Psaumes 88.17
Biblia Hebraica Stuttgartensia

Lamentation dans le malheur

¹ שִׁ֥יר מִזְמֹ֗ור לִבְנֵ֫י קֹ֥רַח לַמְנַצֵּ֣חַ עַל־מָחֲלַ֣ת לְעַנֹּ֑ות מַ֝שְׂכִּ֗יל לְהֵימָ֥ן הָאֶזְרָחִֽי׃
Luc 18.7 Psaumes 22.2 Psaumes 27.9 Psaumes 51.14 1 Chroniques 2.6
² (88.1) יְ֭הוָה אֱלֹהֵ֣י יְשׁוּעָתִ֑י יֹום־צָעַ֖קְתִּי בַלַּ֣יְלָה נֶגְדֶּֽךָ׃
Lamentations 3.8 Psaumes 31.2 Psaumes 141.1-141.2 Psaumes 79.11 1 Rois 8.31
³ (88.2) תָּבֹ֣וא לְ֭פָנֶיךָ תְּפִלָּתִ֑י הַטֵּֽה־אָ֝זְנְךָ֗ לְרִנָּתִֽי׃
Psaumes 107.18 Psaumes 22.11-22.21 Psaumes 88.14-88.15 Psaumes 143.3-143.4 Matthieu 26.37-26.39
⁴ (88.3) כִּֽי־שָֽׂבְעָ֣ה בְרָעֹ֣ות נַפְשִׁ֑י וְחַיַּ֗י לִשְׁאֹ֥ול הִגִּֽיעוּ׃
Psaumes 28.1 Psaumes 143.7 Esaïe 38.17-38.18 2 Corinthiens 13.4 Jonas 2.6
⁵ (88.4) נֶ֭חְשַׁבְתִּי עִם־יֹ֣ורְדֵי בֹ֑ור הָ֝יִ֗יתִי כְּגֶ֣בֶר אֵֽין־אֱיָֽל׃
Esaïe 53.8 Psaumes 31.22 Psaumes 136.23 Esaïe 14.9-14.12 Esaïe 38.10-38.12
⁶ (88.5) בַּמֵּתִ֗ים חָ֫פְשִׁ֥י כְּמֹ֤ו חֲלָלִ֨ים׀ שֹׁ֥כְבֵי קֶ֗בֶר אֲשֶׁ֤ר לֹ֣א זְכַרְתָּ֣ם עֹ֑וד וְ֝הֵ֗מָּה מִיָּדְךָ֥ נִגְזָֽרוּ׃
Psaumes 69.15 Psaumes 143.3 Psaumes 86.13 Jean 12.46 Psaumes 40.2
⁷ (88.6) שַׁ֭תַּנִי בְּבֹ֣ור תַּחְתִּיֹּ֑ות בְּ֝מַחֲשַׁכִּ֗ים בִּמְצֹלֹֽות׃
Psaumes 42.7 Psaumes 102.10 Jean 3.36 Psaumes 32.4 Jonas 2.3
⁸ (88.7) עָ֭לַי סָמְכָ֣ה חֲמָתֶ֑ךָ וְכָל־מִ֝שְׁבָּרֶ֗יךָ עִנִּ֥יתָ סֶּֽלָה׃
Psaumes 31.11 Esaïe 49.7 Zacharie 11.8 Jérémie 32.2 Psaumes 88.18
⁹ (88.8) הִרְחַ֥קְתָּ מְיֻדָּעַ֗י מִ֫מֶּ֥נִּי שַׁתַּ֣נִי תֹועֵבֹ֣ות לָ֑מֹו כָּ֝לֻ֗א וְלֹ֣א אֵצֵֽא׃
Job 11.13 Psaumes 143.6 Psaumes 86.3 Psaumes 38.10 Psaumes 6.7
¹⁰ (88.9) עֵינִ֥י דָאֲבָ֗ה מִנִּ֫י עֹ֥נִי קְרָאתִ֣יךָ יְהוָ֣ה בְּכָל־יֹ֑ום שִׁטַּ֖חְתִּי אֵלֶ֣יךָ כַפָּֽי׃
Psaumes 6.5 Psaumes 30.9 Job 14.7-14.12 Psaumes 118.17 Esaïe 38.18-38.19
¹¹ (88.10) הֲלַמֵּתִ֥ים תַּעֲשֶׂה־פֶּ֑לֶא אִם־רְ֝פָאִ֗ים יָק֤וּמוּ׀ יֹוד֬וּךָ סֶּֽלָה׃
2 Pierre 2.1 Job 26.6 Romains 9.22 Job 21.30 Psaumes 55.23
¹² (88.11) הַיְסֻפַּ֣ר בַּקֶּ֣בֶר חַסְדֶּ֑ךָ אֱ֝מֽוּנָתְךָ֗ בָּאֲבַדֹּֽון׃
Ecclésiaste 9.5 Matthieu 8.12 Psaumes 31.12 Ecclésiaste 8.10 Esaïe 8.22
¹³ (88.12) הֲיִוָּדַ֣ע בַּחֹ֣שֶׁךְ פִּלְאֶ֑ךָ וְ֝צִדְקָתְךָ֗ בְּאֶ֣רֶץ נְשִׁיָּֽה׃
Psaumes 5.3 Psaumes 30.2 Psaumes 119.147-119.148 Marc 1.35
¹⁴ (88.13) וַאֲנִ֤י׀ אֵלֶ֣יךָ יְהוָ֣ה שִׁוַּ֑עְתִּי וּ֝בַבֹּ֗קֶר תְּֽפִלָּתִ֥י תְקַדְּמֶֽךָּ׃
Job 13.24 Psaumes 13.1 Psaumes 43.2 Psaumes 44.24 Psaumes 44.9
¹⁵ (88.14) לָמָ֣ה יְ֭הוָה תִּזְנַ֣ח נַפְשִׁ֑י תַּסְתִּ֖יר פָּנֶ֣יךָ מִמֶּֽנִּי׃
Job 6.4 Psaumes 22.14-22.15 Psaumes 73.14 Job 7.11-7.16 Job 17.1
¹⁶ (88.15) עָ֘נִ֤י אֲנִ֣י וְגֹוֵ֣עַ מִנֹּ֑עַר נָשָׂ֖אתִי אֵמֶ֣יךָ אָפֽוּנָה׃
Psaumes 102.10 Psaumes 90.7 Romains 8.32 Psaumes 38.1-38.2 Galates 3.13
¹⁷ (88.16) עָ֭לַי עָבְר֣וּ חֲרֹונֶ֑יךָ בִּ֝עוּתֶ֗יךָ צִמְּתוּתֻֽנִי׃
Psaumes 22.16 Job 16.12-16.13 Psaumes 124.4 Matthieu 27.39-27.44 Lamentations 3.5-3.7
¹⁸ (88.17) סַבּ֣וּנִי כַ֭מַּיִם כָּל־הַיֹּ֑ום הִקִּ֖יפוּ עָלַ֣י יָֽחַד׃
Psaumes 38.11 Psaumes 88.8 Psaumes 31.11 Job 19.12-19.15
¹⁹ (88.18) הִרְחַ֣קְתָּ מִ֭מֶּנִּי אֹהֵ֣ב וָרֵ֑עַ מְֽיֻדָּעַ֥י מַחְשָֽׁךְ׃