Psaumes 62
Biblia Hebraica Stuttgartensia

Dieu le seul refuge

1 לַמְנַצֵּ֥חַ עַֽל־יְדוּת֗וּן מִזְמֹ֥ור לְדָוִֽד׃
Psaumes 37.7 Psaumes 33.20 Psaumes 37.39 Psaumes 123.2 Psaumes 130.5-130.6
2 (62.1) אַ֣ךְ אֶל־אֱ֭לֹהִים דּֽוּמִיָּ֣ה נַפְשִׁ֑י מִ֝מֶּ֗נּוּ יְשׁוּעָתִֽי׃
Psaumes 18.2 Psaumes 59.17 Psaumes 62.6 2 Corinthiens 4.8-4.9 Michée 7.8-7.9
3 (62.2) אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹא־אֶמֹּ֥וט רַבָּֽה׃
Psaumes 140.2 Psaumes 38.12 Proverbes 1.22 Psaumes 82.2 Psaumes 4.2
4 (62.3) עַד־אָ֤נָה׀ תְּהֹֽותְת֣וּ עַל אִישׁ֮ תְּרָצְּח֪וּ כֻ֫לְּכֶ֥ם כְּקִ֥יר נָט֑וּי גָּ֝דֵ֗ר הַדְּחוּיָֽה׃
Psaumes 28.3 Psaumes 55.21 Psaumes 5.9 Osée 7.3 Actes 4.25-4.28
5 (62.4) אַ֤ךְ מִשְּׂאֵתֹ֨ו׀ יָעֲצ֣וּ לְהַדִּיחַ֮ יִרְצ֪וּ כָ֫זָ֥ב בְּפִ֥יו יְבָרֵ֑כוּ וּ֝בְקִרְבָּ֗ם יְקַלְלוּ־סֶֽלָה׃
Psaumes 27.13-27.14 Michée 7.7 Psaumes 104.1 Psaumes 146.1 Psaumes 103.1-103.2
6 (62.5) אַ֣ךְ לֵ֭אלֹהִים דֹּ֣ומִּי נַפְשִׁ֑י כִּי־מִ֝מֶּ֗נּוּ תִּקְוָתִֽי׃
Psaumes 62.2 Psaumes 112.6 Psaumes 16.8 Proverbes 12.7 Osée 1.7
7 (62.6) אַךְ־ה֣וּא צ֭וּרִי וִֽישׁוּעָתִ֑י מִ֝שְׂגַּבִּ֗י לֹ֣א אֶמֹּֽוט׃
Jérémie 3.23 Psaumes 85.9 Esaïe 45.25 Psaumes 94.22 Esaïe 26.4
8 (62.7) עַל־אֱ֭לֹהִים יִשְׁעִ֣י וּכְבֹודִ֑י צוּר־עֻזִּ֥י מַ֝חְסִ֗י בֵּֽאלֹהִֽים׃
Philippiens 4.6 Lamentations 2.19 1 Samuel 1.15 Psaumes 142.2 Psaumes 42.4
9 (62.8) בִּטְח֘וּ בֹ֤ו בְכָל־עֵ֨ת׀ עָ֗ם שִׁפְכֽוּ־לְפָנָ֥יו לְבַבְכֶ֑ם אֱלֹהִ֖ים מַחֲסֶה־לָּ֣נוּ סֶֽלָה׃
Psaumes 39.5 Esaïe 40.15 Esaïe 40.17 Psaumes 39.11 2 Samuel 15.31
10 (62.9) אַ֤ךְ׀ הֶ֥בֶל בְּנֵֽי־אָדָם֮ כָּזָ֪ב בְּנֵ֫י אִ֥ישׁ בְּמֹאזְנַ֥יִם לַעֲלֹ֑ות הֵ֝֗מָּה מֵהֶ֥בֶל יָֽחַד׃
Esaïe 30.12 Psaumes 52.7 Esaïe 59.4 Psaumes 39.6 Job 27.16-27.23
11 (62.10) אַל־תִּבְטְח֣וּ בְעֹשֶׁק֮ וּבְגָזֵ֪ל אַל־תֶּ֫הְבָּ֥לוּ חַ֤יִל׀ כִּֽי־יָנ֑וּב אַל־תָּשִׁ֥יתוּ לֵֽב׃
Apocalypse 19.1 Esaïe 26.4 Job 33.14 Job 40.5 Jean 19.11
12 (62.11) אַחַ֤ת׀ דִּבֶּ֬ר אֱלֹהִ֗ים שְׁתַּֽיִם־ז֥וּ שָׁמָ֑עְתִּי כִּ֥י עֹ֝֗ז לֵאלֹהִֽים׃
Job 34.11 Matthieu 16.27 Psaumes 103.8 Daniel 9.9 1 Corinthiens 3.8
13 (62.12) וּלְךָֽ־אֲדֹנָ֥י חָ֑סֶד כִּֽי־אַתָּ֨ה תְשַׁלֵּ֖ם לְאִ֣ישׁ כְּֽמַעֲשֵֽׂהוּ׃