Jérémie 33.14
Vulgate

Promesses de restauration

¹ et factum est verbum Domini ad Hieremiam secundo cum adhuc clausus esset in atrio carceris dicens
Jérémie 38.28 Jérémie 37.21 Jérémie 32.8 Jérémie 32.2-32.3 2 Timothée 2.9
² haec dicit Dominus qui facturus est Dominus et formaturus illud et paraturus Dominus nomen eius
Exode 15.3 Exode 6.3 Esaïe 37.26 Amos 9.6 Apocalypse 21.10
³ clama ad me et exaudiam te et adnuntiabo tibi grandia et firma quae nescis
Jérémie 29.12 Esaïe 48.6 Deutéronome 4.29 Esaïe 65.24 Ephésiens 3.20
⁴ quia haec dicit Dominus Deus Israhel ad domos urbis huius et ad domos regis Iuda quae destructae sunt et ad munitiones et gladium
Jérémie 32.24 Habakuk 1.10 Ezéchiel 4.2 Ezéchiel 21.22 Ezéchiel 26.8
⁵ venientium ut dimicent cum Chaldeis et impleant eas cadaveribus hominum quas percussi in furore meo et in indignatione mea abscondens faciem meam a civitate hac propter omnem malitiam eorum
Esaïe 8.17 Jérémie 21.4-21.7 Jérémie 32.5 Jérémie 21.10 Jérémie 37.9-37.10
⁶ ecce ego obducam ei cicatricem et sanitatem et curabo eos et revelabo illis deprecationem pacis et veritatis
Esaïe 30.26 Jean 10.10 Tite 3.5-3.6 Esaïe 26.2-26.4 Galates 5.22-5.23
⁷ et convertam conversionem Iuda et conversionem Hierusalem et aedificabo eos sicut a principio
Jérémie 30.3 Esaïe 1.26 Amos 9.14-9.15 Jérémie 31.4 Jérémie 32.44
⁸ et emundabo illos ab omni iniquitate sua in qua peccaverunt mihi et propitius ero cunctis iniquitatibus eorum in quibus deliquerunt mihi et spreverunt me
Zacharie 13.1 Jérémie 31.34 Psaumes 51.2 Ezéchiel 36.25 Psaumes 85.2-85.3
⁹ et erit mihi in nomen et in gaudium et in laudem et in exultationem cunctis gentibus terrae quae audierint omnia bona quae ego facturus sum eis et pavebunt et turbabuntur in universis bonis et in omni pace quam ego faciam ei
Jérémie 13.11 Esaïe 60.5 Esaïe 62.7 Osée 3.5 Sophonie 3.17-3.20
¹⁰ haec dicit Dominus adhuc audietur in loco isto quem vos dicitis esse desertum eo quod non sit homo et iumentum in civitatibus Iuda et foris Hierusalem quae desolatae sunt absque homine et absque habitatore et absque pecore
Jérémie 32.43 Ezéchiel 37.11 Jérémie 32.36
¹¹ vox gaudii et vox laetitiae vox sponsi et vox sponsae vox dicentium confitemini Domino exercituum quoniam bonus Dominus quoniam in aeternum misericordia eius et portantium vota in domum Domini reducam enim conversionem terrae sicut a principio dicit Dominus
1 Chroniques 16.34 Psaumes 107.22 Psaumes 106.1 Psaumes 107.1 2 Chroniques 5.13
¹² haec dicit Dominus exercituum adhuc erit in loco isto deserto absque homine et absque iumento et in cunctis civitatibus eius habitaculum pastorum accubantium gregum
Esaïe 65.10 Jérémie 36.29 Sophonie 2.6-2.7 Ezéchiel 34.12-34.15 Jérémie 51.62
¹³ in civitatibus montuosis et in civitatibus campestribus et in civitatibus quae ad austrum sunt et in terra Beniamin et in circuitu Hierusalem et in civitatibus Iuda adhuc transibunt greges ad manum numerantis ait Dominus
Lévitique 27.32 Jérémie 17.26 Luc 15.4 Jean 10.3-10.4

Des alliances irrévocables

¹⁴ ecce dies veniunt dicit Dominus et suscitabo verbum bonum quod locutus sum ad domum Israhel et ad domum Iuda
Jérémie 29.10 Aggée 2.6-2.9 Jérémie 23.5 Esaïe 32.1-32.2 Ezéchiel 34.23-34.25
¹⁵ in diebus illis et in tempore illo germinare faciam David germen iustitiae et faciet iudicium et iustitiam in terra
Esaïe 4.2 Esaïe 11.1-11.5 Jérémie 23.5-23.6 Psaumes 72.1-72.5 Zacharie 6.12-6.13
¹⁶ in diebus illis salvabitur Iuda et Hierusalem habitabit confidenter et hoc est quod vocabit eam Dominus iustus noster
Jérémie 23.6 Esaïe 45.17 1 Corinthiens 1.30 Esaïe 45.22 Esaïe 45.24-45.25
¹⁷ quia haec dicit Dominus non interibit de David vir qui sedeat super thronum domus Israhel
1 Rois 2.4 Psaumes 89.29-89.37 1 Rois 8.25 1 Chroniques 17.11-17.14 Esaïe 9.7
¹⁸ et de sacerdotibus et Levitis non interibit vir a facie mea qui offerat holocaustomata et incendat sacrificium et caedat victimas cunctis diebus
Apocalypse 1.6 Romains 15.16 Ezéchiel 43.19-43.27 Romains 1.21 1 Pierre 2.9
¹⁹ et factum est verbum Domini ad Hieremiam dicens
²⁰ haec dicit Dominus si irritum fieri potest pactum meum cum die et pactum meum cum nocte ut non sit dies et nox in tempore suo
Psaumes 89.37 Genèse 8.22 Psaumes 104.19-104.23 Jérémie 33.25-33.26 Esaïe 54.9-54.10
²¹ et pactum meum irritum esse poterit cum David servo meo ut non sit ex eo filius qui regnet in throno eius et Levitae et sacerdotes ministri mei
Psaumes 89.34 2 Chroniques 7.18 2 Samuel 23.5 2 Chroniques 21.7 Jérémie 33.18
²² sicuti numerari non possunt stellae caeli et metiri harena maris sic multiplicabo semen David servi mei et Levitas ministros meos
Genèse 15.5 Genèse 22.17 Esaïe 66.21 Jérémie 31.37 Ezéchiel 37.24-37.27
²³ et factum est verbum Domini ad Hieremiam dicens
²⁴ numquid non vidisti quid populus hic locutus sit dicens duae cognationes quas elegerat Dominus abiectae sunt et populum meum despexerunt eo quod non sit ultra gens coram eis
Néhémie 4.2-4.4 Psaumes 44.13-44.14 Psaumes 83.4 Romains 11.1-11.6 Ezéchiel 35.10-35.15
²⁵ haec dicit Dominus si pactum meum inter diem et noctem et leges caelo et terrae non posui
Psaumes 74.16-74.17 Jérémie 31.35-31.36 Jérémie 33.20 Genèse 8.22 Psaumes 104.19
²⁶ equidem et semen Iacob et David servi mei proiciam ut non adsumam de semine eius principes seminis Abraham et Isaac et Iacob reducam enim conversionem eorum et miserebor eis
Jérémie 31.37 Esaïe 14.1 Osée 2.23 Osée 1.7 Jérémie 31.20