Zacharie 11.12
Vulgate

¹ aperi Libane portas tuas et comedat ignis cedros tuas
Jérémie 22.6-22.7 Luc 21.23-21.24 Jérémie 22.23 Zacharie 10.10 Zacharie 14.1-14.2
² ulula abies quia cecidit cedrus quoniam magnifici vastati sunt ululate quercus Basan quoniam succisus est saltus munitus
Amos 6.1 Ezéchiel 31.17 Luc 23.31 Esaïe 2.12-2.17 Ezéchiel 20.46
³ vox ululatus pastorum quia vastata est magnificentia eorum vox rugitus leonum quoniam vastata est superbia Iordanis
Jérémie 50.44 Jérémie 25.34-25.36 Jérémie 49.19 Jérémie 2.30 Esaïe 65.15
⁴ haec dicit Dominus Deus meus pasce pecora occisionis
Zacharie 11.7 Ephésiens 1.3 Ezéchiel 34.23-34.24 Esaïe 40.9-40.11 Matthieu 15.24
⁵ quae qui possederant occidebant et non dolebant et vendebant ea dicentes benedictus Dominus divites facti sumus et pastores eorum non parcebant eis
Jérémie 50.7 Osée 12.8 Genèse 37.26-37.28 Apocalypse 18.13 Ezéchiel 34.21
⁶ et ego non parcam ultra super habitantes terram dicit Dominus ecce ego tradam homines unumquemque in manu proximi sui et in manu regis sui et concident terram et non eruam de manu eorum
Jérémie 13.14 Michée 5.8 Esaïe 9.19-9.21 Matthieu 22.7 Hébreux 10.26-10.31
⁷ et pascam pecus occisionis propter hoc o pauperes gregis et adsumpsi mihi duas virgas unam vocavi Decorem et alteram vocavi Funiculos et pavi gregem
Zacharie 11.4 Zacharie 11.14 Sophonie 3.12 Esaïe 61.1 Ezéchiel 37.16-37.23
⁸ et succidi tres pastores in mense uno et contracta est anima mea in eis siquidem anima eorum variavit in me
Esaïe 49.7 Osée 5.7 Jean 7.7 Matthieu 23.34-23.36 Lévitique 26.44
⁹ et dixi non pascam vos quod moritur moriatur et quod succiditur succidatur et reliqui vorent unusquisque carnem proximi sui
Jérémie 43.11 Apocalypse 22.11 Matthieu 15.14 Deutéronome 28.53-28.56 Actes 28.26-28.28
¹⁰ et tuli virgam meam quae vocabatur Decus et abscidi eam ut irritum facerem foedus meum quod percussi cum omnibus populis
Zacharie 11.7 Jérémie 14.21 Psaumes 89.39 Nombres 14.34 Daniel 9.26
¹¹ et in irritum deductum est in die illa et cognoverunt sic pauperes gregis qui custodiunt mihi quia verbum Domini est
Sophonie 3.12 Psaumes 69.33 Michée 7.7 Zacharie 11.6-11.7 Lévitique 26.38-26.46
¹² et dixi ad eos si bonum est in oculis vestris adferte mercedem meam et si non quiescite et adpenderunt mercedem meam triginta argenteos
Matthieu 26.15 Exode 21.32 Genèse 37.28 Marc 14.10-14.11 Luc 22.3-22.6
¹³ et dixit Dominus ad me proice illud ad statuarium decorum pretium quod adpretiatus sum ab eis et tuli triginta argenteos et proieci illos in domo Domini ad statuarium
Actes 1.18-1.19 Matthieu 27.3-27.10 Actes 4.11 Esaïe 54.7-54.10 Matthieu 27.12
¹⁴ et praecidi virgam meam secundam quae appellabatur Funiculus ut dissolverem germanitatem inter Iudam et inter Israhel
Esaïe 9.21 Actes 23.7-23.10 Zacharie 11.7 Jacques 3.14 Galates 5.15
¹⁵ et dixit Dominus ad me adhuc sume tibi vasa pastoris stulti
Esaïe 6.10-6.12 Matthieu 15.14 Lamentations 2.14 Matthieu 23.17 Ezéchiel 13.3
¹⁶ quia ecce ego suscitabo pastorem in terra qui derelicta non visitabit dispersum non quaeret et contritum non sanabit et id quod stat non enutriet et carnes pinguium comedet et ungulas eorum dissolvet
Ezéchiel 34.2-34.6 Jérémie 23.2 Genèse 33.13 Ezéchiel 34.16 Genèse 31.38
¹⁷ o pastor et idolum derelinquens gregem gladius super brachium eius et super oculum dextrum eius brachium eius ariditate siccabitur et oculus dexter eius tenebrescens obscurabitur
Jérémie 23.1 Ezéchiel 34.2 Jérémie 50.35-50.37 Esaïe 42.19-42.20 Jérémie 23.32