Psaumes 63
Biblia Hebraica Stuttgartensia

¹ מִזְמֹ֥ור לְדָוִ֑ד בִּ֝הְיֹותֹ֗ו בְּמִדְבַּ֥ר יְהוּדָֽה׃ Psaumes 143.6 Psaumes 84.2 Psaumes 42.1-42.2 Exode 15.2 Psaumes 31.14
² (63.1) אֱלֹהִ֤ים׀ אֵלִ֥י אַתָּ֗ה אֲֽשַׁחֲ֫רֶ֥ךָּ צָמְאָ֬ה לְךָ֨׀ נַפְשִׁ֗י כָּמַ֣הּ לְךָ֣ בְשָׂרִ֑י בְּאֶֽרֶץ־צִיָּ֖ה וְעָיֵ֣ף בְּלִי־מָֽיִם׃ Psaumes 27.4 Psaumes 105.4 1 Chroniques 16.11 Psaumes 78.61 1 Samuel 4.21-4.22
³ (63.2) כֵּ֭ן בַּקֹּ֣דֶשׁ חֲזִיתִ֑יךָ לִרְאֹ֥ות עֻ֝זְּךָ֗ וּכְבֹודֶֽךָ׃ Psaumes 69.16 Philippiens 1.23 Romains 12.1 Psaumes 30.5 Psaumes 51.15
⁴ (63.3) כִּי־טֹ֣וב חַ֭סְדְּךָ מֵֽחַיִּ֗ים שְׂפָתַ֥י יְשַׁבְּחֽוּנְךָ׃ Psaumes 104.33 Psaumes 134.2 Psaumes 28.2 1 Rois 8.22-8.66 Habakuk 3.10
⁵ (63.4) כֵּ֣ן אֲבָרֶכְךָ֣ בְחַיָּ֑י בְּ֝שִׁמְךָ אֶשָּׂ֥א כַפָּֽי׃ Psaumes 65.4 Psaumes 104.34 Psaumes 36.7-36.9 Psaumes 43.4 Psaumes 149.1-149.3
⁶ (63.5) כְּמֹ֤ו חֵ֣לֶב וָ֭דֶשֶׁן תִּשְׂבַּ֣ע נַפְשִׁ֑י וְשִׂפְתֵ֥י רְ֝נָנֹ֗ות יְהַלֶּל־פִּֽי׃ Psaumes 42.8 Psaumes 119.55 Cantique 3.1-3.2 Cantique 5.2 Psaumes 119.147-119.148
⁷ (63.6) אִם־זְכַרְתִּ֥יךָ עַל־יְצוּעָ֑י בְּ֝אַשְׁמֻרֹ֗ות אֶהְגֶּה־בָּֽךְ׃ Psaumes 61.4 Psaumes 57.1 Psaumes 27.9 Psaumes 54.3-54.4 Psaumes 17.8
⁸ (63.7) כִּֽי־הָיִ֣יתָ עֶזְרָ֣תָה לִּ֑י וּבְצֵ֖ל כְּנָפֶ֣יךָ אֲרַנֵּֽן׃ Psaumes 18.35 Esaïe 42.1 Esaïe 41.10 Luc 18.5-18.7 Psaumes 41.12
⁹ (63.8) דָּבְקָ֣ה נַפְשִׁ֣י אַחֲרֶ֑יךָ בִּ֝֗י תָּמְכָ֥ה יְמִינֶֽךָ׃ Psaumes 55.15 Psaumes 40.14 Psaumes 9.17 Psaumes 70.2 Psaumes 35.4
¹⁰ (63.9) וְהֵ֗מָּה לְ֭שֹׁואָה יְבַקְשׁ֣וּ נַפְשִׁ֑י יָ֝בֹ֗אוּ בְּֽתַחְתִּיֹּ֥ות הָאָֽרֶץ׃ Jérémie 18.21 Ezéchiel 35.5 1 Samuel 26.10 Apocalypse 19.17-19.18 Ezéchiel 39.4
¹¹ (63.10) יַגִּירֻ֥הוּ עַל־יְדֵי־חָ֑רֶב מְנָ֖ת שֻׁעָלִ֣ים יִהְיֽוּ׃ Deutéronome 6.13 Esaïe 45.23 Romains 3.19 Esaïe 65.16 Psaumes 21.1
¹² (63.11) וְהַמֶּלֶךְ֮ יִשְׂמַ֪ח בֵּאלֹ֫הִ֥ים יִ֭תְהַלֵּל כָּל־הַנִּשְׁבָּ֣ע בֹּ֑ו כִּ֥י יִ֝סָּכֵ֗ר פִּ֣י דֹֽובְרֵי־שָֽׁקֶר׃