Psaumes 147.2
Vulgate

La puissance de Dieu en faveur d’Israël

¹ alleluia lauda Hierusalem Dominum lauda Deum tuum Sion
² quoniam confortavit seras portarum tuarum benedixit filiis tuis in te
³ qui posuit fines tuos pacem et adipe frumenti satiat te
⁴ qui emittit eloquium suum terrae velociter currit sermo eius
⁵ qui dat nivem sicut lanam nebulam sicut cinerem spargit
⁶ mittit cristallum suum sicut buccellas ante faciem frigoris eius quis sustinebit
⁷ emittet verbum suum et liquefaciet ea flabit spiritus eius et fluent aquae
⁸ qui adnuntiat verbum suum Iacob iustitias et iudicia sua Israhel
⁹ non fecit taliter omni nationi et iudicia sua non manifestavit eis