Juges 11
Vulgate

1 fuit illo tempore Iepthae Galaadites vir fortissimus atque pugnator filius meretricis mulieris qui natus est de Galaad
Hébreux 11.32 Juges 6.12 2 Rois 5.1
2 habuit autem Galaad uxorem de qua suscepit filios qui postquam creverant eiecerunt Iepthae dicentes heres in domo patris nostri esse non poteris quia de altera matre generatus es
Proverbes 5.20 Proverbes 5.3 Proverbes 6.24-6.26 Genèse 12.10 Deutéronome 23.2
3 quos ille fugiens atque devitans habitavit in terra Tob congregatique sunt ad eum viri inopes et latrocinantes et quasi principem sequebantur
Juges 9.4 2 Samuel 10.8 2 Samuel 10.6 1 Samuel 22.2 Actes 17.5
4 in illis diebus pugnabant filii Ammon contra Israhel
Juges 10.9
5 quibus acriter instantibus perrexerunt maiores natu de Galaad ut tollerent in auxilium sui Iepthae de terra Tob
1 Corinthiens 1.27-1.29 1 Samuel 10.27 Actes 7.35-7.39 Psaumes 118.22-118.23 Juges 10.9
6 dixeruntque ad eum veni et esto princeps noster et pugna contra filios Ammon
7 quibus ille respondit nonne vos estis qui odistis me et eiecistis de domo patris mei et nunc venistis ad me necessitate conpulsi
Genèse 26.27 Proverbes 17.17 Apocalypse 3.9 Esaïe 60.14 Genèse 45.4-45.5
8 dixeruntque principes Galaad ad Iepthae ob hanc igitur causam nunc ad te venimus ut proficiscaris nobiscum et pugnes contra filios Ammon sisque dux omnium qui habitant in Galaad
Juges 10.18 Exode 9.28 1 Rois 13.6 Exode 10.17 Exode 8.8
9 Iepthae quoque dixit eis si vere venistis ad me ut pugnem pro vobis contra filios Ammon tradideritque eos Dominus in manus meas ego ero princeps vester
Nombres 32.20-32.29
10 qui responderunt ei Dominus qui haec audit ipse mediator ac testis est quod nostra promissa faciamus
Jérémie 42.5 Genèse 31.50 Jérémie 29.23 Genèse 16.5 Deutéronome 1.16
11 abiit itaque Iepthae cum principibus Galaad fecitque eum omnis populus principem sui locutusque est Iepthae omnes sermones suos coram Domino in Maspha
Juges 20.1 Juges 10.17 1 Samuel 10.17 1 Samuel 11.15 Jacques 1.17
12 et misit nuntios ad regem filiorum Ammon qui ex persona sua dicerent quid mihi et tibi est quia venisti contra me ut vastares terram meam
Deutéronome 2.26 Nombres 20.14 Deutéronome 20.10-20.11 Proverbes 25.8-25.9 Matthieu 18.15-18.16
13 quibus ille respondit quia tulit Israhel terram meam quando ascendit de Aegypto a finibus Arnon usque Iaboc atque Iordanem nunc igitur cum pace redde mihi eam
Genèse 32.22 Nombres 21.24-21.26 Proverbes 19.9 Deutéronome 2.37 Proverbes 19.5
14 per quos rursum mandavit Iepthae et imperavit eis ut dicerent regi Ammon
Hébreux 12.14 1 Pierre 3.11 Psaumes 120.7 Romains 12.18
15 haec dicit Iepthae non tulit Israhel terram Moab nec terram filiorum Ammon
Deutéronome 2.19 Deutéronome 2.9 2 Chroniques 20.10 Actes 24.12-24.13 Nombres 21.13-21.15
16 sed quando de Aegypto conscenderunt ambulavit per solitudinem usque ad mare Rubrum et venit in Cades
Nombres 14.25 Deutéronome 1.40 Nombres 20.1 Nombres 13.26 Deutéronome 1.46
17 misitque nuntios ad regem Edom dicens dimitte ut transeam per terram tuam qui noluit adquiescere precibus eius misit quoque et ad regem Moab qui et ipse transitum praebere contempsit mansit itaque in Cades
Nombres 20.1 Nombres 20.14-20.21 Deutéronome 2.4-2.9 Josué 24.9 Deutéronome 2.29
18 et circuivit ex latere terram Edom et terram Moab venitque contra orientalem plagam terrae Moab et castrametatus est trans Arnon nec voluit intrare terminos Moab Arnon quippe confinium est terrae Moab
Nombres 22.36 Deutéronome 2.1-2.8 Nombres 20.22 Nombres 21.4-21.13 Nombres 33.37-33.44
19 misit itaque Israhel nuntios ad Seon regem Amorreorum qui habitabat in Esebon et dixerunt ei dimitte ut transeam per terram tuam usque ad fluvium
Nombres 21.21-21.35 Deutéronome 3.1-3.17 Deutéronome 2.26-2.36 Josué 13.8-13.12
20 qui et ipse Israhel verba despiciens non dimisit eum transire per terminos suos sed infinita multitudine congregata egressus est contra eum in Iassa et fortiter resistebat
Néhémie 9.22 Deutéronome 2.32-2.34 Psaumes 136.17-136.21 Nombres 21.23-21.25 Psaumes 135.10-135.12
21 tradiditque eum Dominus in manu Israhel cum omni exercitu suo qui percussit eum et possedit omnem terram Amorrei habitatoris regionis illius
22 et universos fines eius de Arnon usque Iaboc et de solitudine usque ad Iordanem
Deutéronome 2.36
23 Dominus ergo Deus Israhel subvertit Amorreum pugnante contra illum populo suo Israhel et tu nunc vis possidere terram eius
24 nonne ea quae possedit Chamos deus tuus tibi iure debentur quae autem Dominus Deus noster victor obtinuit in nostram cedent possessionem
1 Rois 11.7 Nombres 21.29 Josué 3.10 Deutéronome 18.12 Jérémie 48.46
25 nisi forte melior es Balac filio Sepphor rege Moab aut docere potes quod iurgatus sit contra Israhel et pugnaverit contra eum
Michée 6.5 Nombres 22.2-22.21 Deutéronome 23.3-23.4 Josué 24.9-24.10
26 quando habitavit in Esebon et viculis eius et in Aroer et villis illius vel in cunctis civitatibus iuxta Iordanem per trecentos annos quare tanto tempore nihil super hac repetitione temptastis
Deutéronome 2.36 Nombres 21.25-21.30 Juges 10.8 Deutéronome 3.2 Josué 11.18
27 igitur non ego pecco in te sed tu contra me male agis indicens mihi bella non iusta iudicet Dominus arbiter huius diei inter Israhel et inter filios Ammon
Genèse 18.25 1 Samuel 24.12 Genèse 31.53 1 Samuel 24.15 Genèse 16.5
28 noluitque adquiescere rex filiorum Ammon verbis Iepthae quae per nuntios mandaverat
2 Rois 14.11 Proverbes 16.18
29 factus est ergo super Iepthae spiritus Domini et circumiens Galaad et Manasse Maspha quoque Galaad et inde transiens ad filios Ammon
Juges 3.10 Juges 6.34 Nombres 11.25 1 Samuel 10.10 Juges 13.25
30 votum vovit Domino dicens si tradideris filios Ammon in manus meas
Genèse 28.20 1 Samuel 1.11 Nombres 30.2-30.16 Ecclésiaste 5.4-5.5 Ecclésiaste 5.1-5.2
31 quicumque primus fuerit egressus de foribus domus meae mihique occurrerit revertenti cum pace a filiis Ammon eum holocaustum offeram Domino
1 Samuel 1.28 1 Samuel 14.24 Lévitique 27.28-27.29 Psaumes 66.13-66.14 1 Samuel 2.18
32 transivitque Iepthae ad filios Ammon ut pugnaret contra eos quos tradidit Dominus in manus eius
Juges 2.18 Juges 1.4 Juges 3.10
33 percussitque ab Aroer usque dum venias in Mennith viginti civitates et usque ad Abel quae est vineis consita plaga magna nimis humiliatique sunt filii Ammon a filiis Israhel
Ezéchiel 27.17 Deutéronome 2.36
34 revertenti autem Iepthae in Maspha domum suam occurrit unigenita filia cum tympanis et choris non enim habebat alios liberos
Jérémie 31.4 Exode 15.20 Juges 11.11 Juges 10.17 Psaumes 68.25
35 qua visa scidit vestimenta sua et ait heu filia mi decepisti me et ipsa decepta es aperui enim os meum ad Dominum et aliud facere non potero
Nombres 30.2-30.5 Psaumes 15.4 2 Samuel 18.33 Genèse 42.36-42.38 Matthieu 14.7-14.9
36 cui illa respondit pater mi si aperuisti os tuum ad Dominum fac mihi quodcumque pollicitus es concessa tibi ultione atque victoria de hostibus tuis
2 Samuel 18.19 Juges 16.28-16.30 2 Samuel 18.31 Actes 20.24 Philippiens 2.30
37 dixitque ad patrem hoc solum mihi praesta quod deprecor dimitte me ut duobus mensibus circumeam montes et plangam virginitatem meam cum sodalibus meis
Luc 1.25 1 Samuel 1.6
38 cui ille respondit vade et dimisit eam duobus mensibus cumque abisset cum sociis ac sodalibus suis flebat virginitatem suam in montibus
39 expletisque duobus mensibus reversa est ad patrem suum et fecit ei sicut voverat quae ignorabat virum exinde mos increbuit in Israhel et consuetudo servata est
Juges 11.31 1 Samuel 1.24 Deutéronome 12.31 1 Samuel 1.11 Esaïe 66.3
40 ut post anni circulum conveniant in unum filiae Israhel et plangant filiam Iepthae Galaaditae diebus quattuor
1 Rois 9.25 Juges 5.11