2 Chroniques 5.7
Vulgate

Transport de l’arche

¹ intulit igitur Salomon omnia quae voverat David pater suus argentum et aurum et universa vasa posuit in thesauris domus Dei
1 Rois 7.51 1 Chroniques 26.26-26.28 2 Samuel 8.11 1 Chroniques 22.14
² post quae congregavit maiores natu Israhel et cunctos principes tribuum et capita familiarum de filiis Israhel in Hierusalem ut adducerent arcam foederis Domini de civitate David quae est Sion
2 Samuel 6.12 2 Chroniques 1.4 1 Rois 8.1-8.11 2 Chroniques 5.1 1 Chroniques 24.6
³ venerunt igitur ad regem omnes viri Israhel in die sollemni mensis septimi
1 Rois 8.2 2 Chroniques 7.8-7.10 Lévitique 23.34-23.36
⁴ cumque venissent cuncti seniorum Israhel portaverunt Levitae arcam
Josué 3.6 1 Rois 8.3 2 Chroniques 5.7 1 Chroniques 15.2 Nombres 4.15
⁵ et intulerunt eam et omnem paraturam tabernaculi porro vasa sanctuarii quae erant in tabernaculo portaverunt sacerdotes cum Levitis
2 Chroniques 1.3 1 Rois 8.4 1 Rois 8.6
⁶ rex autem Salomon et universus coetus Israhel et omnes qui fuerant congregati ante arcam immolabant arietes et boves absque ullo numero tanta enim erat multitudo victimarum
1 Chroniques 29.21 1 Chroniques 16.1-16.2 2 Samuel 6.13 1 Rois 8.5
⁷ et intulerunt sacerdotes arcam foederis Domini in locum suum id est ad oraculum templi in sancta sanctorum subter alas cherubin
1 Rois 8.6-8.7 Hébreux 9.4-9.5 Exode 37.6-37.9 1 Rois 6.23-6.28 Psaumes 132.8
⁸ ita ut cherubin expanderent alas suas super locum in quo posita erat arca et ipsam arcam tegerent cum vectibus eius
Exode 25.12-25.15 Nombres 4.6 Exode 37.3-37.5
⁹ vectium autem quibus portabatur arca quia paululum longiores erant capita parebant ante oraculum si vero quis paululum fuisset extrinsecus eos videre non poterat fuit itaque arca ibi usque in praesentem diem
1 Rois 8.8-8.9
¹⁰ nihilque erat aliud in arca nisi duae tabulae quas posuerat Moses in Horeb quando legem dedit Dominus filiis Israhel egredientibus ex Aegypto
Hébreux 9.4 Deutéronome 10.2-10.5 2 Chroniques 6.11 Exode 19.5 Exode 31.18
¹¹ egressis autem sacerdotibus de sanctuario omnes enim sacerdotes qui ibi potuerant inveniri sanctificati sunt nec adhuc illo tempore vices et ministeriorum ordo inter eos divisus erat
1 Chroniques 24.1-24.31 2 Chroniques 30.17-30.20 Job 1.5 Exode 19.10 2 Chroniques 29.15
¹² tam Levitae quam cantores id est et qui sub Asaph erant et qui sub Heman et qui sub Idithun filii et fratres eorum vestiti byssinis cymbalis et psalteriis et citharis concrepabant stantes ad orientalem plagam altaris cumque eis sacerdotes centum viginti canentes tubis
1 Chroniques 15.24 Psaumes 68.25 2 Chroniques 29.25 1 Chroniques 23.5 1 Chroniques 6.39
¹³ igitur cunctis pariter et tubis et voce et cymbalis et organis et diversi generis musicorum concinentibus et vocem in sublime tollentibus longe sonitus audiebatur ita ut cum Dominum laudare coepissent et dicere confitemini Domino quoniam bonus quoniam in aeternum misericordia eius impleretur domus Domini nube
2 Chroniques 7.3 Jérémie 33.11 Esdras 3.11 2 Chroniques 20.21 Psaumes 68.25-68.26
¹⁴ nec possent sacerdotes stare et ministrare propter caliginem conpleverat enim gloria Domini domum Dei
Exode 40.35 2 Chroniques 7.2 Apocalypse 15.8 Ezéchiel 10.4 1 Rois 8.11