Psaumes 88.12
Biblia Hebraica Stuttgartensia

Lamentation dans le malheur

¹ שִׁ֥יר מִזְמֹ֗ור לִבְנֵ֫י קֹ֥רַח לַמְנַצֵּ֣חַ עַל־מָחֲלַ֣ת לְעַנֹּ֑ות מַ֝שְׂכִּ֗יל לְהֵימָ֥ן הָאֶזְרָחִֽי׃
Psaumes 22.2 Luc 18.7 Psaumes 27.9 Psaumes 51.14 Esaïe 12.2
² (88.1) יְ֭הוָה אֱלֹהֵ֣י יְשׁוּעָתִ֑י יֹום־צָעַ֖קְתִּי בַלַּ֣יְלָה נֶגְדֶּֽךָ׃
Psaumes 31.2 Psaumes 141.1-141.2 Psaumes 79.11 1 Rois 8.31 Lamentations 3.8
³ (88.2) תָּבֹ֣וא לְ֭פָנֶיךָ תְּפִלָּתִ֑י הַטֵּֽה־אָ֝זְנְךָ֗ לְרִנָּתִֽי׃
Psaumes 107.18 Psaumes 69.17-69.21 Esaïe 53.10-53.11 Lamentations 3.15-3.19 Marc 14.33-14.34
⁴ (88.3) כִּֽי־שָֽׂבְעָ֣ה בְרָעֹ֣ות נַפְשִׁ֑י וְחַיַּ֗י לִשְׁאֹ֥ול הִגִּֽיעוּ׃
Psaumes 28.1 Psaumes 143.7 Romains 5.6 Psaumes 31.12 2 Corinthiens 1.9
⁵ (88.4) נֶ֭חְשַׁבְתִּי עִם־יֹ֣ורְדֵי בֹ֑ור הָ֝יִ֗יתִי כְּגֶ֣בֶר אֵֽין־אֱיָֽל׃
Esaïe 53.8 Psaumes 31.22 Job 6.9 Ezéchiel 32.18-32.32 Psaumes 88.16
⁶ (88.5) בַּמֵּתִ֗ים חָ֫פְשִׁ֥י כְּמֹ֤ו חֲלָלִ֨ים׀ שֹׁ֥כְבֵי קֶ֗בֶר אֲשֶׁ֤ר לֹ֣א זְכַרְתָּ֣ם עֹ֑וד וְ֝הֵ֗מָּה מִיָּדְךָ֥ נִגְזָֽרוּ׃
Psaumes 69.15 Psaumes 143.3 Psaumes 86.13 Psaumes 130.1 Deutéronome 32.22
⁷ (88.6) שַׁ֭תַּנִי בְּבֹ֣ור תַּחְתִּיֹּ֑ות בְּ֝מַחֲשַׁכִּ֗ים בִּמְצֹלֹֽות׃
Psaumes 42.7 1 Pierre 2.24 Job 6.4 Psaumes 38.1 Job 10.16
⁸ (88.7) עָ֭לַי סָמְכָ֣ה חֲמָתֶ֑ךָ וְכָל־מִ֝שְׁבָּרֶ֗יךָ עִנִּ֥יתָ סֶּֽלָה׃
Psaumes 31.11 Zacharie 11.8 Jérémie 32.2 Esaïe 49.7 Job 30.10
⁹ (88.8) הִרְחַ֥קְתָּ מְיֻדָּעַ֗י מִ֫מֶּ֥נִּי שַׁתַּ֣נִי תֹועֵבֹ֣ות לָ֑מֹו כָּ֝לֻ֗א וְלֹ֣א אֵצֵֽא׃
Job 11.13 Psaumes 143.6 Psaumes 86.3 Psaumes 38.10 Job 17.7
¹⁰ (88.9) עֵינִ֥י דָאֲבָ֗ה מִנִּ֫י עֹ֥נִי קְרָאתִ֣יךָ יְהוָ֣ה בְּכָל־יֹ֑ום שִׁטַּ֖חְתִּי אֵלֶ֣יךָ כַפָּֽי׃
Psaumes 6.5 Psaumes 30.9 Psaumes 115.17 1 Corinthiens 15.52-15.57 Esaïe 26.19
¹¹ (88.10) הֲלַמֵּתִ֥ים תַּעֲשֶׂה־פֶּ֑לֶא אִם־רְ֝פָאִ֗ים יָק֤וּמוּ׀ יֹוד֬וּךָ סֶּֽלָה׃
Psaumes 55.23 Psaumes 73.18 Matthieu 7.13 Proverbes 15.11 2 Pierre 2.1
¹² (88.11) הַיְסֻפַּ֣ר בַּקֶּ֣בֶר חַסְדֶּ֑ךָ אֱ֝מֽוּנָתְךָ֗ בָּאֲבַדֹּֽון׃
Ecclésiaste 9.5 Psaumes 143.3 Ecclésiaste 2.16 Jude 1.13 Job 10.21-10.22
¹³ (88.12) הֲיִוָּדַ֣ע בַּחֹ֣שֶׁךְ פִּלְאֶ֑ךָ וְ֝צִדְקָתְךָ֗ בְּאֶ֣רֶץ נְשִׁיָּֽה׃
Psaumes 5.3 Psaumes 30.2 Psaumes 119.147-119.148 Marc 1.35
¹⁴ (88.13) וַאֲנִ֤י׀ אֵלֶ֣יךָ יְהוָ֣ה שִׁוַּ֑עְתִּי וּ֝בַבֹּ֗קֶר תְּֽפִלָּתִ֥י תְקַדְּמֶֽךָּ׃
Job 13.24 Psaumes 13.1 Psaumes 43.2 Psaumes 44.24 Psaumes 69.17
¹⁵ (88.14) לָמָ֣ה יְ֭הוָה תִּזְנַ֣ח נַפְשִׁ֑י תַּסְתִּ֖יר פָּנֶ֣יךָ מִמֶּֽנִּי׃
Job 6.4 Esaïe 53.10 Job 17.11-17.16 Esaïe 53.3 Zacharie 13.7
¹⁶ (88.15) עָ֘נִ֤י אֲנִ֣י וְגֹוֵ֣עַ מִנֹּ֑עַר נָשָׂ֖אתִי אֵמֶ֣יךָ אָפֽוּנָה׃
Esaïe 53.4-53.6 Daniel 9.26 Psaumes 90.11 Esaïe 53.8 Psaumes 89.46
¹⁷ (88.16) עָ֭לַי עָבְר֣וּ חֲרֹונֶ֑יךָ בִּ֝עוּתֶ֗יךָ צִמְּתוּתֻֽנִי׃
Psaumes 22.16 Psaumes 69.1-69.2 Psaumes 118.10-118.12 Psaumes 42.7 Job 30.14-30.15
¹⁸ (88.17) סַבּ֣וּנִי כַ֭מַּיִם כָּל־הַיֹּ֑ום הִקִּ֖יפוּ עָלַ֣י יָֽחַד׃
Psaumes 38.11 Psaumes 88.8 Psaumes 31.11 Job 19.12-19.15
¹⁹ (88.18) הִרְחַ֣קְתָּ מִ֭מֶּנִּי אֹהֵ֣ב וָרֵ֑עַ מְֽיֻדָּעַ֥י מַחְשָֽׁךְ׃