Zacharie 8.22
Vulgate

Restauration et bénédiction

¹ et factum est verbum Domini exercituum dicens
² haec dicit Dominus exercituum zelatus sum Sion zelo magno et indignatione magna zelatus sum eam
Nahum 1.2 Esaïe 63.15 Zacharie 1.14-1.16 Esaïe 59.17 Ezéchiel 36.5-36.6
³ haec dicit Dominus exercituum reversus sum ad Sion et habitabo in medio Hierusalem et vocabitur Hierusalem civitas veritatis et mons Domini exercituum mons sanctificatus
Zacharie 1.16 Esaïe 1.26 Zacharie 2.10-2.11 Esaïe 66.20 Esaïe 60.14
⁴ haec dicit Dominus exercituum adhuc habitabunt senes et anus in plateis Hierusalem et viri baculus in manu eius prae multitudine dierum
Lamentations 2.20-2.22 Job 5.26 Hébreux 12.22 Job 42.17 Lamentations 5.11-5.15
⁵ et plateae civitatis conplebuntur infantibus et puellis ludentibus in plateis eius
Jérémie 30.19-30.20 Jérémie 31.13 Jérémie 31.27 Psaumes 128.3-128.4 Lamentations 2.19
⁶ haec dicit Dominus exercituum si difficile videbitur in oculis reliquiarum populi huius in diebus illis numquid in oculis meis difficile erit dicit Dominus exercituum
Jérémie 32.17 Jérémie 32.27 Genèse 18.14 Psaumes 118.23 Luc 1.20
⁷ haec dicit Dominus exercituum ecce ego salvabo populum meum de terra orientis et de terra occasus solis
Esaïe 49.12 Esaïe 27.12-27.13 Esaïe 43.5-43.6 Jérémie 31.8 Psaumes 113.3
⁸ et adducam eos et habitabunt in medio Hierusalem et erunt mihi in populum et ego ero eis in Deum in veritate et iustitia
Ezéchiel 36.28 Jérémie 4.2 Ezéchiel 11.20 Zacharie 13.9 Ezéchiel 37.25
⁹ haec dicit Dominus exercituum confortentur manus vestrae qui auditis in diebus his sermones istos per os prophetarum in die qua fundata est domus Domini exercituum ut templum aedificaretur
Esdras 5.1-5.2 1 Chroniques 22.13 Esaïe 35.4 Zacharie 8.18 Zacharie 8.13
¹⁰ siquidem ante dies illos merces hominum non erat nec merces iumentorum erat neque introeunti et exeunti erat pax prae tribulatione et dimisi omnes homines unumquemque contra proximum suum
Amos 3.6 Aggée 2.16-2.18 Amos 9.4 Esaïe 19.2 Juges 5.6-5.7
¹¹ nunc autem non iuxta dies priores ego faciam reliquiis populi huius dicit Dominus exercituum
Esaïe 12.1 Aggée 2.19 Psaumes 103.9 Zacharie 8.8-8.9 Esaïe 11.13
¹² sed semen pacis erit vinea dabit fructum suum et terra dabit germen suum et caeli dabunt rorem suum et possidere faciam reliquias populi huius universa haec
Genèse 27.28 Lévitique 26.4-26.5 Deutéronome 33.13 Aggée 1.10 Aggée 2.19
¹³ et erit sicut eratis maledictio in gentibus domus Iuda et domus Israhel sic salvabo vos et eritis benedictio nolite timere confortentur manus vestrae
Zacharie 8.9 Jérémie 29.18 Daniel 9.11 Jérémie 42.18 Genèse 12.2-12.3
¹⁴ quia haec dicit Dominus exercituum sicut cogitavi ut adfligerem vos cum ad iracundiam provocassent patres vestri me dicit Dominus
Jérémie 31.28 Ezéchiel 24.14 Jérémie 4.28 2 Chroniques 36.16 Esaïe 14.24
¹⁵ et non sum misertus sic conversus cogitavi in diebus istis ut benefaciam Hierusalem et domui Iuda nolite timere
Zacharie 8.13 Michée 7.18-7.20 Sophonie 3.16-3.17 Luc 12.32 Jérémie 29.11-29.14
¹⁶ haec sunt ergo verba quae facietis loquimini veritatem unusquisque cum proximo suo veritatem et iudicium pacis iudicate in portis vestris
Zacharie 7.9 Ephésiens 4.25 Psaumes 15.2 Proverbes 12.19 Esaïe 9.7
¹⁷ et unusquisque malum contra amicum suum ne cogitetis in cordibus vestris et iuramentum mendax ne diligatis omnia enim haec sunt quae odi dicit Dominus
Proverbes 3.29 Zacharie 7.10 Proverbes 6.16-6.19 Malachie 3.5 Jérémie 4.14
¹⁸ et factum est verbum Domini exercituum ad me dicens
¹⁹ haec dicit Dominus exercituum ieiunium quarti et ieiunium quinti et ieiunium septimi et ieiunium decimi erit domui Iuda in gaudium et in laetitiam et in sollemnitates praeclaras veritatem tantum et pacem diligite
Zacharie 7.5 Jérémie 39.2 Zacharie 8.16 Psaumes 30.11 Jérémie 52.4
²⁰ haec dicit Dominus exercituum usquequo veniant populi et habitent in civitatibus multis
Zacharie 2.11 Jérémie 16.19 Psaumes 67.1-67.4 1 Rois 8.43 Psaumes 72.17
²¹ et vadant habitatores unus ad alterum dicentes eamus et deprecemur faciem Domini et quaeramus Dominum exercituum vadam etiam ego
Zacharie 7.2 Psaumes 103.22 Psaumes 122.1-122.9 Osée 6.3 Psaumes 146.1-146.2
²² et venient populi multi et gentes robustae ad quaerendum Dominum exercituum in Hierusalem et deprecandam faciem Domini
Zacharie 8.21 Esaïe 25.7 Apocalypse 21.24 Apocalypse 15.4 Michée 4.3
²³ haec dicit Dominus exercituum in diebus illis in quibus adprehendent decem homines ex omnibus linguis gentium et adprehendent fimbriam viri iudaei dicentes ibimus vobiscum audivimus enim quoniam Deus vobiscum est
1 Corinthiens 14.25 Genèse 31.7 Esaïe 66.18 Esaïe 45.14 Actes 13.47-13.48