Psaumes 88
Biblia Hebraica Stuttgartensia

¹ שִׁ֥יר מִזְמֹ֗ור לִבְנֵ֫י קֹ֥רַח לַמְנַצֵּ֣חַ עַל־מָחֲלַ֣ת לְעַנֹּ֑ות מַ֝שְׂכִּ֗יל לְהֵימָ֥ן הָאֶזְרָחִֽי׃ Psaumes 22.2 Luc 18.7 Psaumes 27.9 Psaumes 51.14 Esaïe 12.2
² (88.1) יְ֭הוָה אֱלֹהֵ֣י יְשׁוּעָתִ֑י יֹום־צָעַ֖קְתִּי בַלַּ֣יְלָה נֶגְדֶּֽךָ׃ Psaumes 31.2 Psaumes 141.1-141.2 Psaumes 79.11 1 Rois 8.31 Lamentations 3.8
³ (88.2) תָּבֹ֣וא לְ֭פָנֶיךָ תְּפִלָּתִ֑י הַטֵּֽה־אָ֝זְנְךָ֗ לְרִנָּתִֽי׃ Psaumes 107.18 Esaïe 53.3 Psaumes 69.17-69.21 Esaïe 53.10-53.11 Lamentations 3.15-3.19
⁴ (88.3) כִּֽי־שָֽׂבְעָ֣ה בְרָעֹ֣ות נַפְשִׁ֑י וְחַיַּ֗י לִשְׁאֹ֥ול הִגִּֽיעוּ׃ Psaumes 28.1 Psaumes 143.7 Job 17.1 Romains 5.6 Psaumes 31.12
⁵ (88.4) נֶ֭חְשַׁבְתִּי עִם־יֹ֣ורְדֵי בֹ֑ור הָ֝יִ֗יתִי כְּגֶ֣בֶר אֵֽין־אֱיָֽל׃ Esaïe 53.8 Psaumes 31.22 Genèse 19.29 Job 6.9 Ezéchiel 32.18-32.32
⁶ (88.5) בַּמֵּתִ֗ים חָ֫פְשִׁ֥י כְּמֹ֤ו חֲלָלִ֨ים׀ שֹׁ֥כְבֵי קֶ֗בֶר אֲשֶׁ֤ר לֹ֣א זְכַרְתָּ֣ם עֹ֑וד וְ֝הֵ֗מָּה מִיָּדְךָ֥ נִגְזָֽרוּ׃ Psaumes 69.15 Psaumes 143.3 Psaumes 86.13 Proverbes 4.19 Psaumes 130.1
⁷ (88.6) שַׁ֭תַּנִי בְּבֹ֣ור תַּחְתִּיֹּ֑ות בְּ֝מַחֲשַׁכִּ֗ים בִּמְצֹלֹֽות׃ Psaumes 42.7 Apocalypse 6.16-6.17 1 Pierre 2.24 Job 6.4 Psaumes 38.1
⁸ (88.7) עָ֭לַי סָמְכָ֣ה חֲמָתֶ֑ךָ וְכָל־מִ֝שְׁבָּרֶ֗יךָ עִנִּ֥יתָ סֶּֽלָה׃ Psaumes 31.11 Zacharie 11.8 Jérémie 32.2 Esaïe 49.7 Jean 15.23-15.24
⁹ (88.8) הִרְחַ֥קְתָּ מְיֻדָּעַ֗י מִ֫מֶּ֥נִּי שַׁתַּ֣נִי תֹועֵבֹ֣ות לָ֑מֹו כָּ֝לֻ֗א וְלֹ֣א אֵצֵֽא׃ Job 11.13 Psaumes 143.6 Psaumes 86.3 Psaumes 38.10 Job 17.7
¹⁰ (88.9) עֵינִ֥י דָאֲבָ֗ה מִנִּ֫י עֹ֥נִי קְרָאתִ֣יךָ יְהוָ֣ה בְּכָל־יֹ֑ום שִׁטַּ֖חְתִּי אֵלֶ֣יךָ כַפָּֽי׃ Psaumes 6.5 Psaumes 30.9 Luc 7.12-7.16 Psaumes 115.17 1 Corinthiens 15.52-15.57
¹¹ (88.10) הֲלַמֵּתִ֥ים תַּעֲשֶׂה־פֶּ֑לֶא אִם־רְ֝פָאִ֗ים יָק֤וּמוּ׀ יֹוד֬וּךָ סֶּֽלָה׃ Psaumes 55.23 Psaumes 73.18 Matthieu 7.13 Proverbes 15.11 2 Pierre 2.1
¹² (88.11) הַיְסֻפַּ֣ר בַּקֶּ֣בֶר חַסְדֶּ֑ךָ אֱ֝מֽוּנָתְךָ֗ בָּאֲבַדֹּֽון׃ Ecclésiaste 9.5 Psaumes 143.3 Ecclésiaste 2.16 Jude 1.13 Job 10.21-10.22
¹³ (88.12) הֲיִוָּדַ֣ע בַּחֹ֣שֶׁךְ פִּלְאֶ֑ךָ וְ֝צִדְקָתְךָ֗ בְּאֶ֣רֶץ נְשִׁיָּֽה׃ Psaumes 5.3 Psaumes 30.2 Psaumes 119.147-119.148 Marc 1.35
¹⁴ (88.13) וַאֲנִ֤י׀ אֵלֶ֣יךָ יְהוָ֣ה שִׁוַּ֑עְתִּי וּ֝בַבֹּ֗קֶר תְּֽפִלָּתִ֥י תְקַדְּמֶֽךָּ׃ Job 13.24 Psaumes 13.1 Psaumes 43.2 Psaumes 44.24 Psaumes 69.17
¹⁵ (88.14) לָמָ֣ה יְ֭הוָה תִּזְנַ֣ח נַפְשִׁ֑י תַּסְתִּ֖יר פָּנֶ֣יךָ מִמֶּֽנִּי׃ Job 6.4 Luc 22.44 Esaïe 53.10 Job 17.11-17.16 Esaïe 53.3
¹⁶ (88.15) עָ֘נִ֤י אֲנִ֣י וְגֹוֵ֣עַ מִנֹּ֑עַר נָשָׂ֖אתִי אֵמֶ֣יךָ אָפֽוּנָה׃ Apocalypse 6.17 Esaïe 53.4-53.6 Daniel 9.26 Psaumes 90.11 Esaïe 53.8
¹⁷ (88.16) עָ֭לַי עָבְר֣וּ חֲרֹונֶ֑יךָ בִּ֝עוּתֶ֗יךָ צִמְּתוּתֻֽנִי׃ Psaumes 22.16 Psaumes 69.1-69.2 Psaumes 118.10-118.12 Psaumes 42.7 Job 30.14-30.15
¹⁸ (88.17) סַבּ֣וּנִי כַ֭מַּיִם כָּל־הַיֹּ֑ום הִקִּ֖יפוּ עָלַ֣י יָֽחַד׃ Psaumes 38.11 Psaumes 88.8 Psaumes 31.11 Job 19.12-19.15
¹⁹ (88.18) הִרְחַ֣קְתָּ מִ֭מֶּנִּי אֹהֵ֣ב וָרֵ֑עַ מְֽיֻדָּעַ֥י מַחְשָֽׁךְ׃