Genèse 48.17
Vulgate

Jacob bénit les deux fils de Joseph

¹ his ita transactis nuntiatum est Ioseph quod aegrotaret pater eius qui adsumptis duobus filiis Manasse et Ephraim ire perrexit
Genèse 41.50-41.52 Genèse 50.23 Genèse 46.20 Jean 11.3 Psaumes 128.6
² dictumque est seni ecce filius tuus Ioseph venit ad te qui confortatus sedit in lectulo
Ephésiens 6.10 Néhémie 2.18 Psaumes 41.3 Deutéronome 3.28 1 Samuel 23.16
³ et ingresso ad se ait Deus omnipotens apparuit mihi in Luza quae est in terra Chanaan benedixitque mihi
Genèse 17.1 Exode 6.3 Juges 1.23 Genèse 28.12-28.19 Osée 12.4
⁴ et ait ego te augebo et multiplicabo et faciam in turbas populorum daboque tibi terram hanc et semini tuo post te in possessionem sempiternam
Genèse 17.8 Genèse 35.11 Genèse 22.17 Exode 1.7 Genèse 47.27
⁵ duo igitur filii tui qui nati sunt tibi in terra Aegypti antequam huc venirem ad te mei erunt Ephraim et Manasses sicut Ruben et Symeon reputabuntur mihi
Josué 14.4 Genèse 46.20 Genèse 41.50-41.52 1 Chroniques 5.1-5.2 Josué 13.7
⁶ reliquos autem quos genueris post eos tui erunt et nomine fratrum suorum vocabuntur in possessionibus suis
Josué 14.4
⁷ mihi enim quando veniebam de Mesopotamiam mortua est Rahel in terra Chanaan in ipso itinere eratque vernum tempus et ingrediebar Ephratam et sepelivi eam iuxta viam Ephratae quae alio nomine appellatur Bethleem
Genèse 35.16-35.19 Genèse 35.9 1 Samuel 17.12 1 Samuel 1.1 Matthieu 2.18
⁸ videns autem filios eius dixit ad eum qui sunt isti
⁹ respondit filii mei sunt quos dedit mihi Deus in hoc loco adduc inquit eos ad me ut benedicam illis
Genèse 33.5 Genèse 27.4 Hébreux 11.21 Deutéronome 33.1 Genèse 30.2
¹⁰ oculi enim Israhel caligabant prae nimia senectute et clare videre non poterat adplicitosque ad se deosculatus et circumplexus
Genèse 27.27 Genèse 27.1 Genèse 45.15 Esaïe 6.10 1 Samuel 4.15
¹¹ dixit ad filium non sum fraudatus aspectu tuo insuper ostendit mihi Deus semen tuum
Genèse 37.33 Genèse 45.26 Genèse 42.36 Ephésiens 3.20 Genèse 37.35
¹² cumque tulisset eos Ioseph de gremio patris adoravit pronus in terram
Genèse 42.6 Lévitique 19.3 Genèse 19.1 Exode 20.12 2 Rois 4.37
¹³ et posuit Ephraim ad dexteram suam id est ad sinistram Israhel Manassen vero in sinistra sua ad dexteram scilicet patris adplicuitque ambos ad eum
¹⁴ qui extendens manum dextram posuit super caput Ephraim iunioris fratris sinistram autem super caput Manasse qui maior natu erat commutans manus
Genèse 41.51 Actes 8.17-8.19 Matthieu 19.15 Psaumes 110.1 Genèse 48.18
¹⁵ benedixitque Ioseph filio suo et ait Deus in cuius conspectu ambulaverunt patres mei Abraham et Isaac Deus qui pascit me ab adulescentia mea usque in praesentem diem
Genèse 17.1 Ecclésiaste 5.12 Genèse 28.22 1 Timothée 6.6-6.10 Genèse 5.22-5.24
¹⁶ angelus qui eruit me de cunctis malis benedicat pueris et invocetur super eos nomen meum nomina quoque patrum meorum Abraham et Isaac et crescant in multitudinem super terram
2 Timothée 4.18 Psaumes 34.22 Amos 9.12 Psaumes 121.7 Genèse 49.22
¹⁷ videns autem Ioseph quod posuisset pater suus dexteram manum super caput Ephraim graviter accepit et adprehensam patris manum levare conatus est de capite Ephraim et transferre super caput Manasse
Genèse 48.14 Nombres 11.1 Proverbes 24.18 Nombres 22.34 Genèse 38.10
¹⁸ dixitque ad patrem non ita convenit pater quia hic est primogenitus pone dexteram tuam super caput eius
Actes 11.8 Genèse 49.3 Genèse 43.33 Genèse 27.15 Exode 10.11
¹⁹ qui rennuens ait scio fili mi scio et iste quidem erit in populos et multiplicabitur sed frater eius iunior maior illo erit et semen illius crescet in gentes
Deutéronome 33.17 Nombres 1.33-1.35 Genèse 25.28 Deutéronome 1.10 Genèse 17.20-17.21
²⁰ benedixitque eis in ipso tempore dicens in te benedicetur Israhel atque dicetur faciat tibi Deus sicut Ephraim et sicut Manasse constituitque Ephraim ante Manassen
Ruth 4.11-4.12 Genèse 24.60 Nombres 13.11 Genèse 28.3 Nombres 2.18-2.21
²¹ et ait ad Ioseph filium suum en ego morior et erit Deus vobiscum reducetque vos ad terram patrum vestrorum
Genèse 50.24 Genèse 46.4 Genèse 26.3 Genèse 28.15 Hébreux 7.3
²² do tibi partem unam extra fratres tuos quam tuli de manu Amorrei in gladio et arcu meo
Josué 24.32 Jean 4.5 1 Chroniques 5.2 Amos 2.9 Genèse 34.28