Psaumes 146.3
Biblia Hebraica Stuttgartensia

¹ הַֽלְלוּ־יָ֡הּ הַלְלִ֥י נַ֝פְשִׁ֗י אֶת־יְהוָֽה׃Psaumes 103.1 Psaumes 104.35 Psaumes 103.22-104.1 Psaumes 105.45
² אֲהַלְלָ֣ה יְהוָ֣ה בְּחַיָּ֑י אֲזַמְּרָ֖ה לֵֽאלֹהַ֣י בְּעֹודִֽי׃Psaumes 104.33 Psaumes 63.4 Psaumes 71.14-71.15 Psaumes 145.1-145.2 Apocalypse 7.9-7.17
³ אַל־תִּבְטְח֥וּ בִנְדִיבִ֑ים בְּבֶן־אָדָ֓ם׀ שֶׁ֤אֵֽין לֹ֥ו תְשׁוּעָֽה׃Psaumes 118.8-118.9 Esaïe 2.22 Psaumes 108.12 Esaïe 37.6 Jérémie 17.5-17.6
⁴ תֵּצֵ֣א ר֭וּחֹו יָשֻׁ֣ב לְאַדְמָתֹ֑ו בַּיֹּ֥ום הַ֝ה֗וּא אָבְד֥וּ עֶשְׁתֹּנֹתָֽיו׃Ecclésiaste 12.7 Psaumes 104.29 Genèse 2.7 1 Corinthiens 2.6 Genèse 3.19
⁵ אַשְׁרֵ֗י שֶׁ֤אֵ֣ל יַעֲקֹ֣ב בְּעֶזְרֹ֑ו שִׂ֝בְרֹ֗ו עַל־יְהוָ֥ה אֱלֹהָֽיו׃Jérémie 17.7-17.8 Psaumes 71.5 Psaumes 144.15 Psaumes 33.12 Exode 3.6
⁶ עֹשֶׂ֤ה׀ שָׁ֘מַ֤יִם וָאָ֗רֶץ אֶת־הַיָּ֥ם וְאֶת־כָּל־אֲשֶׁר־בָּ֑ם הַשֹּׁמֵ֖ר אֱמֶ֣ת לְעֹולָֽם׃Apocalypse 14.7 Psaumes 117.2 Psaumes 89.2 Tite 1.2 Colossiens 1.16
⁷ עֹשֶׂ֤ה מִשְׁפָּ֨ט׀ לָעֲשׁוּקִ֗ים נֹתֵ֣ן לֶ֭חֶם לָרְעֵבִ֑ים יְ֝הוָ֗ה מַתִּ֥יר אֲסוּרִֽים׃Psaumes 103.6 Psaumes 68.6 Esaïe 61.1 Psaumes 72.4 Esaïe 9.4
⁸ יְהוָ֤ה׀ פֹּ֘קֵ֤חַ עִוְרִ֗ים יְ֭הוָה זֹקֵ֣ף כְּפוּפִ֑ים יְ֝הוָ֗ה אֹהֵ֥ב צַדִּיקִֽים׃Matthieu 9.30 Psaumes 145.14 Psaumes 11.7 Psaumes 147.6 Actes 26.18
⁹ יְהוָ֤ה׀ שֹׁ֘מֵ֤ר אֶת־גֵּרִ֗ים יָתֹ֣ום וְאַלְמָנָ֣ה יְעֹודֵ֑ד וְדֶ֖רֶךְ רְשָׁעִ֣ים יְעַוֵּֽת׃Psaumes 68.5 Jérémie 49.11 Psaumes 147.6 Deutéronome 10.18-10.19 Psaumes 83.13-83.17
¹⁰ יִמְלֹ֤ךְ יְהוָ֨ה׀ לְעֹולָ֗ם אֱלֹהַ֣יִךְ צִ֭יֹּון לְדֹ֥ר וָדֹ֗ר הַֽלְלוּ־יָֽהּ׃Psaumes 10.16 Exode 15.18 Esaïe 9.7 Daniel 6.26 Psaumes 147.12