Psaumes 52.9
Biblia Hebraica Stuttgartensia

Punition du trompeur

¹ לַמְנַצֵּ֗חַ מַשְׂכִּ֥יל לְדָוִֽד׃
Psaumes 94.4 1 Samuel 21.7 Psaumes 107.1 Psaumes 103.17 Esaïe 59.4
² (52.1) בְּבֹ֤וא׀ דֹּואֵ֣ג הָאֲדֹמִי֮ וַיַּגֵּ֪ד לְשָׁ֫א֥וּל וַיֹּ֥אמֶר לֹ֑ו בָּ֥א דָ֝וִ֗ד אֶל־בֵּ֥ית אֲחִימֶֽלֶךְ׃
Proverbes 18.21 Psaumes 57.4 Proverbes 12.18 Psaumes 59.7 Actes 24.1
³ (52.1) מַה־תִּתְהַלֵּ֣ל בְּ֭רָעָה הַגִּבֹּ֑ור חֶ֥סֶד אֵ֝֗ל כָּל־הַיֹּֽום׃
Jérémie 9.8 Jérémie 9.3-9.5 Michée 3.2 Jérémie 4.22 Jean 8.44
⁴ (52.2) הַ֭וֹּות תַּחְשֹׁ֣ב לְשֹׁונֶ֑ךָ כְּתַ֥עַר מְ֝לֻטָּ֗שׁ עֹשֵׂ֥ה רְמִיָּֽה׃
Psaumes 120.3 Jacques 3.6-3.9 1 Samuel 22.18-22.19
⁵ (52.3) אָהַ֣בְתָּ רָּ֣ע מִטֹּ֑וב שֶׁ֓קֶר׀ מִדַּבֵּ֖ר צֶ֣דֶק סֶֽלָה׃
Psaumes 27.13 Proverbes 2.22 Job 18.14 Psaumes 7.14-7.16 Psaumes 37.35-37.36
⁶ (52.4) אָהַ֥בְתָּ כָֽל־דִּבְרֵי־בָ֗לַע לְשֹׁ֣ון מִרְמָֽה׃
Psaumes 40.3 Psaumes 37.34 Job 22.19 Psaumes 97.8 Esaïe 37.22
⁷ (52.5) גַּם־אֵל֮ יִתָּצְךָ֪ לָ֫נֶ֥צַח יַחְתְּךָ֣ וְיִסָּחֲךָ֣ מֵאֹ֑הֶל וְשֵֽׁרֶשְׁךָ֙ מֵאֶ֖רֶץ חַיִּ֣ים סֶֽלָה׃
Jean 19.5 Ecclésiaste 8.8 Psaumes 62.9-62.10 Jérémie 17.5 Psaumes 73.7-73.11
⁸ (52.6) וְיִרְא֖וּ צַדִּיקִ֥ים וְיִירָ֗אוּ וְעָלָ֥יו יִשְׂחָֽקוּ׃
Jérémie 11.16 Psaumes 92.12-92.14 Psaumes 13.5 Psaumes 1.3 Psaumes 128.3
⁹ (52.7) הִנֵּ֤ה הַגֶּ֗בֶר לֹ֤א יָשִׂ֥ים אֱלֹהִ֗ים מָֽע֫וּזֹּ֥ו וַ֭יִּבְטַח בְּרֹ֣ב עָשְׁרֹ֑ו יָ֝עֹ֗ז בְּהַוָּתֹֽו׃
Psaumes 54.6 Psaumes 48.9-48.10 Psaumes 62.5 Psaumes 40.1 Psaumes 73.28
¹⁰ (52.8) וַאֲנִ֤י׀ כְּזַ֣יִת רַ֭עֲנָן בְּבֵ֣ית אֱלֹהִ֑ים בָּטַ֥חְתִּי בְחֶֽסֶד־אֱ֝לֹהִ֗ים עֹולָ֥ם וָעֶֽד׃
¹¹ (52.9) אֹודְךָ֣ לְ֭עֹולָם כִּ֣י עָשִׂ֑יתָ וַאֲקַוֶּ֖ה שִׁמְךָ֥ כִֽי־טֹ֝֗וב נֶ֣גֶד חֲסִידֶֽיךָ׃