Psaumes 58
Biblia Hebraica Stuttgartensia

¹ לַמְנַצֵּ֥חַ אַל־תַּשְׁחֵ֗ת לְדָוִ֥ד מִכְתָּֽם׃ Psaumes 57.1 Deutéronome 1.15-1.16 Esaïe 11.3-11.5 Nombres 11.16 Psaumes 72.1-72.4
² (58.1) הַֽאֻמְנָ֗ם אֵ֣לֶם צֶ֭דֶק תְּדַבֵּר֑וּן מֵישָׁרִ֥ים תִּ֝שְׁפְּט֗וּ בְּנֵ֣י אָדָֽם׃ Psaumes 94.20 Esaïe 10.1 Ezéchiel 22.12 Jean 11.47-11.53 Esaïe 26.7
³ (58.2) אַף־בְּלֵב֮ עֹולֹ֪ת תִּפְעָ֫ל֥וּן בָּאָ֡רֶץ חֲמַ֥ס יְ֝דֵיכֶ֗ם תְּפַלֵּֽסֽוּן׃ Psaumes 51.5 Esaïe 48.8 Esaïe 46.3 Proverbes 22.15 Ephésiens 2.3
⁴ (58.3) זֹ֣רוּ רְשָׁעִ֣ים מֵרָ֑חֶם תָּע֥וּ מִ֝בֶּ֗טֶן דֹּבְרֵ֥י כָזָֽב׃ Psaumes 140.3 Ecclésiaste 10.11 Romains 3.13 Jacques 3.8 Deutéronome 32.33
⁵ (58.4) חֲמַת־לָ֗מֹו כִּדְמ֥וּת חֲמַת־נָחָ֑שׁ כְּמֹו־פֶ֥תֶן חֵ֝רֵ֗שׁ יַאְטֵ֥ם אָזְנֹֽו׃ Esaïe 19.3 Jérémie 8.17 Deutéronome 18.11
⁶ (58.5) אֲשֶׁ֣ר לֹא־יִ֭שְׁמַע לְקֹ֣ול מְלַחֲשִׁ֑ים חֹובֵ֖ר חֲבָרִ֣ים מְחֻכָּֽם׃ Psaumes 3.7 Job 29.17 Job 4.10-4.11 Ezéchiel 30.21-30.26 Michée 5.8
⁷ (58.6) אֱֽלֹהִ֗ים הֲרָס־שִׁנֵּ֥ימֹו בְּפִ֑ימֹו מַלְתְּעֹ֥ות כְּ֝פִירִ֗ים נְתֹ֣ץ׀ יְהוָֽה׃ Josué 7.5 Psaumes 112.10 Esaïe 13.7 Psaumes 64.3 Josué 2.9-2.11
⁸ (58.7) יִמָּאֲס֣וּ כְמֹו־מַ֭יִם יִתְהַלְּכוּ־לָ֑מֹו יִדְרֹ֥ךְ חִ֝צָּ֗יו כְּמֹ֣ו יִתְמֹלָֽלוּ׃ Job 3.16 Ecclésiaste 6.3 Jacques 1.10 Psaumes 37.35-37.36 Matthieu 24.35
⁹ (58.8) כְּמֹ֣ו שַׁ֭בְּלוּל תֶּ֣מֶס יַהֲלֹ֑ךְ נֵ֥פֶל אֵ֝֗שֶׁת בַּל־חָ֥זוּ שָֽׁמֶשׁ׃ Proverbes 10.25 Psaumes 118.12 Ecclésiaste 7.6 Psaumes 73.18-73.20 Nombres 16.30
¹⁰ (58.9) בְּטֶ֤רֶם יָבִ֣ינוּ סִּֽירֹתֵיכֶ֣ם אָטָ֑ד כְּמֹו־חַ֥י כְּמֹו־חָ֝רֹ֗ון יִשְׂעָרֶֽנּוּ׃ Psaumes 68.23 Psaumes 64.10 Psaumes 107.42 Psaumes 68.1-68.3 Proverbes 11.10
¹¹ (58.10) יִשְׂמַ֣ח צַ֭דִּיק כִּי־חָזָ֣ה נָקָ֑ם פְּעָמָ֥יו יִ֝רְחַ֗ץ בְּדַ֣ם הָרָשָֽׁע׃ Esaïe 3.10 Psaumes 67.4 2 Pierre 3.4-3.10 Psaumes 98.9 Psaumes 33.18
¹² (58.11) וְיֹאמַ֣ר אָ֭דָם אַךְ־פְּרִ֣י לַצַּדִּ֑יק אַ֥ךְ יֵשׁ־אֱ֝לֹהִ֗ים שֹׁפְטִ֥ים בָּאָֽרֶץ׃