּכֹּ֣ון תֵּ֭בֵל בַּל־תִּמֹּ֑וט יָדִ֥ין עַ֝מִּ֗ים בְּמֵישָׁרִֽים׃Psaumes 93.1 Psaumes 9.8 Psaumes 67.4 Apocalypse 19.6 Hébreux 1.3
¹¹ יִשְׂמְח֣וּ הַ֭שָּׁמַיִם וְתָגֵ֣ל הָאָ֑רֶץ יִֽרְעַ֥ם הַ֝יָּ֗ם וּמְלֹאֹֽו׃Psaumes 69.34 Esaïe 49.13 Psaumes 98.7-98.9 Psaumes 97.1 Apocalypse 19.1-19.7
¹² יַעֲלֹ֣ז שָׂ֭דַי וְכָל־אֲשֶׁר־בֹּ֑ו אָ֥ז יְ֝רַנְּנ֗וּ כָּל־עֲצֵי־יָֽעַר׃Esaïe 55.12-55.13 Psaumes 65.12-65.13 Esaïe 42.10-42.11 Esaïe 44.23 Esaïe 35.1
¹³ לִפְנֵ֤י יְהוָ֨ה׀ כִּ֬י בָ֗א כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק וְ֝עַמִּ֗ים בֶּאֱמוּנָתֹֽו׃Apocalypse 19.11 Psaumes 98.9 Apocalypse 11.18 Tite 2.13 Esaïe 25.8-25.9