Job 29.21
Vulgate

¹ addidit quoque Iob adsumens parabolam suam et dixit
Job 27.1 Nombres 23.7 Job 13.12
² quis mihi tribuat ut sim iuxta menses pristinos secundum dies quibus Deus custodiebat me
Psaumes 37.28 Job 1.1-1.5 Job 1.10 Jérémie 31.28 Jude 1.1
³ quando splendebat lucerna eius super caput meum et ad lumen eius ambulabam in tenebris
Psaumes 18.28 Job 18.6 Ephésiens 5.8 Jean 8.12 Jean 12.46
⁴ sicut fui in diebus adulescentiae meae quando secreto Deus erat in tabernaculo meo
Psaumes 25.14 Proverbes 3.32 Job 15.8 Job 1.10 Psaumes 27.5
⁵ quando erat Omnipotens mecum et in circuitu meo pueri mei
Psaumes 128.3 Psaumes 127.3-127.5 Deutéronome 33.27-33.29 Cantique 2.4 Psaumes 30.7
⁶ quando lavabam pedes meos butyro et petra fundebat mihi rivos olei
Psaumes 81.16 Job 20.17 Deutéronome 33.24 Deutéronome 32.13-32.14 Genèse 49.11
⁷ quando procedebam ad portam civitatis et in platea parabant cathedram mihi
Deutéronome 16.18 Zacharie 8.16 Ruth 4.1-4.2 Deutéronome 21.19 Job 31.21
⁸ videbant me iuvenes et abscondebantur et senes adsurgentes stabant
Lévitique 19.32 Proverbes 16.31 Tite 3.1 Romains 13.7 1 Pierre 5.5
⁹ principes cessabant loqui et digitum superponebant ori suo
Job 21.5 Proverbes 10.19 Jacques 1.19 Proverbes 30.32 Job 40.4
¹⁰ vocem suam cohibebant duces et lingua eorum gutturi suo adherebat
Psaumes 137.6 Ezéchiel 3.26
¹¹ auris audiens beatificabat me et oculus videns testimonium reddebat mihi
Luc 4.22 Job 31.20 Proverbes 29.2 Luc 11.27
¹² quod liberassem pauperem vociferantem et pupillum cui non esset adiutor
Psaumes 72.12 Proverbes 21.13 Deutéronome 10.18 Exode 22.22-22.24 Psaumes 68.5
¹³ benedictio perituri super me veniebat et cor viduae consolatus sum
Philémon 1.7 2 Timothée 1.16-1.18 Job 31.19-31.20 Job 22.9 Esaïe 27.13
¹⁴ iustitia indutus sum et vestivit me sicut vestimento et diademate iudicio meo
Esaïe 59.17 Psaumes 132.9 Esaïe 61.10 Ephésiens 6.14 Job 27.6
¹⁵ oculus fui caeco et pes claudo
Nombres 10.31 Matthieu 11.5 1 Corinthiens 12.12-12.31
¹⁶ pater eram pauperum et causam quam nesciebam diligentissime investigabam
Proverbes 29.7 Esther 2.7 Job 31.18 Psaumes 68.5 Proverbes 25.2
¹⁷ conterebam molas iniqui et de dentibus illius auferebam praedam
Psaumes 3.7 Proverbes 30.14 Psaumes 124.6 Psaumes 58.8 1 Samuel 17.35
¹⁸ dicebamque in nidulo meo moriar et sicut palma multiplicabo dies
Psaumes 91.16 Job 5.26 Job 42.16-42.17 Psaumes 30.6-30.7 Genèse 32.12
¹⁹ radix mea aperta est secus aquas et ros morabitur in messione mea
Psaumes 1.3 Jérémie 17.8 Job 18.16 Osée 14.5-14.7
²⁰ gloria mea semper innovabitur et arcus meus in manu mea instaurabitur
Genèse 49.24 Esaïe 40.31 Psaumes 18.34 2 Corinthiens 4.16 Psaumes 103.5
²¹ qui me audiebant expectabant sententiam et intenti tacebant ad consilium meum
Job 29.9-29.10 Job 32.11-32.12
²² verbis meis addere nihil audebant et super illos stillabat eloquium meum
Deutéronome 32.2 Cantique 4.11 Esaïe 52.15 Matthieu 22.46 Ezéchiel 20.46
²³ expectabant me sicut pluviam et os suum aperiebant quasi ad imbrem serotinum
Zacharie 10.1 Psaumes 72.6 Osée 6.3
²⁴ si quando ridebam ad eos non credebant et lux vultus mei non cadebat in terram
Psaumes 126.1 Psaumes 89.15 Psaumes 4.6 Genèse 45.26 Luc 24.41
²⁵ si voluissem ire ad eos sedebam primus cumque sederem quasi rex circumstante exercitu eram tamen maerentium consolator
1 Thessaloniciens 3.2-3.3 Esaïe 61.1-61.3 Juges 11.8 2 Corinthiens 1.3-1.4 Genèse 41.40