2 Chroniques 18.1
Vulgate

Expédition contre les Syriens

¹ fuit ergo Iosaphat dives et inclitus multum et adfinitate coniunctus est Ahab
2 Chroniques 17.5 2 Chroniques 21.6 2 Rois 8.18 2 Chroniques 19.2 2 Chroniques 17.12
² descenditque post annos ad eum in Samariam ad cuius adventum mactavit Ahab arietes et boves plurimos et populo qui venerat cum eo persuasitque illi ut ascenderet in Ramoth Galaad
1 Rois 4.13 1 Rois 1.9 Josué 20.8 1 Rois 22.2-22.35 Esaïe 22.12-22.13
³ dixitque Ahab rex Israhel ad Iosaphat regem Iuda veni mecum in Ramoth Galaad cui ille respondit ut ego et tu sicut populus tuus sic et populus meus tecumque erimus in bello
Ephésiens 5.11 1 Rois 22.4 2 Rois 3.7 2 Jean 1.10-1.11 Psaumes 139.21
⁴ dixitque Iosaphat ad regem Israhel consule obsecro inpraesentiarum sermonem Domini
Ezéchiel 20.3 Jérémie 21.2 2 Samuel 5.23 1 Samuel 23.4 1 Rois 22.5-22.6
⁵ congregavitque rex Israhel prophetarum quadringentos viros et dixit ad eos in Ramoth Galaad ad bellandum ire debemus an quiescere at illi ascende inquiunt et tradet Deus in manu regis
Apocalypse 19.20 2 Chroniques 18.20-18.21 Jérémie 28.1-28.17 Jérémie 42.2-42.3 2 Timothée 4.3
⁶ dixitque Iosaphat numquid non est hic prophetes Domini ut ab illo etiam requiramus
2 Rois 3.11-3.13 1 Rois 22.7-22.9
⁷ et ait rex Israhel ad Iosaphat est vir unus a quo possumus quaerere Domini voluntatem sed ego odi eum quia non prophetat mihi bonum sed malum omni tempore est autem Micheas filius Iembla dixitque Iosaphat ne loquaris rex hoc modo
Luc 6.22 1 Rois 21.20 Psaumes 34.21 2 Rois 9.22 Marc 6.27
⁸ vocavit ergo rex Israhel unum de eunuchis et dixit ei voca cito Micheam filium Iembla
Daniel 1.3 Esaïe 39.7 1 Rois 22.9 Daniel 1.7-1.8 1 Chroniques 28.1
⁹ porro rex Israhel et Iosaphat rex Iuda uterque sedebant in solio suo vestiti cultu regio sedebant autem in area iuxta portam Samariae omnesque prophetae vaticinabantur coram eis
1 Rois 22.10-22.12 Ruth 4.1 2 Chroniques 18.29 Ezéchiel 26.16 Jérémie 27.14-27.16
¹⁰ Sedecias vero filius Chanana fecit sibi cornua ferrea et ait haec dicit Dominus his ventilabis Syriam donec conteras eam
Jérémie 29.21 2 Timothée 3.8 Jérémie 23.17 Jérémie 23.31 Jérémie 23.21
¹¹ omnesque prophetae similiter prophetabant atque dicebant ascende in Ramoth Galaad et prosperaberis et tradet eos Dominus in manu regis
Proverbes 24.24-24.25 Michée 3.5 2 Chroniques 18.33-18.34 Jude 1.16 2 Chroniques 18.5
¹² nuntius autem qui ierat ad vocandum Micheam ait illi en verba omnium prophetarum uno ore bona regi adnuntiant quaeso ergo te ut et sermo tuus ab eis non dissentiat loquarisque prospera
Osée 7.3 Michée 2.11 1 Corinthiens 2.14-2.16 Amos 7.13 Job 22.13
¹³ cui respondit Micheas vivit Dominus quia quodcumque dixerit Deus meus hoc loquar
Nombres 22.35 Nombres 22.18-22.20 Nombres 24.13 1 Rois 22.14 1 Thessaloniciens 2.4
¹⁴ venit ergo ad regem cui rex ait Michea ire debemus in Ramoth Galaad ad bellandum an quiescere cui ille respondit ascendite cuncta enim prospera evenient et tradentur hostes in manus vestras
Amos 4.4-4.5 1 Rois 18.27 Matthieu 26.45 Lamentations 4.21 1 Rois 22.15
¹⁵ dixitque rex iterum atque iterum te adiuro ut non mihi loquaris nisi quod verum est in nomine Domini
1 Rois 22.16 1 Samuel 14.24 Actes 19.13 Matthieu 26.63 Marc 5.7
¹⁶ at ille ait vidi universum Israhel dispersum in montibus sicut oves absque pastore et dixit Dominus non habent isti dominos revertatur unusquisque ad domum suam in pace
Matthieu 9.36 Ezéchiel 34.5-34.6 Nombres 27.17 Marc 6.34 Ezéchiel 34.8
¹⁷ et ait rex Israhel ad Iosaphat nonne dixi tibi quod non prophetaret iste mihi quicquam boni sed ea quae mala sunt
2 Chroniques 18.7 1 Rois 22.18 Proverbes 29.1 Jérémie 43.2-43.3
¹⁸ at ille idcirco ait audite verbum Domini vidi Dominum sedentem in solio suo et omnem exercitum caeli adsistentem ei a dextris et sinistris
Daniel 7.9 Esaïe 6.1-6.5 Genèse 32.2 Jérémie 2.4 Jérémie 34.4
¹⁹ et dixit Dominus quis decipiet Ahab regem Israhel ut ascendat et corruat in Ramoth Galaad cumque diceret unus hoc modo et alter alio
Job 12.16 Proverbes 11.5 Jacques 1.13-1.14 2 Chroniques 25.19 1 Rois 22.20
²⁰ processit spiritus et stetit coram Domino et ait ego decipiam eum cui Dominus in quo inquit decipies
Job 1.6 2 Corinthiens 11.13-11.15 Job 2.1 2 Corinthiens 11.3
²¹ at ille respondit egrediar et ero spiritus mendax in ore omnium prophetarum eius dixitque Dominus decipies et praevalebis egredere et fac ita
Jean 8.44 Juges 9.23 1 Rois 22.21-22.22 Genèse 3.4-3.5 Psaumes 109.17
²² nunc igitur ecce dedit Dominus spiritum mendacii in ore omnium prophetarum tuorum et Dominus locutus est de te mala
Ezéchiel 14.9 Esaïe 19.14 Job 12.16 2 Chroniques 18.17 Ezéchiel 14.3-14.5
²³ accessit autem Sedecias filius Chanana et percussit Micheae maxillam et ait per quam viam transivit spiritus Domini a me ut loqueretur tibi
Marc 14.65 Jérémie 20.2 Actes 23.2-23.3 Jean 9.40-9.41 Jean 18.22-18.23
²⁴ dixitque Micheas tu ipse videbis in die illo quando ingressus fueris cubiculum de cubiculo ut abscondaris
Esaïe 26.20 Jérémie 28.16-28.17 Esaïe 26.11 1 Rois 20.30 Jérémie 29.32
²⁵ praecepit autem rex Israhel dicens tollite Micheam et ducite eum ad Amon principem civitatis et ad Ioas filium Ammelech
2 Chroniques 18.8 Actes 24.25-24.27 Jérémie 37.15-37.21 Jérémie 38.6-38.7 2 Chroniques 34.8
²⁶ et dicetis haec dicit rex mittite hunc in carcerem et date ei panis modicum et aquae pauxillum donec revertar in pace
2 Chroniques 16.10 Esaïe 30.20 Actes 5.18 Apocalypse 11.10 Jérémie 20.2-20.3
²⁷ dixitque Micheas si reversus fueris in pace non est locutus Dominus in me et ait audite populi omnes
Nombres 16.29 Matthieu 13.9 Actes 13.10-13.11 Michée 1.2 Marc 7.14
²⁸ igitur ascenderunt rex Israhel et Iosaphat rex Iuda in Ramoth Galaad
1 Rois 22.29-22.33
²⁹ dixitque rex Israhel ad Iosaphat mutabo habitum et sic ad pugnandum vadam tu autem induere vestibus tuis mutatoque rex Israhel habitu venit ad bellum
1 Samuel 28.8 Psaumes 12.2 Jérémie 23.24 2 Chroniques 35.22-35.23 1 Rois 20.38
³⁰ rex autem Syriae praeceperat ducibus equitatus sui dicens ne pugnetis contra minimum aut contra maximum nisi contra solum regem Israhel
2 Chroniques 15.13 Deutéronome 1.17 1 Rois 20.33-20.34 Genèse 19.11 1 Rois 20.42
³¹ itaque cum vidissent principes equitatus Iosaphat dixerunt rex Israhel iste est et circumdederunt eum dimicantes at ille clamavit ad Dominum et auxiliatus est ei atque avertit eos ab illo
2 Chroniques 13.14 Esdras 1.1 Psaumes 94.17 Psaumes 46.11 Néhémie 1.11
³² cum enim vidissent duces equitatus quod non esset rex Israhel reliquerunt eum
1 Rois 22.33
³³ accidit autem ut unus e populo sagittam in incertum iaceret et percuteret regem Israhel inter cervicem et scapulas at ille aurigae suo ait converte manum tuam et educ me de acie quia vulneratus sum
2 Chroniques 35.23 1 Rois 22.34-22.35 2 Samuel 15.11
³⁴ et finita est pugna in die illo porro rex Israhel stabat in curru suo contra Syros usque ad vesperam et mortuus est occidente sole
2 Chroniques 18.27 2 Chroniques 18.19 2 Chroniques 18.16 Proverbes 13.21 Nombres 32.23