Esaïe 9.16
Vulgate

¹ populus qui ambulabat in tenebris vidit lucem magnam habitantibus in regione umbrae mortis lux orta est eis
2 Rois 15.29 Matthieu 4.15-4.16 Esaïe 8.22 2 Chroniques 16.4 Lévitique 26.24
² multiplicasti gentem non magnificasti laetitiam laetabuntur coram te sicut laetantur in messe sicut exultant quando dividunt spolia
Matthieu 4.16 Ephésiens 5.8 Luc 1.78-1.79 Luc 2.32 Jean 8.12
³ iugum enim oneris eius et virgam umeri eius et sceptrum exactoris eius superasti sicut in die Madian
Psaumes 119.162 Esaïe 66.10 Esaïe 65.18 Esaïe 26.15 1 Samuel 30.16
⁴ quia omnis violenta praedatio cum tumultu et vestimentum mixtum sanguine erit in conbustionem et cibus ignis
Esaïe 14.25 Esaïe 10.26-10.27 Nahum 1.13 Esaïe 54.14 Juges 7.22-7.25
⁵ parvulus enim natus est nobis filius datus est nobis et factus est principatus super umerum eius et vocabitur nomen eius Admirabilis consiliarius Deus fortis Pater futuri saeculi Princeps pacis
2 Thessaloniciens 1.8 Actes 2.19 Matthieu 3.11 Lévitique 3.16 Esaïe 4.4
⁶ multiplicabitur eius imperium et pacis non erit finis super solium David et super regnum eius ut confirmet illud et corroboret in iudicio et iustitia amodo et usque in sempiternum zelus Domini exercituum faciet hoc
Luc 2.11 Matthieu 28.18 Esaïe 7.14 Jérémie 23.5-23.6 Apocalypse 19.16

Jugement d’Israël et de Juda

⁷ verbum misit Dominus in Iacob et cecidit in Israhel
Luc 1.32-1.33 Daniel 2.44 Esaïe 37.32 Jérémie 33.15-33.21 1 Corinthiens 15.24-15.28
⁸ et sciet populus omnis Ephraim et habitantes Samariam in superbia et magnitudine cordis dicentes
Esaïe 8.4-8.8 Esaïe 7.7-7.8 Matthieu 24.35 Michée 1.1-1.9 Zacharie 5.1-5.4
⁹ lateres ceciderunt sed quadris lapidibus aedificabimus sycomoros succiderunt sed cedros inmutabimus
Esaïe 46.12 Esaïe 26.11 Jérémie 44.28-44.29 Ezéchiel 7.9 1 Rois 22.25
¹⁰ et elevabit Dominus hostes Rasin super eum et inimicos eius in tumultum vertet
Malachie 1.4 1 Rois 7.9-7.12
¹¹ Syriam ab oriente et Philisthim ab occidente et devorabunt Israhel toto ore in omnibus his non est aversus furor eius sed adhuc manus eius extenta
Esaïe 17.1-17.5 Esaïe 8.4-8.7 2 Rois 15.29 Esaïe 7.8 Esaïe 10.9-10.11
¹² et populus non est reversus ad percutientem se et Dominum exercituum non inquisierunt
2 Chroniques 28.18 Esaïe 5.25 Psaumes 79.7 2 Rois 16.6 Esaïe 10.4
¹³ et disperdet Dominus ab Israhel caput et caudam incurvantem et refrenantem die una
Osée 7.10 Esaïe 31.1 Jérémie 5.3 Esaïe 1.5 Jérémie 31.18-31.20
¹⁴ longevus et honorabilis ipse est caput et propheta docens mendacium ipse cauda est
Esaïe 19.15 Apocalypse 18.8 Osée 13.3 Amos 5.2-5.3 Osée 9.11-9.17
¹⁵ et erunt qui beatificant populum istum seducentes et qui beatificantur praecipitati
Matthieu 24.24 Esaïe 3.2-3.3 Esaïe 29.10 Jérémie 23.14-23.15 2 Timothée 4.2-4.3
¹⁶ propter hoc super adulescentulis eius non laetabitur Dominus et pupillorum eius et viduarum non miserebitur quia omnis hypocrita est et nequam et universum os locutum est stultitiam in omnibus his non est aversus furor eius sed adhuc manus eius extenta
Esaïe 3.12 Matthieu 15.14 Hébreux 7.7 1 Rois 8.55-8.56 Nombres 6.23-6.26
¹⁷ succensa est enim quasi ignis impietas veprem et spinam vorabit et succendetur in densitate saltus et convolvetur superbia fumi
Esaïe 10.6 Jérémie 18.21 Matthieu 12.34 Esaïe 27.11 Esaïe 5.25
¹⁸ in ira Domini exercituum conturbata est terra et erit populus quasi esca ignis vir fratri suo non parcet
Malachie 4.1 Psaumes 83.14 Nahum 1.10 Matthieu 13.49-13.50 Amos 7.4
¹⁹ et declinabit ad dexteram et esuriet et comedet ad sinistram et non saturabitur unusquisque carnem brachii sui vorabit Manasses Ephraim et Ephraim Manassen simul ipsi contra Iudam
Michée 7.2 Michée 7.6 Esaïe 24.6 Matthieu 27.45 Esaïe 1.31
²⁰ in omnibus his non est aversus furor ejus sed adhuc manus ejus extenta
Esaïe 49.26 Esaïe 8.21 Lévitique 26.26-26.29 Lamentations 4.10 Jérémie 19.9