Esaïe 64.8
Biblia Hebraica Stuttgartensia

¹ (64.2) כִּקְדֹ֧חַ אֵ֣שׁ הֲמָסִ֗ים מַ֚יִם תִּבְעֶה־אֵ֔שׁ לְהֹודִ֥יעַ שִׁמְךָ֖ לְצָרֶ֑יךָ מִפָּנֶ֖יךָ גֹּויִ֥ם יִרְגָּֽזוּ׃
Michée 1.3-1.4 Psaumes 68.8 Amos 9.13 Marc 1.10 Psaumes 114.4-114.7
² (64.3) בַּעֲשֹׂותְךָ֥ נֹורָאֹ֖ות לֹ֣א נְקַוֶּ֑ה יָרַ֕דְתָּ מִפָּנֶ֖יךָ הָרִ֥ים נָזֹֽלּוּ׃
Jérémie 33.9 Jérémie 5.22 Psaumes 99.1 Psaumes 46.10 Psaumes 106.8
³ (64.4) וּמֵעֹולָ֥ם לֹא־שָׁמְע֖וּ לֹ֣א הֶאֱזִ֑ינוּ עַ֣יִן לֹֽא־רָאָ֗תָה אֱלֹהִים֙ זוּלָ֣תְךָ֔ יַעֲשֶׂ֖ה לִמְחַכֵּה־לֹֽו׃
Psaumes 66.3 Psaumes 106.22 Psaumes 66.5 Exode 34.10 Habakuk 3.3
⁴ (64.5) פָּגַ֤עְתָּ אֶת־שָׂשׂ֙ וְעֹ֣שֵׂה צֶ֔דֶק בִּדְרָכֶ֖יךָ יִזְכְּר֑וּךָ הֵן־אַתָּ֤ה קָצַ֨פְתָּ֙ וַֽנֶּחֱטָ֔א בָּהֶ֥ם עֹולָ֖ם וְנִוָּשֵֽׁעַ׃
Psaumes 31.19 1 Corinthiens 2.9-2.10 Colossiens 1.26-1.27 Jacques 5.7 Genèse 49.18
⁵ (64.6) וַנְּהִ֤י כַטָּמֵא֙ כֻּלָּ֔נוּ וּכְבֶ֥גֶד עִדִּ֖ים כָּל־צִדְקֹתֵ֑ינוּ וַנָּ֤בֶל כֶּֽעָלֶה֙ כֻּלָּ֔נוּ וַעֲוֹנֵ֖נוּ כָּר֥וּחַ יִשָּׂאֻֽנוּ׃
Exode 20.24 Psaumes 90.7-90.9 Psaumes 112.1 Esaïe 26.8-26.9 Exode 25.22
⁶ (64.7) וְאֵין־קֹורֵ֣א בְשִׁמְךָ֔ מִתְעֹורֵ֖ר לְהַחֲזִ֣יק בָּ֑ךְ כִּֽי־הִסְתַּ֤רְתָּ פָנֶ֨יךָ֙ מִמֶּ֔נּוּ וַתְּמוּגֵ֖נוּ בְּיַד־עֲוֹנֵֽנוּ׃
Psaumes 90.5-90.6 Job 42.5-42.6 Job 14.4 Romains 7.24 Zacharie 3.3
⁷ (64.8) וְעַתָּ֥ה יְהוָ֖ה אָבִ֣ינוּ אָ֑תָּה אֲנַ֤חְנוּ הַחֹ֨מֶר֙ וְאַתָּ֣ה יֹצְרֵ֔נוּ וּמַעֲשֵׂ֥ה יָדְךָ֖ כֻּלָּֽנוּ׃
Esaïe 59.16 Osée 7.7 Ezéchiel 22.30 Deutéronome 32.19-32.25 Deutéronome 31.17-31.18
⁸ (64.9) אַל־תִּקְצֹ֤ף יְהוָה֙ עַד־מְאֹ֔ד וְאַל־לָעַ֖ד תִּזְכֹּ֣ר עָוֹ֑ן הֵ֥ן הַבֶּט־נָ֖א עַמְּךָ֥ כֻלָּֽנוּ׃
Esaïe 29.16 Esaïe 45.9 Jérémie 18.2-18.6 Romains 9.20-9.24 Esaïe 63.16
⁹ (64.10) עָרֵ֥י קָדְשְׁךָ֖ הָי֣וּ מִדְבָּ֑ר צִיֹּון֙ מִדְבָּ֣ר הָיָ֔תָה יְרוּשָׁלִַ֖ם שְׁמָמָֽה׃
Psaumes 79.13 Psaumes 74.1-74.2 Apocalypse 20.10 Esaïe 57.17 Jérémie 3.12
¹⁰ (64.11) בֵּ֧ית קָדְשֵׁ֣נוּ וְתִפְאַרְתֵּ֗נוּ אֲשֶׁ֤ר הִֽלְל֨וּךָ֙ אֲבֹתֵ֔ינוּ הָיָ֖ה לִשְׂרֵ֣פַת אֵ֑שׁ וְכָל־מַחֲמַדֵּ֖ינוּ הָיָ֥ה לְחָרְבָּֽה׃
Esaïe 1.7 Lamentations 1.1-1.4 Daniel 12.7 Luc 21.21 2 Chroniques 36.19-36.21
¹¹ (64.12) הַעַל־אֵ֥לֶּה תִתְאַפַּ֖ק יְהוָ֑ה תֶּחֱשֶׁ֥ה וּתְעַנֵּ֖נוּ עַד־מְאֹֽד׃ ס
Lamentations 1.7 Psaumes 74.5-74.7 2 Rois 25.9 Lamentations 1.10-1.11 2 Chroniques 36.19