Psaumes 145.1
Biblia Hebraica Stuttgartensia

¹ תְּהִלָּ֗ה לְדָ֫וִ֥ד אֲרֹומִמְךָ֣ אֱלֹוהַ֣י הַמֶּ֑לֶךְ וַאֲבָרֲכָ֥ה שִׁ֝מְךָ֗ לְעֹולָ֥ם וָעֶֽד׃Psaumes 30.1 Esaïe 33.22 Psaumes 45.6 Psaumes 68.4 Psaumes 113.1-113.2
² בְּכָל־יֹ֥ום אֲבָרֲכֶ֑ךָּ וַאֲהַלְלָ֥ה שִׁ֝מְךָ֗ לְעֹולָ֥ם וָעֶֽד׃Psaumes 72.15 Psaumes 71.6 Apocalypse 7.15 Psaumes 119.164
³ גָּ֘דֹ֤ול יְהוָ֣ה וּמְהֻלָּ֣ל מְאֹ֑ד וְ֝לִגְדֻלָּתֹ֗ו אֵ֣ין חֵֽקֶר׃Job 5.9 Job 9.10 Psaumes 147.5 Romains 11.33 Psaumes 139.6
⁴ דֹּ֣ור לְ֭דֹור יְשַׁבַּ֣ח מַעֲשֶׂ֑יךָ וּגְב֖וּרֹתֶ֣יךָ יַגִּֽידוּ׃Esaïe 38.19 Josué 4.21-4.24 Psaumes 71.18 Psaumes 44.1-44.2 Psaumes 78.3-78.7
⁵ הֲ֭דַר כְּבֹ֣וד הֹודֶ֑ךָ וְדִבְרֵ֖י נִפְלְאֹותֶ֣יךָ אָשִֽׂיחָה׃Daniel 4.37 Psaumes 96.3 Psaumes 119.27 Psaumes 72.18 Psaumes 40.9-40.10
⁶ וֶעֱז֣וּז נֹורְאֹתֶ֣יךָ יֹאמֵ֑רוּ וּגְדוּלָּתְךָ֥ אֲסַפְּרֶֽנָּה׃Daniel 3.28-3.29 Psaumes 107.31-107.32 Psaumes 22.31 Josué 9.9-9.10 Psaumes 22.27
⁷ זֵ֣כֶר רַב־טוּבְךָ֣ יַבִּ֑יעוּ וְצִדְקָתְךָ֥ יְרַנֵּֽנוּ׃Esaïe 63.7 Psaumes 51.14 1 Pierre 2.9-2.10 Matthieu 12.34-12.35 2 Corinthiens 9.11-9.12
⁸ חַנּ֣וּן וְרַח֣וּם יְהוָ֑ה אֶ֥רֶךְ אַ֝פַּ֗יִם וּגְדָל־חָֽסֶד׃Nombres 14.18 Psaumes 86.5 Psaumes 86.15 Psaumes 100.5 Exode 34.6-34.7
⁹ טֹוב־יְהוָ֥ה לַכֹּ֑ל וְ֝רַחֲמָ֗יו עַל־כָּל־מַעֲשָֽׂיו׃Nahum 1.7 Psaumes 100.5 Actes 14.17 Psaumes 36.6-36.7 Psaumes 25.8
¹⁰ יֹוד֣וּךָ יְ֭הוָה כָּל־מַעֲשֶׂ֑יךָ וַ֝חֲסִידֶ֗יךָ יְבָרֲכֽוּכָה׃Psaumes 19.1 Psaumes 103.22 1 Pierre 2.9 Apocalypse 7.9-7.12 1 Pierre 2.5
¹¹ כְּבֹ֣וד מַלְכוּתְךָ֣ יֹאמֵ֑רוּ וּגְבוּרָתְךָ֥ יְדַבֵּֽרוּ׃Psaumes 45.6-45.7 1 Chroniques 29.11-29.12 Matthieu 6.13 Zacharie 9.9 Esaïe 24.23
¹² לְהֹודִ֤יעַ׀ לִבְנֵ֣י הָ֭אָדָם גְּבוּרֹתָ֑יו וּ֝כְבֹ֗וד הֲדַ֣ר מַלְכוּתֹֽו׃Psaumes 105.1 Psaumes 145.6-145.12 Psaumes 106.2 Daniel 4.34-4.35 Apocalypse 12.10
¹³ מַֽלְכוּתְךָ֗ מַלְכ֥וּת כָּל־עֹֽלָמִ֑ים וּ֝מֶֽמְשֶׁלְתְּךָ֗ בְּכָל־דֹּ֥ור וָדֹֽור׃1 Timothée 1.17 Daniel 2.44 Psaumes 10.16 Daniel 7.27 Psaumes 146.10
¹⁴ סֹומֵ֣ךְ יְ֭הוָה לְכָל־הַנֹּפְלִ֑ים וְ֝זֹוקֵ֗ף לְכָל־הַכְּפוּפִֽים׃Psaumes 146.8 Psaumes 37.24 Luc 22.31-22.32 Luc 13.11-13.13 Psaumes 42.5
¹⁵ עֵֽינֵי־כֹ֭ל אֵלֶ֣יךָ יְשַׂבֵּ֑רוּ וְאַתָּ֤ה נֹֽותֵן־לָהֶ֖ם אֶת־אָכְלָ֣ם בְּעִתֹּֽו׃Psaumes 104.27 Psaumes 136.25 Psaumes 147.8-147.9 Actes 17.25 Matthieu 6.26
¹⁶ פֹּותֵ֥חַ אֶת־יָדֶ֑ךָ וּמַשְׂבִּ֖יעַ לְכָל־חַ֣י רָצֹֽון׃Psaumes 104.28 Psaumes 107.9 Job 38.27 Psaumes 132.15
¹⁷ צַדִּ֣יק יְ֭הוָה בְּכָל־דְּרָכָ֑יו וְ֝חָסִ֗יד בְּכָל־מַעֲשָֽׂיו׃Deutéronome 32.4 Psaumes 97.2 Zacharie 9.9 Esaïe 45.21 Apocalypse 19.11
¹⁸ קָרֹ֣וב יְ֭הוָה לְכָל־קֹרְאָ֑יו לְכֹ֤ל אֲשֶׁ֖ר יִקְרָאֻ֣הוּ בֶאֱמֶֽת׃Psaumes 34.18 Deutéronome 4.7 Jean 4.24 Jérémie 29.12-29.13 Esaïe 58.9
¹⁹ רְצֹון־יְרֵאָ֥יו יַעֲשֶׂ֑ה וְֽאֶת־שַׁוְעָתָ֥ם יִ֝שְׁמַ֗ע וְיֹושִׁיעֵֽם׃Jean 15.7 Psaumes 37.4 Proverbes 15.29 Jean 16.24 1 Jean 5.15
²⁰ שֹׁומֵ֣ר יְ֭הוָה אֶת־כָּל־אֹהֲבָ֑יו וְאֵ֖ת כָּל־הָרְשָׁעִ֣ים יַשְׁמִֽיד׃Psaumes 97.10 Psaumes 31.23 Psaumes 9.17 Psaumes 37.28 Psaumes 1.6
²¹ תְּהִלַּ֥ת יְהוָ֗ה יְֽדַבֶּ֫ר־פִּ֥י וִיבָרֵ֣ךְ כָּל־בָּ֭שָׂר שֵׁ֥ם קָדְשֹׁ֗ו לְעֹולָ֥ם וָעֶֽד׃Psaumes 71.8 Psaumes 150.6 Psaumes 51.15 Psaumes 145.1-145.2 Psaumes 103.22