Psaumes 80.11
Biblia Hebraica Stuttgartensia

¹ לַמְנַצֵּ֥חַ אֶל־שֹׁשַׁנִּ֑ים עֵד֖וּת לְאָסָ֣ף מִזְמֹֽור׃Psaumes 99.1 Psaumes 77.20 Psaumes 50.2 1 Samuel 4.4 2 Samuel 6.2
² (80.1) רֹ֘עֵ֤ה יִשְׂרָאֵ֨ל׀ הַאֲזִ֗ינָה נֹהֵ֣ג כַּצֹּ֣אן יֹוסֵ֑ף יֹשֵׁ֖ב הַכְּרוּבִ֣ים הֹופִֽיעָה׃Psaumes 35.23 Nombres 2.18-2.24 Esaïe 33.22 Esaïe 42.13-42.14 Nombres 10.22-10.24
³ (80.2) לִפְנֵ֤י אֶפְרַ֨יִם׀ וּבִנְיָ֘מִ֤ן וּמְנַשֶּׁ֗ה עֹורְרָ֥ה אֶת־גְּבֽוּרָתֶ֑ךָ וּלְכָ֖ה לִישֻׁעָ֣תָה לָּֽנוּ׃Psaumes 85.4 Lamentations 5.21 Psaumes 4.6 Psaumes 80.19 Psaumes 80.7
⁴ (80.3) אֱלֹהִ֥ים הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃Psaumes 85.5 Matthieu 15.22-15.28 Deutéronome 29.20 Psaumes 59.5 Esaïe 58.2-58.3
⁵ (80.4) יְהוָ֣ה אֱלֹהִ֣ים צְבָאֹ֑ות עַד־מָתַ֥י עָ֝שַׁ֗נְתָּ בִּתְפִלַּ֥ת עַמֶּֽךָ׃Psaumes 42.3 Esaïe 30.20 Psaumes 102.9 Ezéchiel 4.16-4.17 Job 6.7
⁶ (80.5) הֶ֭אֱכַלְתָּם לֶ֣חֶם דִּמְעָ֑ה וַ֝תַּשְׁקֵ֗מֹו בִּדְמָעֹ֥ות שָׁלִֽישׁ׃Psaumes 79.4 Jérémie 15.10 Esaïe 36.12-36.20 Esaïe 36.8 Jérémie 48.27
⁷ (80.6) תְּשִׂימֵ֣נוּ מָ֭דֹון לִשְׁכֵנֵ֑ינוּ וְ֝אֹיְבֵ֗ינוּ יִלְעֲגוּ־לָֽמֹו׃2 Timothée 2.25-2.26 Luc 1.16 Psaumes 80.19 Esaïe 64.5 Esaïe 30.15
⁸ (80.7) אֱלֹהִ֣ים צְבָאֹ֣ות הֲשִׁיבֵ֑נוּ וְהָאֵ֥ר פָּ֝נֶ֗יךָ וְנִוָּשֵֽׁעָה׃Jérémie 2.21 Ezéchiel 17.6 Psaumes 44.2 Jean 15.1-15.8 Ezéchiel 19.10
⁹ (80.8) גֶּ֭פֶן מִמִּצְרַ֣יִם תַּסִּ֑יעַ תְּגָרֵ֥שׁ גֹּ֝ויִ֗ם וַתִּטָּעֶֽהָ׃Josué 24.12 Jérémie 12.2 1 Chroniques 21.5 1 Chroniques 27.23-27.24 Josué 23.13-23.15
¹⁰ (80.9) פִּנִּ֥יתָ לְפָנֶ֑יהָ וַתַּשְׁרֵ֥שׁ שָׁ֝רָשֶׁ֗יהָ וַתְּמַלֵּא־אָֽרֶץ׃Psaumes 104.16
¹¹ (80.10) כָּסּ֣וּ הָרִ֣ים צִלָּ֑הּ וַ֝עֲנָפֶ֗יהָ אַֽרְזֵי־אֵֽל׃Psaumes 72.8 Exode 23.31 1 Rois 4.21 1 Chroniques 18.3 1 Rois 4.24
¹² (80.11) תְּשַׁלַּ֣ח קְצִירֶ֣הָ עַד־יָ֑ם וְאֶל־נָ֝הָ֗ר יֹֽונְקֹותֶֽיהָ׃Esaïe 5.5 Psaumes 89.40-89.41 Luc 20.16 Nahum 2.2 Esaïe 18.5-18.6
¹³ (80.12) לָ֭מָּה פָּרַ֣צְתָּ גְדֵרֶ֑יהָ וְ֝אָר֗וּהָ כָּל־עֹ֥בְרֵי דָֽרֶךְ׃Jérémie 5.6 Jérémie 52.12-52.14 2 Rois 24.1-24.20 Jérémie 51.34 2 Chroniques 36.1-36.23
¹⁴ (80.13) יְכַרְסְמֶ֣נָּֽה חֲזִ֣יר מִיָּ֑עַר וְזִ֖יז שָׂדַ֣י יִרְעֶֽנָּה׃Esaïe 63.15 Psaumes 90.13 Actes 15.16 Psaumes 7.7 Malachie 3.7
¹⁵ (80.14) אֱלֹהִ֣ים צְבָאֹות֮ שֽׁ֫וּב־נָ֥א הַבֵּ֣ט מִשָּׁמַ֣יִם וּרְאֵ֑ה וּ֝פְקֹ֗ד גֶּ֣פֶן זֹֽאת׃Psaumes 80.8 Jérémie 2.21 Esaïe 49.5 Esaïe 5.1-5.2 Jean 15.1
¹⁶ (80.15) וְ֭כַנָּה אֲשֶׁר־נָטְעָ֣ה יְמִינֶ֑ךָ וְעַל־בֵּ֝֗ן אִמַּ֥צְתָּה לָּֽךְ׃Psaumes 39.11 Psaumes 79.5 Psaumes 76.6-76.7 Jean 15.6 2 Thessaloniciens 1.9
¹⁷ (80.16) שְׂרֻפָ֣ה בָאֵ֣שׁ כְּסוּחָ֑ה מִגַּעֲרַ֖ת פָּנֶ֣יךָ יֹאבֵֽדוּ׃Psaumes 89.21 Psaumes 80.15 Psaumes 110.1 Daniel 7.13-7.14 Esaïe 53.5
¹⁸ (80.17) תְּֽהִי־יָ֭דְךָ עַל־אִ֣ישׁ יְמִינֶ֑ךָ עַל־בֶּן־אָ֝דָ֗ם אִמַּ֥צְתָּ לָּֽךְ׃Hébreux 10.38-10.39 Psaumes 119.40 Psaumes 119.156 Psaumes 85.6 Psaumes 71.20
¹⁹ (80.18) וְלֹא־נָסֹ֥וג מִמֶּ֑ךָּ תְּ֝חַיֵּ֗נוּ וּבְשִׁמְךָ֥ נִקְרָֽא׃Psaumes 80.3 Psaumes 27.9 Psaumes 80.7 Psaumes 27.4 Psaumes 44.3
²⁰ (80.19) יְה֘וָ֤ה אֱלֹהִ֣ים צְבָאֹ֣ות הֲשִׁיבֵ֑נוּ הָאֵ֥ר פָּ֝נֶ֗יךָ וְנִוָּשֵֽׁעָה׃