Proverbes 13.17
Biblia Hebraica Stuttgartensia

¹ בֵּ֣ן חָ֭כָם מ֣וּסַר אָ֑ב וְ֝לֵ֗ץ לֹא־שָׁמַ֥ע גְּעָרָֽה׃Proverbes 15.20 Proverbes 10.1 Proverbes 9.7-9.8 Proverbes 4.20-4.22 Proverbes 15.5
² מִפְּרִ֣י פִי־אִ֭ישׁ יֹ֣אכַל טֹ֑וב וְנֶ֖פֶשׁ בֹּגְדִ֣ים חָמָֽס׃Proverbes 12.14 Proverbes 1.31 Proverbes 1.11-1.13 Psaumes 140.11 Proverbes 4.17
³ נֹצֵ֣ר פִּ֭יו שֹׁמֵ֣ר נַפְשֹׁ֑ו פֹּשֵׂ֥ק שְׂ֝פָתָ֗יו מְחִתָּה־לֹֽו׃Proverbes 21.23 Jacques 3.2-3.12 Proverbes 18.21 Proverbes 18.7 Proverbes 12.13
⁴ מִתְאַוָּ֣ה וָ֭אַיִן נַפְשֹׁ֣ו עָצֵ֑ל וְנֶ֖פֶשׁ חָרֻצִ֣ים תְּדֻשָּֽׁן׃Proverbes 10.4 Proverbes 12.11 Proverbes 12.24 Proverbes 2.2-2.9 Proverbes 11.25
⁵ דְּבַר־שֶׁ֭קֶר יִשְׂנָ֣א צַדִּ֑יק וְ֝רָשָׁ֗ע יַבְאִ֥ישׁ וְיַחְפִּֽיר׃Colossiens 3.9 Proverbes 3.35 Zacharie 11.8 Ezéchiel 20.43 Ezéchiel 36.31
⁶ צְ֭דָקָה תִּצֹּ֣ר תָּם־דָּ֑רֶךְ וְ֝רִשְׁעָ֗ה תְּסַלֵּ֥ף חַטָּֽאת׃Proverbes 11.3 Proverbes 11.5-11.6 Psaumes 140.11 2 Chroniques 28.23 Psaumes 26.1
⁷ יֵ֣שׁ מִ֭תְעַשֵּׁר וְאֵ֣ין כֹּ֑ל מִ֝תְרֹושֵׁ֗שׁ וְהֹ֣ון רָֽב׃1 Corinthiens 4.10-4.11 Luc 18.11-18.14 Apocalypse 3.17 2 Corinthiens 6.10 2 Pierre 2.19
⁸ כֹּ֣פֶר נֶֽפֶשׁ־אִ֣ישׁ עָשְׁרֹ֑ו וְ֝רָ֗שׁ לֹא־שָׁמַ֥ע גְּעָרָֽה׃Jérémie 39.10 1 Pierre 1.18-1.19 Matthieu 16.26 Jérémie 41.8 Job 2.4
⁹ אֹור־צַדִּיקִ֥ים יִשְׂמָ֑ח וְנֵ֖ר רְשָׁעִ֣ים יִדְעָֽךְ׃Proverbes 4.18 Proverbes 24.20 1 Rois 11.36 Job 29.3 Job 21.17
¹⁰ רַק־בְּ֭זָדֹון יִתֵּ֣ן מַצָּ֑ה וְאֶת־נֹ֖ועָצִ֣ים חָכְמָֽה׃Jacques 4.1 1 Rois 12.10-12.11 Juges 12.1-12.6 Luc 14.28-14.32 Luc 22.24
¹¹ הֹ֖ון מֵהֶ֣בֶל יִמְעָ֑ט וְקֹבֵ֖ץ עַל־יָ֣ד יַרְבֶּֽה׃Proverbes 20.21 Proverbes 10.2 Jacques 5.1-5.5 Proverbes 28.8 Job 20.15
¹² תֹּוחֶ֣לֶת מְ֭מֻשָּׁכָה מַחֲלָה־לֵ֑ב וְעֵ֥ץ חַ֝יִּ֗ים תַּאֲוָ֥ה בָאָֽה׃Proverbes 13.19 Jean 16.22 1 Samuel 1.26-1.28 Psaumes 17.15 Genèse 46.30
¹³ בָּ֣ז לְ֭דָבָר יֵחָ֣בֶל לֹ֑ו וִירֵ֥א מִ֝צְוָ֗ה ה֣וּא יְשֻׁלָּֽם׃2 Chroniques 36.16 Nombres 15.31 2 Jean 1.8 Psaumes 19.11 Psaumes 119.165
¹⁴ תֹּורַ֣ת חָ֭כָם מְקֹ֣ור חַיִּ֑ים לָ֝ס֗וּר מִמֹּ֥קְשֵׁי מָֽוֶת׃Proverbes 10.11 Psaumes 18.5 Proverbes 14.27 Proverbes 16.17 2 Samuel 22.6-22.7
¹⁵ שֵֽׂכֶל־טֹ֭וב יִתֶּן־חֵ֑ן וְדֶ֖רֶךְ בֹּגְדִ֣ים אֵיתָֽן׃Proverbes 3.4 Luc 2.52 Jérémie 2.19 Romains 6.21 Proverbes 15.10
¹⁶ כָּל־עָ֭רוּם יַעֲשֶׂ֣ה בְדָ֑עַת וּ֝כְסִ֗יל יִפְרֹ֥שׂ אִוֶּֽלֶת׃Proverbes 15.2 Ecclésiaste 10.3 Esaïe 52.13 1 Samuel 25.25 Romains 16.19
¹⁷ מַלְאָ֣ךְ רָ֭שָׁע יִפֹּ֣ל בְּרָ֑ע וְצִ֖יר אֱמוּנִ֣ים מַרְפֵּֽא׃Proverbes 25.13 Proverbes 25.23 1 Corinthiens 4.2 2 Timothée 2.2 Jérémie 23.28
¹⁸ רֵ֣ישׁ וְ֭קָלֹון פֹּורֵ֣עַ מוּסָ֑ר וְשֹׁומֵ֖ר תֹּוכַ֣חַת יְכֻבָּֽד׃Proverbes 15.5 Proverbes 15.31-15.32 Proverbes 12.1 Proverbes 25.12 Hébreux 12.25
¹⁹ תַּאֲוָ֣ה נִ֭הְיָה תֶעֱרַ֣ב לְנָ֑פֶשׁ וְתֹועֲבַ֥ת כְּ֝סִילִ֗ים ס֣וּר מֵרָֽע׃Proverbes 13.12 Psaumes 34.14 Proverbes 29.27 Cantique 3.4 Proverbes 16.17
²⁰ הֹלֵ֣ךְ אֶת־חֲכָמִ֣ים יֶחְכָּ֑ם וְרֹעֶ֖ה כְסִילִ֣ים יֵרֹֽועַ׃1 Corinthiens 15.33-15.34 Proverbes 9.6 2 Corinthiens 6.14-6.18 Proverbes 15.31 Apocalypse 18.4
²¹ חַ֭טָּאִים תְּרַדֵּ֣ף רָעָ֑ה וְאֶת־צַ֝דִּיקִ֗ים יְשַׁלֶּם־טֹֽוב׃Psaumes 32.10 Proverbes 13.13 Romains 2.7-2.10 Esaïe 3.10-3.11 Genèse 4.7
²² טֹ֗וב יַנְחִ֥יל בְּנֵֽי־בָנִ֑ים וְצָפ֥וּן לַ֝צַּדִּ֗יק חֵ֣יל חֹוטֵֽא׃Proverbes 28.8 Job 27.16-27.17 Ecclésiaste 2.26 Genèse 17.7-17.8 Esdras 9.12
²³ רָב־אֹ֭כֶל נִ֣יר רָאשִׁ֑ים וְיֵ֥שׁ נִ֝סְפֶּ֗ה בְּלֹ֣א מִשְׁפָּֽט׃Proverbes 12.11 Proverbes 28.19 Jérémie 8.7-8.10 Ecclésiaste 5.9 Proverbes 27.18
²⁴ חֹושֵׂ֣ךְ שִׁ֭בְטֹו שֹׂונֵ֣א בְנֹ֑ו וְ֝אֹהֲבֹ֗ו שִֽׁחֲרֹ֥ו מוּסָֽר׃Proverbes 29.15 Proverbes 19.18 Proverbes 22.15 Proverbes 29.17 Proverbes 23.13-23.14
²⁵ צַדִּ֗יק אֹ֭כֵל לְשֹׂ֣בַע נַפְשֹׁ֑ו וּבֶ֖טֶן רְשָׁעִ֣ים תֶּחְסָֽר׃ פPsaumes 34.10 Proverbes 10.3 Hébreux 13.5 Deutéronome 32.24 Proverbes 6.11