1 Corinthiens 5.1
Vulgate

Désordres sexuels et moraux dans l’Église

¹ omnino auditur inter vos fornicatio et talis fornicatio qualis nec inter gentes ita ut uxorem patris aliquis habeat
Apocalypse 21.8 Deutéronome 22.30 Lévitique 18.8 1 Thessaloniciens 4.7 1 Corinthiens 6.13
² et vos inflati estis et non magis luctum habuistis ut tollatur de medio vestrum qui hoc opus fecit
1 Corinthiens 5.13 2 Corinthiens 7.7-7.11 Nombres 25.6 1 Corinthiens 4.6-4.8 Esdras 10.1-10.6
³ ego quidem absens corpore praesens autem spiritu iam iudicavi ut praesens eum qui sic operatus est
Colossiens 2.5 1 Thessaloniciens 2.17 2 Corinthiens 10.11 2 Corinthiens 10.1 2 Corinthiens 13.2
⁴ in nomine Domini nostri Iesu Christi congregatis vobis et meo spiritu cum virtute Domini Iesu
Jean 20.23 2 Corinthiens 13.10 2 Corinthiens 13.3 Matthieu 16.19 2 Thessaloniciens 3.6
⁵ tradere huiusmodi Satanae in interitum carnis ut spiritus salvus sit in die Domini Iesu
1 Timothée 1.20 1 Corinthiens 11.32 Job 2.6 1 Corinthiens 1.8 Galates 6.1-6.2
⁶ non bona gloriatio vestra nescitis quia modicum fermentum totam massam corrumpit
Galates 5.9 Jacques 4.16 1 Corinthiens 5.2 1 Corinthiens 15.33 Matthieu 16.6-16.12
⁷ expurgate vetus fermentum ut sitis nova consparsio sicut estis azymi etenim pascha nostrum immolatus est Christus
Jean 19.14 Actes 8.32-8.35 Exode 12.5-12.6 Exode 12.15 Marc 14.12
⁸ itaque epulemur non in fermento veteri neque in fermento malitiae et nequitiae sed in azymis sinceritatis et veritatis
Deutéronome 16.3 Exode 12.15 Matthieu 16.6 Marc 8.15 Luc 12.1
⁹ scripsi vobis in epistula ne commisceamini fornicariis
Ephésiens 5.11 2 Thessaloniciens 3.14 2 Thessaloniciens 3.6 2 Corinthiens 6.14 Psaumes 1.1-1.2
¹⁰ non utique fornicariis huius mundi aut avaris aut rapacibus aut idolis servientibus alioquin debueratis de hoc mundo exisse
1 Corinthiens 10.27 2 Corinthiens 4.4 Jean 8.23 Jean 15.19 Apocalypse 12.9
¹¹ nunc autem scripsi vobis non commisceri si is qui frater nominatur est fornicator aut avarus aut idolis serviens aut maledicus aut ebriosus aut rapax cum eiusmodi nec cibum sumere
2 Thessaloniciens 3.6 2 Thessaloniciens 3.14 Romains 16.17 Matthieu 18.17 2 Jean 1.10
¹² quid enim mihi de his qui foris sunt iudicare nonne de his qui intus sunt vos iudicatis
Marc 4.11 Colossiens 4.5 1 Corinthiens 6.1-6.5 1 Corinthiens 5.3-5.5 1 Thessaloniciens 4.12
¹³ nam eos qui foris sunt Deus iudicabit auferte malum ex vobis ipsis
Deutéronome 13.5 Deutéronome 17.7 Deutéronome 21.21 Deutéronome 17.12 Deutéronome 22.21-22.22