Jérémie 13.19
Septante

La ceinture de lin

¹ τάδε λέγει κύριος βάδισον καὶ κτῆσαι σεαυτῷ περίζωμα λινοῦν καὶ περίθου περὶ τὴν ὀσφύν σου καὶ ἐν ὕδατι οὐ διελεύσεται.
Jérémie 13.11 Ezéchiel 4.1-4.5 Hébreux 1.1 Jérémie 27.2 Jérémie 19.1
² καὶ ἐκτησάμην τὸ περίζωμα κατὰ τὸν λόγον κυρίου καὶ περιέθηκα περὶ τὴν ὀσφύν μου.
Ezéchiel 2.8 Esaïe 20.2 Osée 1.2-1.3 Proverbes 3.5 Jean 15.14
³ καὶ ἐγενήθη λόγος κυρίου πρός με λέγων.
Jérémie 13.8
⁴ λαβὲ τὸ περίζωμα τὸ περὶ τὴν ὀσφύν σου καὶ ἀνάστηθι καὶ βάδισον ἐπὶ τὸν Εὐφράτην καὶ κατάκρυψον αὐτὸ ἐκεῖ ἐν τῇ τρυμαλιᾷ τῆς πέτρας.
Jérémie 51.63-51.64 Psaumes 137.1 Michée 4.10
⁵ καὶ ἐπορεύθην καὶ ἔκρυψα αὐτὸ ἐν τῷ Εὐφράτῃ καθὼς ἐνετείλατό μοι κύριος.
Exode 40.16 Exode 39.42-39.43 Hébreux 11.17-11.19 Actes 26.19-26.20 Matthieu 22.2-22.6
⁶ καὶ ἐγένετο μεθ’ ἡμέρας πολλὰς καὶ εἶπεν κύριος πρός με ἀνάστηθι βάδισον ἐπὶ τὸν Εὐφράτην καὶ λαβὲ ἐκεῖθεν τὸ περίζωμα ὃ ἐνετειλάμην σοι τοῦ κατακρύψαι ἐκεῖ.
⁷ καὶ ἐπορεύθην ἐπὶ τὸν Εὐφράτην ποταμὸν καὶ ὤρυξα καὶ ἔλαβον τὸ περίζωμα ἐκ τοῦ τόπου οὗ κατώρυξα αὐτὸ ἐκεῖ καὶ ἰδοὺ διεφθαρμένον ἦν ὃ οὐ μὴ χρησθῇ εἰς οὐθέν.
Esaïe 64.6 Jérémie 24.1-24.8 Jérémie 13.10 Romains 3.12 Luc 14.34-14.35
⁸ καὶ ἐγενήθη λόγος κυρίου πρός με λέγων.
⁹ τάδε λέγει κύριος οὕτω φθερῶ τὴν ὕβριν Ιουδα καὶ τὴν ὕβριν Ιερουσαλημ.
Lévitique 26.19 Jérémie 13.15-13.17 Esaïe 2.10-2.17 Sophonie 3.11 Esaïe 23.9
¹⁰ τὴν πολλὴν ταύτην ὕβριν τοὺς μὴ βουλομένους ὑπακούειν τῶν λόγων μου καὶ πορευθέντας ὀπίσω θεῶν ἀλλοτρίων τοῦ δουλεύειν αὐτοῖς καὶ τοῦ προσκυνεῖν αὐτοῖς καὶ ἔσονται ὥσπερ τὸ περίζωμα τοῦτο ὃ οὐ χρησθήσεται εἰς οὐθέν.
Jérémie 16.12 Nombres 14.11 2 Chroniques 36.15-36.16 Jérémie 9.14 Jérémie 11.7-11.8
¹¹ ὅτι καθάπερ κολλᾶται τὸ περίζωμα περὶ τὴν ὀσφὺν τοῦ ἀνθρώπου οὕτως ἐκόλλησα πρὸς ἐμαυτὸν τὸν οἶκον τοῦ Ισραηλ καὶ πᾶν οἶκον Ιουδα τοῦ γενέσθαι μοι εἰς λαὸν ὀνομαστὸν καὶ εἰς καύχημα καὶ εἰς δόξαν καὶ οὐκ εἰσήκουσάν μου.
Exode 19.5-19.6 Jérémie 33.9 Esaïe 43.21 Psaumes 81.11 Jérémie 6.17
¹² καὶ ἐρεῖς πρὸς τὸν λαὸν τοῦτον πᾶς ἀσκὸς πληρωθήσεται οἴνου καὶ ἔσται ἐὰν εἴπωσιν πρὸς σέ μὴ γνόντες οὐ γνωσόμεθα ὅτι πᾶς ἀσκὸς πληρωθήσεται οἴνου.
Ezéchiel 24.19
¹³ καὶ ἐρεῖς πρὸς αὐτούς τάδε λέγει κύριος ἰδοὺ ἐγὼ πληρῶ τοὺς κατοικοῦντας τὴν γῆν ταύτην καὶ τοὺς βασιλεῖς αὐτῶν τοὺς καθημένους υἱοὺς Δαυιδ ἐπὶ θρόνου αὐτοῦ καὶ τοὺς ἱερεῖς καὶ τοὺς προφήτας καὶ τὸν Ιουδαν καὶ πάντας τοὺς κατοικοῦντας Ιερουσαλημ μεθύσματι.
Esaïe 51.17 Esaïe 63.6 Psaumes 60.3 Psaumes 75.8 Jérémie 51.7
¹⁴ καὶ διασκορπιῶ αὐτοὺς ἄνδρα καὶ τὸν ἀδελφὸν αὐτοῦ καὶ τοὺς πατέρας αὐτῶν καὶ τοὺς υἱοὺς αὐτῶν ἐν τῷ αὐτῷ οὐκ ἐπιποθήσω λέγει κύριος καὶ οὐ φείσομαι καὶ οὐκ οἰκτιρήσω ἀπὸ διαφθορᾶς αὐτῶν.
Deutéronome 29.20 Esaïe 27.11 Jérémie 6.21 Psaumes 2.9 Esaïe 9.20-9.21
¹⁵ ἀκούσατε καὶ ἐνωτίσασθε καὶ μὴ ἐπαίρεσθε ὅτι κύριος ἐλάλησεν.
Esaïe 28.14-28.22 Amos 7.15 Joël 1.2 Actes 4.19-4.20 Apocalypse 2.29
¹⁶ δότε τῷ κυρίῳ θεῷ ὑμῶν δόξαν πρὸ τοῦ συσκοτάσαι καὶ πρὸς τοῦ προσκόψαι πόδας ὑμῶν ἐπ’ ὄρη σκοτεινὰ καὶ ἀναμενεῖτε εἰς φῶς καὶ ἐκεῖ σκιὰ θανάτου καὶ τεθήσονται εἰς σκότος.
Esaïe 8.22 Esaïe 59.9 Josué 7.19 Proverbes 4.19 Esaïe 5.30
¹⁷ ἐὰν δὲ μὴ ἀκούσητε κεκρυμμένως κλαύσεται ἡ ψυχὴ ὑμῶν ἀπὸ προσώπου ὕβρεως καὶ κατάξουσιν οἱ ὀφθαλμοὶ ὑμῶν δάκρυα ὅτι συνετρίβη τὸ ποίμνιον κυρίου.
Malachie 2.2 Jérémie 9.1 Jérémie 14.17 Psaumes 80.1 Psaumes 119.136
¹⁸ εἴπατε τῷ βασιλεῖ καὶ τοῖς δυναστεύουσιν ταπεινώθητε καὶ καθίσατε ὅτι καθῃρέθη ἀπὸ κεφαλῆς ὑμῶν στέφανος δόξης ὑμῶν.
2 Rois 24.12 Jérémie 22.26 2 Rois 24.15 2 Chroniques 33.19 2 Chroniques 33.12
¹⁹ πόλεις αἱ πρὸς νότον συνεκλείσθησαν καὶ οὐκ ἦν ὁ ἀνοίγων ἀπῳκίσθη Ιουδας συνετέλεσεν ἀποικίαν τελείαν.
Jérémie 52.27 2 Rois 25.21 Deutéronome 28.52 Jérémie 52.30 Jérémie 39.9
²⁰ ἀνάλαβε ὀφθαλμούς σου Ιερουσαλημ καὶ ἰδὲ τοὺς ἐρχομένους ἀπὸ βορρᾶ ποῦ ἐστιν τὸ ποίμνιον ὃ ἐδόθη σοι πρόβατα δόξης σου.
Jérémie 6.22 Jérémie 1.14 Jérémie 23.2 Habakuk 1.6 Jérémie 13.17
²¹ τί ἐρεῖς ὅταν ἐπισκέπτωνταί σε καὶ σὺ ἐδίδαξας αὐτοὺς ἐπὶ σὲ μαθήματα εἰς ἀρχήν οὐκ ὠδῖνες καθέξουσίν σε καθὼς γυναῖκα τίκτουσαν.
Esaïe 13.8 Jérémie 4.31 Jérémie 38.22 Esaïe 10.3 Esaïe 39.2-39.4
²² καὶ ἐὰν εἴπῃς ἐν τῇ καρδίᾳ σου διὰ τί ἀπήντησέν μοι ταῦτα διὰ τὸ πλῆθος τῆς ἀδικίας σου ἀνεκαλύφθη τὰ ὀπίσθιά σου παραδειγματισθῆναι τὰς πτέρνας σου.
Nahum 3.5 Jérémie 5.19 Osée 2.10 Jérémie 16.10-16.11 Jérémie 13.26
²³ εἰ ἀλλάξεται Αἰθίοψ τὸ δέρμα αὐτοῦ καὶ πάρδαλις τὰ ποικίλματα αὐτῆς καὶ ὑμεῖς δυνήσεσθε εὖ ποιῆσαι μεμαθηκότες τὰ κακά.
Matthieu 19.24-19.28 Jérémie 9.5 Jérémie 2.22 Esaïe 1.5 Proverbes 27.22
²⁴ καὶ διέσπειρα αὐτοὺς ὡς φρύγανα φερόμενα ὑπὸ ἀνέμου εἰς ἔρημον.
Psaumes 1.4 Lévitique 26.33 Ezéchiel 5.12 Osée 13.3 Ezéchiel 5.2
²⁵ οὗτος ὁ κλῆρός σου καὶ μερὶς τοῦ ἀπειθεῖν ὑμᾶς ἐμοί λέγει κύριος ὡς ἐπελάθου μου καὶ ἤλπισας ἐπὶ ψεύδεσιν.
Job 20.29 Jérémie 2.32 Matthieu 24.51 Psaumes 9.17 Psaumes 11.6
²⁶ κἀγὼ ἀποκαλύψω τὰ ὀπίσω σου ἐπὶ τὸ πρόσωπόν σου καὶ ὀφθήσεται ἡ ἀτιμία σου.
Lamentations 1.8 Osée 2.10 Ezéchiel 23.29 Jérémie 13.22 Ezéchiel 16.37
²⁷ καὶ ἡ μοιχεία σου καὶ ὁ χρεμετισμός σου καὶ ἡ ἀπαλλοτρίωσις τῆς πορνείας σου ἐπὶ τῶν βουνῶν καὶ ἐν τοῖς ἀγροῖς ἑώρακα τὰ βδελύγματά σου οὐαί σοι Ιερουσαλημ ὅτι οὐκ ἐκαθαρίσθης ὀπίσω μου ἕως τίνος ἔτι.
Ezéchiel 6.13 Osée 8.5 Ezéchiel 24.13 Esaïe 65.7 Jérémie 2.20-2.24