Esaïe 64.6
Septante

¹ ὡς κηρὸς ἀπὸ πυρὸς τήκεται καὶ κατακαύσει πῦρ τοὺς ὑπεναντίους καὶ φανερὸν ἔσται τὸ ὄνομα κυρίου ἐν τοῖς ὑπεναντίοις ἀπὸ προσώπου σου ἔθνη ταραχθήσονται.Michée 1.3-1.4 Marc 1.10 Psaumes 68.8 Amos 9.13 Psaumes 46.6
² ὅταν ποιῇς τὰ ἔνδοξα τρόμος λήμψεται ἀπὸ σοῦ ὄρη.Jérémie 33.9 Jérémie 5.22 Psaumes 99.1 Psaumes 83.13 Psaumes 67.1-67.2
³ ἀπὸ τοῦ αἰῶνος οὐκ ἠκούσαμεν οὐδὲ οἱ ὀφθαλμοὶ ἡμῶν εἶδον θεὸν πλὴν σοῦ καὶ τὰ ἔργα σου ἃ ποιήσεις τοῖς ὑπομένουσιν ἔλεον.Psaumes 66.5 Psaumes 66.3 Psaumes 106.22 Psaumes 105.27-105.36 Exode 34.10
⁴ συναντήσεται γὰρ τοῖς ποιοῦσιν τὸ δίκαιον καὶ τῶν ὁδῶν σου μνησθήσονται ἰδοὺ σὺ ὠργίσθης καὶ ἡμεῖς ἡμάρτομεν διὰ τοῦτο ἐπλανήθημεν.Psaumes 31.19 1 Corinthiens 2.9-2.10 Esaïe 25.9 Colossiens 1.26-1.27 Jacques 5.7
⁵ καὶ ἐγενήθημεν ὡς ἀκάθαρτοι πάντες ἡμεῖς ὡς ῥάκος ἀποκαθημένης πᾶσα ἡ δικαιοσύνη ἡμῶν καὶ ἐξερρύημεν ὡς φύλλα διὰ τὰς ἀνομίας ἡμῶν οὕτως ἄνεμος οἴσει ἡμᾶς.Exode 20.24 Psaumes 90.7-90.9 Philippiens 3.13-3.15 Exode 29.42-29.43 Psaumes 112.1
⁶ καὶ οὐκ ἔστιν ὁ ἐπικαλούμενος τὸ ὄνομά σου καὶ ὁ μνησθεὶς ἀντιλαβέσθαι σου ὅτι ἀπέστρεψας τὸ πρόσωπόν σου ἀφ’ ἡμῶν καὶ παρέδωκας ἡμᾶς διὰ τὰς ἁμαρτίας ἡμῶν.Psaumes 90.5-90.6 Job 42.5-42.6 Job 14.4 Romains 7.24 Zacharie 3.3
⁷ καὶ νῦν κύριε πατὴρ ἡμῶν σύ ἡμεῖς δὲ πηλὸς ἔργον τῶν χειρῶν σου πάντες.Esaïe 59.16 Osée 7.7 Ezéchiel 22.30 Esaïe 50.2 Ezéchiel 22.18-22.22
⁸ μὴ ὀργίζου ἡμῖν σφόδρα καὶ μὴ ἐν καιρῷ μνησθῇς ἁμαρτιῶν ἡμῶν καὶ νῦν ἐπίβλεψον ὅτι λαός σου πάντες ἡμεῖς.Esaïe 29.16 Esaïe 45.9 Jérémie 18.2-18.6 Romains 9.20-9.24 Esaïe 63.16
⁹ πόλις τοῦ ἁγίου σου ἐγενήθη ἔρημος Σιων ὡς ἔρημος ἐγενήθη Ιερουσαλημ εἰς κατάραν.Psaumes 79.13 Psaumes 74.1-74.2 Apocalypse 20.10 Esaïe 57.17 Jérémie 3.12
¹⁰ ὁ οἶκος τὸ ἅγιον ἡμῶν καὶ ἡ δόξα ἣν ηὐλόγησαν οἱ πατέρες ἡμῶν ἐγενήθη πυρίκαυστος καὶ πάντα τὰ ἔνδοξα συνέπεσεν.Esaïe 1.7 Psaumes 79.1-79.7 Michée 3.12 Lamentations 1.1-1.4 Daniel 12.7
¹¹ καὶ ἐπὶ πᾶσι τούτοις ἀνέσχου κύριε καὶ ἐσιώπησας καὶ ἐταπείνωσας ἡμᾶς σφόδρα.Lamentations 1.7 Psaumes 74.5-74.7 2 Rois 25.9 2 Chroniques 36.19 Lamentations 1.10-1.11