Psaumes 58.6
Biblia Hebraica Stuttgartensia

¹ לַמְנַצֵּ֥חַ אַל־תַּשְׁחֵ֗ת לְדָוִ֥ד מִכְתָּֽם׃Psaumes 57.1 Matthieu 27.1 Esaïe 32.1 2 Samuel 5.3 2 Chroniques 19.6-19.7
² (58.1) הַֽאֻמְנָ֗ם אֵ֣לֶם צֶ֭דֶק תְּדַבֵּר֑וּן מֵישָׁרִ֥ים תִּ֝שְׁפְּט֗וּ בְּנֵ֣י אָדָֽם׃Psaumes 94.20 Esaïe 10.1 Malachie 3.15 Jérémie 22.16-22.17 Michée 3.1-3.3
³ (58.2) אַף־בְּלֵב֮ עֹולֹ֪ת תִּפְעָ֫ל֥וּן בָּאָ֡רֶץ חֲמַ֥ס יְ֝דֵיכֶ֗ם תְּפַלֵּֽסֽוּן׃Psaumes 51.5 Esaïe 48.8 Job 15.14 Esaïe 46.3 Proverbes 22.15
⁴ (58.3) זֹ֣רוּ רְשָׁעִ֣ים מֵרָ֑חֶם תָּע֥וּ מִ֝בֶּ֗טֶן דֹּבְרֵ֥י כָזָֽב׃Psaumes 140.3 Ecclésiaste 10.11 Job 20.16 Jérémie 8.17 Matthieu 23.33
⁵ (58.4) חֲמַת־לָ֗מֹו כִּדְמ֥וּת חֲמַת־נָחָ֑שׁ כְּמֹו־פֶ֥תֶן חֵ֝רֵ֗שׁ יַאְטֵ֥ם אָזְנֹֽו׃Deutéronome 18.11 Esaïe 19.3 Jérémie 8.17
⁶ (58.5) אֲשֶׁ֣ר לֹא־יִ֭שְׁמַע לְקֹ֣ול מְלַחֲשִׁ֑ים חֹובֵ֖ר חֲבָרִ֣ים מְחֻכָּֽם׃Psaumes 3.7 Job 29.17 Esaïe 31.4 Psaumes 17.12 Osée 5.14
⁷ (58.6) אֱֽלֹהִ֗ים הֲרָס־שִׁנֵּ֥ימֹו בְּפִ֑ימֹו מַלְתְּעֹ֥ות כְּ֝פִירִ֗ים נְתֹ֣ץ׀ יְהוָֽה׃Psaumes 112.10 Josué 7.5 Esaïe 13.7 Psaumes 64.3 Psaumes 22.14
⁸ (58.7) יִמָּאֲס֣וּ כְמֹו־מַ֭יִם יִתְהַלְּכוּ־לָ֑מֹו יִדְרֹ֥ךְ חִ֝צָּ֗יו כְּמֹ֣ו יִתְמֹלָֽלוּ׃Job 3.16 Ecclésiaste 6.3 Jacques 1.10 Psaumes 37.35-37.36 Matthieu 24.35
⁹ (58.8) כְּמֹ֣ו שַׁ֭בְּלוּל תֶּ֣מֶס יַהֲלֹ֑ךְ נֵ֥פֶל אֵ֝֗שֶׁת בַּל־חָ֥זוּ שָֽׁמֶשׁ׃Psaumes 118.12 Proverbes 10.25 Ecclésiaste 7.6 Job 27.21 Psaumes 55.23
¹⁰ (58.9) בְּטֶ֤רֶם יָבִ֣ינוּ סִּֽירֹתֵיכֶ֣ם אָטָ֑ד כְּמֹו־חַ֥י כְּמֹו־חָ֝רֹ֗ון יִשְׂעָרֶֽנּוּ׃Psaumes 68.23 Psaumes 64.10 Psaumes 107.42 Psaumes 91.8 Apocalypse 14.20
¹¹ (58.10) יִשְׂמַ֣ח צַ֭דִּיק כִּי־חָזָ֣ה נָקָ֑ם פְּעָמָ֥יו יִ֝רְחַ֗ץ בְּדַ֣ם הָרָשָֽׁע׃Psaumes 67.4 Esaïe 3.10 Romains 2.5 Psaumes 94.2 Psaumes 9.8
¹² (58.11) וְיֹאמַ֣ר אָ֭דָם אַךְ־פְּרִ֣י לַצַּדִּ֑יק אַ֥ךְ יֵשׁ־אֱ֝לֹהִ֗ים שֹׁפְטִ֥ים בָּאָֽרֶץ׃