Amos 9
Vulgate

Vision du Seigneur sur l’autel

1 vidi Dominum stantem super altare et dixit percute cardinem et commoveantur superliminaria avaritia enim in capite omnium et novissimum eorum in gladio interficiam non erit fuga eis fugiet et non salvabitur ex eis qui fugerit
Psaumes 68.21 Amos 3.14 Habakuk 3.13 Esaïe 6.1 Jean 1.18
2 si descenderint usque ad infernum inde manus mea educet eos et si ascenderint usque ad caelum inde detraham eos
Jérémie 51.53 Abdias 1.4 Psaumes 139.7-139.10 Esaïe 14.13-14.16 Jérémie 49.16
3 et si absconditi fuerint in vertice Carmeli inde scrutans auferam eos et si celaverint se ab oculis meis in fundo maris ibi mandabo serpenti et mordebit eos
Jérémie 16.16 Job 34.22 Esaïe 27.1 Jérémie 23.23-23.24 Amos 1.2
4 et si abierint in captivitatem coram inimicis suis ibi mandabo gladio et occidet eos et ponam oculos meos super eos in malum et non in bonum
Jérémie 21.10 Jérémie 44.11 Lévitique 26.33 Ezéchiel 5.12 Lévitique 17.10
5 et Dominus Deus exercituum qui tangit terram et tabescet et lugebunt omnes habitantes in ea et ascendet sicut rivus omnis et defluet sicut fluvius Aegypti
Amos 8.8 Psaumes 46.6 Psaumes 144.5 Esaïe 64.1 Osée 4.3
6 qui aedificat in caelo ascensionem suam et fasciculum suum super terram fundavit qui vocat aquas maris et effundit eas super faciem terrae Dominus nomen eius
Amos 5.8 Psaumes 104.3 Amos 4.13 Psaumes 104.13 Genèse 7.11-7.19
7 numquid non ut filii Aethiopum vos estis mihi filii Israhel ait Dominus numquid non Israhel ascendere feci de terra Aegypti et Palestinos de Cappadocia et Syros de Cyrene
Jérémie 47.4 Amos 1.5 2 Rois 16.9 Deutéronome 2.23 Amos 2.10
8 ecce oculi Domini Dei super regnum peccans et conteram illud a facie terrae verumtamen conterens non conteram domum Iacob dicit Dominus
Jérémie 30.11 Jérémie 44.27 Jérémie 5.10 Amos 9.4 Joël 2.32
9 ecce enim ego mandabo et concutiam in omnibus gentibus domum Israhel sicut concutitur in cribro et non cadet lapillus super terram
Esaïe 30.28 Deutéronome 28.64 Luc 22.31 Lévitique 26.33
10 in gladio morientur omnes peccatores populi mei qui dicunt non adpropinquabit et non veniet super nos malum
Amos 6.3 Esaïe 33.14 Amos 6.1 Matthieu 13.41-13.42 Matthieu 13.49-13.50
11 in die illo suscitabo tabernaculum David quod cecidit et reaedificabo aperturas murorum eius et ea quae corruerant instaurabo et reaedificabo eum sicut diebus antiquis
Actes 15.15-15.17 Psaumes 80.12 Jérémie 46.26 Job 1.10 Esaïe 63.11
12 ut possideant reliquias Idumeae et omnes nationes eo quod invocatum sit nomen meum super eos dicit Dominus faciens haec
Esaïe 43.7 Esaïe 11.14 Daniel 9.18-9.19 Jérémie 15.16 Joël 3.8
13 ecce dies veniunt dicit Dominus et conprehendet arator messorem et calcator uvae mittentem semen et stillabunt montes dulcedinem et omnes colles culti erunt
Lévitique 26.5 Joël 3.18 Jean 4.35 Juges 5.5 Ezéchiel 36.35
14 et convertam captivitatem populi mei Israhel et aedificabunt civitates desertas et habitabunt et plantabunt vineas et bibent vinum earum et facient hortos et comedent fructus eorum
Jérémie 30.18 Esaïe 61.4 Jérémie 30.3 Esaïe 65.21 Psaumes 53.6
15 et plantabo eos super humum suam et non evellam eos ultra de terra sua quam dedi eis dicit Dominus Deus tuus
Jérémie 24.6 Ezéchiel 34.28 Ezéchiel 37.25 Esaïe 60.21 Joël 3.20