Osée 14.3
Septante

¹ ἀφανισθήσεται Σαμάρεια ὅτι ἀντέστη πρὸς τὸν θεὸν αὐτῆς ἐν ῥομφαίᾳ πεσοῦνται αὐτοί καὶ τὰ ὑποτίτθια αὐτῶν ἐδαφισθήσονται καὶ αἱ ἐν γαστρὶ ἔχουσαι αὐτῶν διαρραγήσονται.
Osée 6.1 Osée 12.6 2 Chroniques 30.6-30.9 Osée 13.9 Jérémie 4.1

Appel à revenir à Dieu et promesses

² ἐπιστράφητι Ισραηλ πρὸς κύριον τὸν θεόν σου διότι ἠσθένησας ἐν ταῖς ἀδικίαις σου.
Hébreux 13.15 Luc 18.13 Psaumes 69.30-69.31 Jean 1.29 2 Samuel 12.13
³ λάβετε μεθ’ ἑαυτῶν λόγους καὶ ἐπιστράφητε πρὸς κύριον τὸν θεὸν ὑμῶν εἴπατε αὐτῷ ὅπως μὴ λάβητε ἀδικίαν καὶ λάβητε ἀγαθά καὶ ἀνταποδώσομεν καρπὸν χειλέων ἡμῶν.
Psaumes 10.14 Psaumes 68.5 Psaumes 33.17 Esaïe 30.16 Osée 2.17
⁴ Ασσουρ οὐ μὴ σώσῃ ἡμᾶς ἐφ’ ἵππον οὐκ ἀναβησόμεθα οὐκέτι μὴ εἴπωμεν θεοὶ ἡμῶν τοῖς ἔργοις τῶν χειρῶν ἡμῶν ὁ ἐν σοὶ ἐλεήσει ὀρφανόν.
Osée 6.1 Jérémie 3.22 Esaïe 57.18 Sophonie 3.17 Esaïe 12.1
⁵ ἰάσομαι τὰς κατοικίας αὐτῶν ἀγαπήσω αὐτοὺς ὁμολόγως ὅτι ἀπέστρεψεν ἡ ὀργή μου ἀπ’ αὐτῶν.
Esaïe 35.2 Matthieu 6.28 Esaïe 26.19 Proverbes 19.12 Deutéronome 32.2
⁶ ἔσομαι ὡς δρόσος τῷ Ισραηλ ἀνθήσει ὡς κρίνον καὶ βαλεῖ τὰς ῥίζας αὐτοῦ ὡς ὁ Λίβανος.
Psaumes 52.8 Cantique 4.11-4.15 Romains 11.16-11.24 Daniel 4.10-4.15 Ezéchiel 17.5-17.8
⁷ πορεύσονται οἱ κλάδοι αὐτοῦ καὶ ἔσται ὡς ἐλαία κατάκαρπος καὶ ἡ ὀσφρασία αὐτοῦ ὡς Λιβάνου.
Psaumes 91.1 Ezéchiel 17.23 Cantique 6.11 Jean 11.25 1 Corinthiens 15.36-15.38
⁸ ἐπιστρέψουσιν καὶ καθιοῦνται ὑπὸ τὴν σκέπην αὐτοῦ ζήσονται καὶ μεθυσθήσονται σίτῳ καὶ ἐξανθήσει ὡς ἄμπελος τὸ μνημόσυνον αὐτοῦ ὡς οἶνος Λιβάνου.
Esaïe 41.19 Job 34.32 Jacques 1.17 1 Pierre 4.3-4.4 Luc 15.20
⁹ τῷ Εφραιμ τί αὐτῷ ἔτι καὶ εἰδώλοις ἐγὼ ἐταπείνωσα αὐτόν καὶ ἐγὼ κατισχύσω αὐτόν ἐγὼ ὡς ἄρκευθος πυκάζουσα ἐξ ἐμοῦ ὁ καρπός σου εὕρηται.
Psaumes 107.43 Proverbes 10.29 Jérémie 9.12 Sophonie 3.5 Luc 2.34
¹⁰ τίς σοφὸς καὶ συνήσει ταῦτα ἢ συνετὸς καὶ ἐπιγνώσεται αὐτά διότι εὐθεῖαι αἱ ὁδοὶ τοῦ κυρίου καὶ δίκαιοι πορεύσονται ἐν αὐταῖς οἱ δὲ ἀσεβεῖς ἀσθενήσουσιν ἐν αὐταῖς.