Psaumes 36.11
Biblia Hebraica Stuttgartensia

¹ לַמְנַצֵּ֬חַ׀ לְעֶֽבֶד־יְהוָ֬ה לְדָוִֽד׃Romains 3.18 Psaumes 18.1 Deutéronome 34.5 Psaumes 112.1 Matthieu 12.33-12.34
² (36.1) נְאֻֽם־פֶּ֣שַׁע לָ֭רָשָׁע בְּקֶ֣רֶב לִבִּ֑י אֵֽין־פַּ֥חַד אֱ֝לֹהִ֗ים לְנֶ֣גֶד עֵינָֽיו׃Psaumes 49.18 Deutéronome 29.19 Psaumes 10.3 Luc 16.14-16.15 Romains 10.3
³ (36.2) כִּֽי־הֶחֱלִ֣יק אֵלָ֣יו בְּעֵינָ֑יו לִמְצֹ֖א עֲוֹנֹ֣ו לִשְׂנֹֽא׃Jérémie 4.22 Psaumes 10.7 Psaumes 55.21 1 Samuel 13.13-13.14 Psaumes 125.5
⁴ (36.3) דִּבְרֵי־פִ֭יו אָ֣וֶן וּמִרְמָ֑ה חָדַ֖ל לְהַשְׂכִּ֣יל לְהֵיטִֽיב׃Esaïe 65.2 Michée 2.1 Proverbes 4.16 Romains 12.9 Psaumes 97.10
⁵ (36.4) אָ֤וֶן׀ יַחְשֹׁ֗ב עַֽל־מִשְׁכָּ֫בֹ֥ו יִ֭תְיַצֵּב עַל־דֶּ֣רֶךְ לֹא־טֹ֑וב רָ֝֗ע לֹ֣א יִמְאָֽס׃Psaumes 108.4 Psaumes 57.10 Psaumes 103.11 Psaumes 92.2 Psaumes 100.5
⁶ (36.5) יְ֭הוָה בְּהַשָּׁמַ֣יִם חַסְדֶּ֑ךָ אֱ֝מֽוּנָתְךָ֗ עַד־שְׁחָקִֽים׃Romains 11.33 Psaumes 71.19 Psaumes 77.19 Psaumes 145.9 Psaumes 92.5
⁷ (36.6) צִדְקָֽתְךָ֨׀ כְּֽהַרְרֵי־אֵ֗ל מִ֭שְׁפָּטֶךָ תְּהֹ֣ום רַבָּ֑ה אָ֤דָֽם־וּבְהֵמָ֖ה תֹושִׁ֣יעַ יְהוָֽה׃Ruth 2.12 Psaumes 91.4 Psaumes 17.8 1 Jean 3.1 Psaumes 139.17
⁸ (36.7) מַה־יָּקָ֥ר חַסְדְּךָ֗ אֱלֹ֫הִ֥ים וּבְנֵ֥י אָדָ֑ם בְּצֵ֥ל כְּ֝נָפֶ֗יךָ יֶחֱסָיֽוּן׃Psaumes 65.4 Psaumes 16.11 Esaïe 25.6 Jérémie 31.12-31.14 Esaïe 58.11
⁹ (36.8) יִ֭רְוְיֻן מִדֶּ֣שֶׁן בֵּיתֶ֑ךָ וְנַ֖חַל עֲדָנֶ֣יךָ תַשְׁקֵֽם׃Jérémie 2.13 1 Pierre 2.9 Jean 4.10 Jean 4.14 Esaïe 2.5
¹⁰ (36.9) כִּֽי־עִ֭מְּךָ מְקֹ֣ור חַיִּ֑ים בְּ֝אֹורְךָ֗ נִרְאֶה־אֹֽור׃Jérémie 22.16 Psaumes 97.10-97.11 Hébreux 8.11 Psaumes 18.24-18.25 Jean 15.9-15.10
¹¹ (36.10) מְשֹׁ֣ךְ חַ֭סְדְּךָ לְיֹדְעֶ֑יךָ וְ֝צִדְקָֽתְךָ֗ לְיִשְׁרֵי־לֵֽב׃Psaumes 21.7-21.8 Daniel 4.37 Job 40.11-40.12 Romains 8.35-8.39 Psaumes 125.1-125.3
¹² (36.11) אַל־תְּ֭בֹואֵנִי רֶ֣גֶל גַּאֲוָ֑ה וְיַד־רְ֝שָׁעִ֗ים אַל־תְּנִדֵֽנִי׃Psaumes 1.5 Apocalypse 15.4 Psaumes 58.10-58.11 Psaumes 9.16 Jérémie 51.64
¹³ (36.12) שָׁ֣ם נָ֭פְלוּ פֹּ֣עֲלֵי אָ֑וֶן דֹּ֝ח֗וּ וְלֹא־יָ֥כְלוּ קֽוּם׃