Psaumes 88
Biblia Hebraica Stuttgartensia

Lamentation dans le malheur

1 שִׁ֥יר מִזְמֹ֗ור לִבְנֵ֫י קֹ֥רַח לַמְנַצֵּ֣חַ עַל־מָחֲלַ֣ת לְעַנֹּ֑ות מַ֝שְׂכִּ֗יל לְהֵימָ֥ן הָאֶזְרָחִֽי׃
Luc 18.7 Psaumes 22.2 Psaumes 51.14 Psaumes 27.9 1 Chroniques 2.6
2 (88.1) יְ֭הוָה אֱלֹהֵ֣י יְשׁוּעָתִ֑י יֹום־צָעַ֖קְתִּי בַלַּ֣יְלָה נֶגְדֶּֽךָ׃
Psaumes 79.11 1 Rois 8.31 Lamentations 3.8 Psaumes 31.2 Psaumes 141.1-141.2
3 (88.2) תָּבֹ֣וא לְ֭פָנֶיךָ תְּפִלָּתִ֑י הַטֵּֽה־אָ֝זְנְךָ֗ לְרִנָּתִֽי׃
Psaumes 107.18 Psaumes 107.26 Job 33.22 Psaumes 22.11-22.21 Psaumes 88.14-88.15
4 (88.3) כִּֽי־שָֽׂבְעָ֣ה בְרָעֹ֣ות נַפְשִׁ֑י וְחַיַּ֗י לִשְׁאֹ֥ול הִגִּֽיעוּ׃
Psaumes 28.1 Psaumes 143.7 Psaumes 109.22-109.24 Ezéchiel 26.20 Esaïe 38.17-38.18
5 (88.4) נֶ֭חְשַׁבְתִּי עִם־יֹ֣ורְדֵי בֹ֑ור הָ֝יִ֗יתִי כְּגֶ֣בֶר אֵֽין־אֱיָֽל׃
Esaïe 53.8 Psaumes 31.22 Job 11.10 Psaumes 31.12 Psaumes 136.23
6 (88.5) בַּמֵּתִ֗ים חָ֫פְשִׁ֥י כְּמֹ֤ו חֲלָלִ֨ים׀ שֹׁ֥כְבֵי קֶ֗בֶר אֲשֶׁ֤ר לֹ֣א זְכַרְתָּ֣ם עֹ֑וד וְ֝הֵ֗מָּה מִיָּדְךָ֥ נִגְזָֽרוּ׃
Psaumes 69.15 Psaumes 143.3 Psaumes 86.13 Jude 1.13 Lamentations 3.55
7 (88.6) שַׁ֭תַּנִי בְּבֹ֣ור תַּחְתִּיֹּ֑ות בְּ֝מַחֲשַׁכִּ֗ים בִּמְצֹלֹֽות׃
Psaumes 42.7 Romains 2.5-2.9 Psaumes 102.10 Jean 3.36 Psaumes 32.4
8 (88.7) עָ֭לַי סָמְכָ֣ה חֲמָתֶ֑ךָ וְכָל־מִ֝שְׁבָּרֶ֗יךָ עִנִּ֥יתָ סֶּֽלָה׃
Psaumes 31.11 Esaïe 49.7 Zacharie 11.8 Jérémie 32.2 Jean 11.57
9 (88.8) הִרְחַ֥קְתָּ מְיֻדָּעַ֗י מִ֫מֶּ֥נִּי שַׁתַּ֣נִי תֹועֵבֹ֣ות לָ֑מֹו כָּ֝לֻ֗א וְלֹ֣א אֵצֵֽא׃
Job 11.13 Psaumes 143.6 Psaumes 86.3 Psaumes 38.10 Psaumes 88.1
10 (88.9) עֵינִ֥י דָאֲבָ֗ה מִנִּ֫י עֹ֥נִי קְרָאתִ֣יךָ יְהוָ֣ה בְּכָל־יֹ֑ום שִׁטַּ֖חְתִּי אֵלֶ֣יךָ כַפָּֽי׃
Psaumes 6.5 Psaumes 30.9 Esaïe 26.19 Marc 5.35-5.36 Job 14.7-14.12
11 (88.10) הֲלַמֵּתִ֥ים תַּעֲשֶׂה־פֶּ֑לֶא אִם־רְ֝פָאִ֗ים יָק֤וּמוּ׀ יֹוד֬וּךָ סֶּֽלָה׃
Matthieu 7.13 Proverbes 15.11 2 Pierre 2.1 Job 26.6 Romains 9.22
12 (88.11) הַיְסֻפַּ֣ר בַּקֶּ֣בֶר חַסְדֶּ֑ךָ אֱ֝מֽוּנָתְךָ֗ בָּאֲבַדֹּֽון׃
Ecclésiaste 9.5 Jude 1.13 Job 10.21-10.22 Matthieu 8.12 Psaumes 31.12
13 (88.12) הֲיִוָּדַ֣ע בַּחֹ֣שֶׁךְ פִּלְאֶ֑ךָ וְ֝צִדְקָתְךָ֗ בְּאֶ֣רֶץ נְשִׁיָּֽה׃
Psaumes 5.3 Psaumes 30.2 Marc 1.35 Psaumes 119.147-119.148
14 (88.13) וַאֲנִ֤י׀ אֵלֶ֣יךָ יְהוָ֣ה שִׁוַּ֑עְתִּי וּ֝בַבֹּ֗קֶר תְּֽפִלָּתִ֥י תְקַדְּמֶֽךָּ׃
Job 13.24 Psaumes 13.1 Psaumes 43.2 Psaumes 44.24 Matthieu 27.46
15 (88.14) לָמָ֣ה יְ֭הוָה תִּזְנַ֣ח נַפְשִׁ֑י תַּסְתִּ֖יר פָּנֶ֣יךָ מִמֶּֽנִּי׃
Job 6.4 Esaïe 53.3 Zacharie 13.7 Psaumes 22.14-22.15 Psaumes 73.14
16 (88.15) עָ֘נִ֤י אֲנִ֣י וְגֹוֵ֣עַ מִנֹּ֑עַר נָשָׂ֖אתִי אֵמֶ֣יךָ אָפֽוּנָה׃
Esaïe 53.8 Psaumes 89.46 Psaumes 102.10 Psaumes 90.7 Romains 8.32
17 (88.16) עָ֭לַי עָבְר֣וּ חֲרֹונֶ֑יךָ בִּ֝עוּתֶ֗יךָ צִמְּתוּתֻֽנִי׃
Psaumes 22.16 Psaumes 42.7 Job 30.14-30.15 Job 16.12-16.13 Psaumes 124.4
18 (88.17) סַבּ֣וּנִי כַ֭מַּיִם כָּל־הַיֹּ֑ום הִקִּ֖יפוּ עָלַ֣י יָֽחַד׃
Psaumes 38.11 Psaumes 88.8 Psaumes 31.11 Job 19.12-19.15
19 (88.18) הִרְחַ֣קְתָּ מִ֭מֶּנִּי אֹהֵ֣ב וָרֵ֑עַ מְֽיֻדָּעַ֥י מַחְשָֽׁךְ׃