Jérémie 30.20
Vulgate

Annonce de restauration

¹ hoc verbum quod factum est ad Hieremiam a Domino dicens
Jérémie 26.15 Jérémie 1.1-1.2
² haec dicit Dominus Deus Israhel dicens scribe tibi omnia verba quae locutus sum ad te in libro
Esaïe 30.8 Jérémie 36.32 Apocalypse 1.11 Jérémie 51.60-51.64 Job 19.23-19.24
³ ecce enim dies veniunt dicit Dominus et convertam conversionem populi mei Israhel et Iuda ait Dominus et convertam eos ad terram quam dedi patribus eorum et possidebunt eam
Jérémie 16.15 Jérémie 29.14 Ezéchiel 20.42 Jérémie 32.44 Jérémie 30.18
⁴ et haec verba quae locutus est Dominus ad Israhel et ad Iudam
⁵ quoniam haec dicit Dominus vocem terroris audivimus formido et non est pax
Amos 5.16-5.18 Esaïe 5.30 Jérémie 46.5 Jérémie 6.23-6.25 Jérémie 25.36
⁶ interrogate et videte si generat masculus quare ergo vidi omnis viri manum super lumbum suum quasi parientis et conversae sunt universae facies in auruginem
Nahum 2.10 Joël 2.6 Jérémie 4.31 1 Thessaloniciens 5.3 Osée 13.13
⁷ vae quia magna dies illa nec est similis eius tempusque tribulationis est Iacob et ex ipso salvabitur
Daniel 12.1 Joël 2.11 Jérémie 30.10 Lamentations 1.12 Osée 1.11
⁸ et erit in die illa ait Dominus exercituum conteram iugum eius de collo tuo et vincula illius disrumpam et non dominabuntur ei amplius alieni
Ezéchiel 34.27 Jérémie 27.2 Nahum 1.13 Esaïe 9.4 Jérémie 28.10
⁹ sed servient Domino Deo suo et David regi suo quem suscitabo eis
Osée 3.5 Luc 1.69 Actes 2.30 Esaïe 55.3-55.5 Actes 13.23
¹⁰ tu ergo ne timeas serve meus Iacob ait Dominus neque paveas Israhel quia ecce ego salvo te de terra longinqua et semen tuum de terra captivitatis eorum et revertetur Iacob et quiescet et cunctis affluet et non erit quem formidet
Esaïe 43.5 Jérémie 46.27-46.28 Jérémie 29.14 Esaïe 35.9 Esaïe 44.2
¹¹ quoniam tecum ego sum ait Dominus ut salvem te faciam enim consummationem in cunctis gentibus in quibus dispersi te te autem non faciam in consummationem sed castigabo te in iudicio ut non tibi videaris innoxius
Jérémie 10.24 Jérémie 4.27 Esaïe 8.10 Jérémie 5.10 Psaumes 6.1
¹² quia haec dicit Dominus insanabilis fractura tua pessima plaga tua
Jérémie 15.18 Jérémie 30.15 Jérémie 14.17 2 Chroniques 36.16 Ezéchiel 37.11
¹³ non est qui iudicet iudicium tuum ad alligandum curationum utilitas non est tibi
Jérémie 46.11 Jérémie 8.22 Osée 14.4 Jérémie 14.19 Job 34.29
¹⁴ omnes amatores tui obliti sunt tui te non quaerent plaga enim inimici percussi te castigatione crudeli propter multitudinem iniquitatis tuae dura facta sunt peccata tua
Job 30.21 Jérémie 5.6 Lamentations 1.2 Jérémie 22.20 Jérémie 22.22
¹⁵ quid clamas super contritione tua insanabilis est dolor tuus propter multitudinem iniquitatis tuae et dura peccata tua feci haec tibi
Jérémie 30.14 Jérémie 30.12 Jérémie 7.8-7.11 Jérémie 6.13 Esdras 9.6-9.7
¹⁶ propterea omnes qui comedunt te devorabuntur et universi hostes tui in captivitatem ducentur et qui te vastant vastabuntur cunctosque praedatores tuos dabo in praedam
Jérémie 10.25 Esaïe 14.2 Esaïe 33.1 Exode 23.22 Joël 3.8
¹⁷ obducam enim cicatricem tibi et a vulneribus tuis sanabo te dicit Dominus quia Eiectam vocaverunt te Sion haec est quae non habebat requirentem
Psaumes 107.20 1 Pierre 2.24 Jérémie 33.6 Exode 15.26 Esaïe 11.12
¹⁸ haec dicit Dominus ecce ego convertam conversionem tabernaculorum Iacob et tectis eius miserebor et aedificabitur civitas in excelso suo et templum iuxta ordinem suum fundabitur
Aggée 2.7-2.9 Jérémie 30.3 Psaumes 102.13 Zacharie 1.16 1 Chroniques 29.19
¹⁹ et egredietur de eis laus voxque ludentium et multiplicabo eos et non inminuentur et glorificabo eos et non adtenuabuntur
Esaïe 51.11 Jérémie 33.22 Esaïe 35.10 Jérémie 31.4 Psaumes 126.1-126.2
²⁰ et erunt filii eius sicut a principio et coetus eius coram me permanebit et visitabo adversum omnes qui tribulant eum
Jérémie 32.39 Psaumes 90.16-90.17 Esaïe 51.22 Esaïe 49.26 Esaïe 1.26-1.27
²¹ et erit dux eius ex eo et princeps de medio eius producetur et adplicabo eum et accedet ad me quis enim iste est qui adplicet cor suum ut adpropinquet mihi ait Dominus
Nombres 16.5 Deutéronome 18.18 Ezéchiel 34.23-34.24 Ezéchiel 37.24 Genèse 49.10
²² et eritis mihi in populum et ego ero vobis in Deum
Ezéchiel 36.28 Ezéchiel 37.27 Jérémie 31.1 Jérémie 31.33 Zacharie 13.9
²³ ecce turbo Domini furor egrediens procella ruens in capite impiorum conquiescet
Jérémie 23.19-23.20 Jérémie 25.32 Zacharie 9.14 Psaumes 58.9 Proverbes 1.27
²⁴ non avertet iram indignationis Dominus donec faciat et conpleat cogitationem cordis sui in novissimo dierum intellegetis ea
Jérémie 23.20 Osée 3.5 Jérémie 4.28 Deutéronome 31.29 Jérémie 49.39