Deutéronome 34
Vulgate

Mort de Moïse

1 ascendit ergo Moses de campestribus Moab super montem Nebo in verticem Phasga contra Hiericho ostenditque ei Dominus omnem terram Galaad usque Dan
Deutéronome 32.49 Josué 19.47 Nombres 27.12 Deutéronome 34.4 Juges 18.29
2 et universum Nepthalim terramque Ephraim et Manasse et omnem terram usque ad mare Novissimum
Deutéronome 11.24 Josué 15.12 Nombres 34.6 Exode 23.31
3 et australem partem et latitudinem campi Hiericho civitatis Palmarum usque Segor
Juges 3.13 Juges 1.16 2 Chroniques 28.15 Genèse 14.2 Genèse 19.22
4 dixitque Dominus ad eum haec est terra pro qua iuravi Abraham Isaac et Iacob dicens semini tuo dabo eam vidisti eam oculis tuis et non transibis ad illam
Genèse 12.7 Genèse 28.13 Deutéronome 32.52 Genèse 26.3 Nombres 20.12
5 mortuusque est ibi Moses servus Domini in terra Moab iubente Domino
Deutéronome 32.50 Josué 1.1-1.2 2 Timothée 2.25 2 Pierre 1.1 Apocalypse 15.3
6 et sepelivit eum in valle terrae Moab contra Phogor et non cognovit homo sepulchrum eius usque in praesentem diem
Jude 1.9 Deutéronome 3.29
7 Moses centum et viginti annorum erat quando mortuus est non caligavit oculus eius nec dentes illius moti sunt
Deutéronome 31.2 Genèse 27.1 Genèse 48.10 Josué 14.10-14.11 Actes 7.23
8 fleveruntque eum filii Israhel in campestribus Moab triginta diebus et conpleti sunt dies planctus lugentium Mosen
Genèse 50.3 Nombres 20.29 Genèse 50.10 Actes 8.2 Esaïe 57.1
9 Iosue vero filius Nun repletus est spiritu sapientiae quia Moses posuit super eum manus suas et oboedierunt ei filii Israhel feceruntque sicut praecepit Dominus Mosi
Esaïe 11.2 Daniel 6.3 2 Rois 2.15 Actes 6.6 Nombres 27.18-27.23
10 et non surrexit propheta ultra in Israhel sicut Moses quem nosset Dominus facie ad faciem
Exode 33.11 Deutéronome 18.15-18.18 Hébreux 3.5-3.6 Deutéronome 5.4-5.5 Actes 3.22-3.23
11 in omnibus signis atque portentis quae misit per eum ut faceret in terra Aegypti Pharaoni et omnibus servis eius universaeque terrae illius
Deutéronome 4.34 Deutéronome 7.19 Psaumes 105.26-105.38 Psaumes 78.43-78.58
12 et cunctam manum robustam magnaque mirabilia quae fecit Moses coram universo Israhel