Esaïe 57.5
Septante

¹ ἴδετε ὡς ὁ δίκαιος ἀπώλετο καὶ οὐδεὶς ἐκδέχεται τῇ καρδίᾳ καὶ ἄνδρες δίκαιοι αἴρονται καὶ οὐδεὶς κατανοεῖ ἀπὸ γὰρ προσώπου ἀδικίας ἦρται ὁ δίκαιος.
2 Rois 22.20 Psaumes 12.1 Esaïe 42.25 2 Chroniques 34.28 Esaïe 47.7
² ἔσται ἐν εἰρήνῃ ἡ ταφὴ αὐτοῦ ἦρται ἐκ τοῦ μέσου.
Luc 16.22 2 Chroniques 16.14 Ezéchiel 32.25 Apocalypse 14.13 Luc 2.29
³ ὑμεῖς δὲ προσαγάγετε ὧδε υἱοὶ ἄνομοι σπέρμα μοιχῶν καὶ πόρνης.
Matthieu 16.4 Osée 1.2 Joël 3.9-3.11 Jacques 4.4 1 Jean 3.10
⁴ ἐν τίνι ἐνετρυφήσατε καὶ ἐπὶ τίνα ἠνοίξατε τὸ στόμα ὑμῶν καὶ ἐπὶ τίνα ἐχαλάσατε τὴν γλῶσσαν ὑμῶν οὐχ ὑμεῖς ἐστε τέκνα ἀπωλείας σπέρμα ἄνομον.
Psaumes 35.21 Esaïe 1.4 Job 16.9-16.10 Ephésiens 5.6 Exode 16.7-16.8
⁵ οἱ παρακαλοῦντες ἐπὶ τὰ εἴδωλα ὑπὸ δένδρα δασέα σφάζοντες τὰ τέκνα αὐτῶν ἐν ταῖς φάραγξιν ἀνὰ μέσον τῶν πετρῶν.
Ezéchiel 16.20 2 Rois 16.3-16.4 Esaïe 1.29 Lévitique 18.21 Jérémie 2.20
⁶ ἐκείνη σου ἡ μερίς οὗτός σου ὁ κλῆρος κἀκείνοις ἐξέχεας σπονδὰς κἀκείνοις ἀνήνεγκας θυσίας ἐπὶ τούτοις οὖν οὐκ ὀργισθήσομαι.
Jérémie 3.9 Jérémie 7.18 Habakuk 2.19 Jérémie 44.17-44.25 Jérémie 5.29
⁷ ἐπ’ ὄρος ὑψηλὸν καὶ μετέωρον ἐκεῖ σου ἡ κοίτη κἀκεῖ ἀνεβίβασας θυσίας.
Ezéchiel 16.16 Ezéchiel 23.41 Ezéchiel 23.17 Jérémie 3.6 Ezéchiel 16.25
⁸ καὶ ὀπίσω τῶν σταθμῶν τῆς θύρας σου ἔθηκας μνημόσυνά σου ᾤου ὅτι ἐὰν ἀπ’ ἐμοῦ ἀποστῇς πλεῖόν τι ἕξεις ἠγάπησας τοὺς κοιμωμένους μετὰ σοῦ.
Ezéchiel 23.2-23.20 Ezéchiel 8.8-8.12 Ezéchiel 16.32 Ezéchiel 16.25-16.28 Ezéchiel 23.41
⁹ καὶ ἐπλήθυνας τὴν πορνείαν σου μετ’ αὐτῶν καὶ πολλοὺς ἐποίησας τοὺς μακρὰν ἀπὸ σοῦ καὶ ἀπέστειλας πρέσβεις ὑπὲρ τὰ ὅριά σου καὶ ἀπέστρεψας καὶ ἐταπεινώθης ἕως ᾅδου.
Ezéchiel 23.16 Ezéchiel 16.33 Osée 7.11 Esaïe 30.1-30.6 Osée 12.1
¹⁰ ταῖς πολυοδίαις σου ἐκοπίασας καὶ οὐκ εἶπας παύσομαι ἐνισχύουσα ὅτι ἔπραξας ταῦτα διὰ τοῦτο οὐ κατεδεήθης μου.
Jérémie 2.25 Jérémie 18.12 Ezéchiel 24.12 Jérémie 9.5 Habakuk 2.13
¹¹ σύ τίνα εὐλαβηθεῖσα ἐφοβήθης καὶ ἐψεύσω με καὶ οὐκ ἐμνήσθης μου οὐδὲ ἔλαβές με εἰς τὴν διάνοιαν οὐδὲ εἰς τὴν καρδίαν σου κἀγώ σε ἰδὼν παρορῶ καὶ ἐμὲ οὐκ ἐφοβήθης.
Psaumes 50.21 Proverbes 29.25 Jérémie 2.32 Esaïe 51.12-51.13 Jérémie 3.21
¹² κἀγὼ ἀπαγγελῶ τὴν δικαιοσύνην μου καὶ τὰ κακά σου ἃ οὐκ ὠφελήσουσίν σε.
Esaïe 1.11-1.15 Michée 3.2-3.4 Matthieu 23.13 Esaïe 29.15 Esaïe 59.6-59.8
¹³ ὅταν ἀναβοήσῃς ἐξελέσθωσάν σε ἐν τῇ θλίψει σου τούτους γὰρ πάντας ἄνεμος λήμψεται καὶ ἀποίσει καταιγίς οἱ δὲ ἀντεχόμενοί μου κτήσονται γῆν καὶ κληρονομήσουσιν τὸ ὄρος τὸ ἅγιόν μου.
Psaumes 37.9 Esaïe 56.7 Esaïe 11.9 Psaumes 37.3 Esaïe 65.25

Promesses de paix et de guérison

¹⁴ καὶ ἐροῦσιν καθαρίσατε ἀπὸ προσώπου αὐτοῦ ὁδοὺς καὶ ἄρατε σκῶλα ἀπὸ τῆς ὁδοῦ τοῦ λαοῦ μου.
Esaïe 62.10 Esaïe 40.3 Luc 3.5-3.6 1 Corinthiens 8.13 Romains 14.13
¹⁵ τάδε λέγει κύριος ὁ ὕψιστος ὁ ἐν ὑψηλοῖς κατοικῶν τὸν αἰῶνα ἅγιος ἐν ἁγίοις ὄνομα αὐτῷ κύριος ὕψιστος ἐν ἁγίοις ἀναπαυόμενος καὶ ὀλιγοψύχοις διδοὺς μακροθυμίαν καὶ διδοὺς ζωὴν τοῖς συντετριμμένοις τὴν καρδίαν.
Psaumes 34.18 Psaumes 138.6 Exode 15.11 Esaïe 66.1-66.2 Daniel 4.34
¹⁶ οὐκ εἰς τὸν αἰῶνα ἐκδικήσω ὑμᾶς οὐδὲ διὰ παντὸς ὀργισθήσομαι ὑμῖν πνεῦμα γὰρ παρ’ ἐμοῦ ἐξελεύσεται καὶ πνοὴν πᾶσαν ἐγὼ ἐποίησα.
Michée 7.18 Psaumes 85.5 Psaumes 78.38-78.39 Psaumes 103.9-103.16 Jérémie 10.24
¹⁷ δι’ ἁμαρτίαν βραχύ τι ἐλύπησα αὐτὸν καὶ ἐπάταξα αὐτὸν καὶ ἀπέστρεψα τὸ πρόσωπόν μου ἀπ’ αὐτοῦ καὶ ἐλυπήθη καὶ ἐπορεύθη στυγνὸς ἐν ταῖς ὁδοῖς αὐτοῦ.
Esaïe 56.11 Jérémie 6.13 Colossiens 3.5 Luc 15.14-15.16 1 Timothée 6.9
¹⁸ τὰς ὁδοὺς αὐτοῦ ἑώρακα καὶ ἰασάμην αὐτὸν καὶ παρεκάλεσα αὐτὸν καὶ ἔδωκα αὐτῷ παράκλησιν ἀληθινήν.
Osée 14.4-14.8 Apocalypse 7.17 Jérémie 31.3 Jérémie 3.22 Jérémie 33.6
¹⁹ εἰρήνην ἐπ’ εἰρήνην τοῖς μακρὰν καὶ τοῖς ἐγγὺς οὖσιν καὶ εἶπεν κύριος ἰάσομαι αὐτούς.
Hébreux 13.15 Actes 2.39 Actes 10.36 Ephésiens 6.19 Colossiens 4.3-4.4
²⁰ οἱ δὲ ἄδικοι οὕτως κλυδωνισθήσονται καὶ ἀναπαύσασθαι οὐ δυνήσονται.
Job 18.5-18.14 Esaïe 3.11 Proverbes 4.16-4.17 Jude 1.12 Job 20.11-20.29
²¹ οὐκ ἔστιν χαίρειν τοῖς ἀσεβέσιν εἶπεν κύριος ὁ θεός.
Esaïe 48.22 Romains 3.16-3.17 Esaïe 3.11 Esaïe 59.8 2 Rois 9.22