Esaïe 47
Vulgate

Jugement de Babylone

1 descende sede in pulverem virgo filia Babylon sede in terra non est solium filiae Chaldeorum quia ultra non vocaberis mollis et tenera
Psaumes 137.8 Zacharie 2.7 Jérémie 51.33 Jérémie 46.11 Esaïe 3.26
2 tolle molam et mole farinam denuda turpitudinem tuam discoperi umerum revela crus transi flumina
Matthieu 24.41 Juges 16.21 Exode 11.5 Esaïe 20.4 Job 31.10
3 revelabitur ignominia tua et videbitur obprobrium tuum ultionem capiam et non resistet mihi homo
Nahum 3.5 Ezéchiel 16.37 Jérémie 51.34-51.36 Jérémie 51.20-51.24 Hébreux 10.30-10.31
4 redemptor noster Dominus exercituum nomen illius Sanctus Israhel
Esaïe 41.14 Esaïe 43.14 Esaïe 54.5 Esaïe 49.26 Jérémie 31.11
5 sede tace et intra in tenebras filia Chaldeorum quia non vocaberis ultra domina regnorum
Esaïe 47.7 Esaïe 47.1 Jérémie 8.14 Apocalypse 18.7 Daniel 2.37-2.38
6 iratus sum super populum meum contaminavi hereditatem meam et dedi eos in manu tua non posuisti eis misericordias super senem adgravasti iugum tuum valde
Zacharie 1.15 2 Chroniques 28.9 Deutéronome 28.50 Abdias 1.16 Abdias 1.10
7 et dixisti in sempiternum ero domina non posuisti haec super cor tuum neque recordata es novissimi tui
Deutéronome 32.29 Esaïe 47.5 Jérémie 5.31 Ezéchiel 28.2 Ezéchiel 7.3-7.9
8 et nunc audi haec delicata et habitans confidenter quae dicis in corde tuo ego sum et non est praeter me amplius non sedebo vidua et ignorabo sterilitatem
Sophonie 2.15 Esaïe 32.9 Esaïe 45.6 Jérémie 50.11 Esaïe 47.10
9 venient tibi duo haec subito in die una sterilitas et viduitas universa venerunt super te propter multitudinem maleficiorum tuorum et propter duritiam incantatorum tuorum vehementem
Nahum 3.4 1 Thessaloniciens 5.3 Psaumes 73.19 Apocalypse 18.8-18.10 Esaïe 47.12-47.13
10 et fiduciam habuisti in malitia tua et dixisti non est qui videat me sapientia tua et scientia tua haec decepit te et dixisti in corde tuo ego sum et praeter me non est altera
Psaumes 52.7 Esaïe 5.21 Esaïe 29.15 Ezéchiel 8.12 Ezéchiel 9.9
11 veniet super te malum et nescies ortum eius et inruet super te calamitas quam non poteris expiare veniet super te repente miseria quam nescies
1 Thessaloniciens 5.3 Psaumes 50.22 Luc 12.59 Esaïe 37.36 Néhémie 4.11
12 sta cum incantatoribus tuis et cum multitudine maleficiorum tuorum in quibus laborasti ab adulescentia tua si forte quid prosit tibi aut si possis fieri fortior
Exode 8.18-8.19 Jérémie 2.28 Esaïe 47.9-47.10 Nahum 3.4 Daniel 5.7-5.9
13 defecisti in multitudine consiliorum tuorum stent et salvent te augures caeli qui contemplabantur sidera et supputabant menses ut ex eis adnuntiarent ventura tibi
Esaïe 44.25 Esaïe 57.10 Jérémie 51.58 Daniel 5.7-5.8 Daniel 2.2-2.10
14 ecce facti sunt quasi stipula ignis conbusit eos non liberabunt animam suam de manu flammae non sunt prunae quibus calefiant nec focus ut sedeant ad eum
Malachie 4.1 Nahum 1.10 Esaïe 41.2 Matthieu 10.28 Esaïe 10.17
15 sic facta sunt tibi in quibuscumque laboraveras negotiatores tui ab adulescentia tua unusquisque in via sua erraverunt non est qui salvet te
Jérémie 51.6-51.9 Ezéchiel 27.12-27.25 Apocalypse 18.11-18.19 Esaïe 56.11