1 Τρίτον τοῦτο ἔρχομαι πρὸς ὑμᾶς· ἐπὶ στόματος δύο μαρτύρων καὶ τριῶν σταθήσεται πᾶν ῥῆμα.
Deutéronome 19.15 2 Corinthiens 12.14 Matthieu 18.16 Nombres 35.30 Deutéronome 17.6
2 προείρηκα καὶ προλέγω ὡς παρὼν τὸ δεύτερον καὶ ἀπὼν ⸀νῦν, τοῖς προημαρτηκόσιν καὶ τοῖς λοιποῖς πᾶσιν, ὅτι ἐὰν ἔλθω εἰς τὸ πάλιν οὐ φείσομαι,
2 Corinthiens 1.23 2 Corinthiens 13.10 2 Corinthiens 12.20-12.21 1 Corinthiens 5.5 2 Corinthiens 10.8-10.11
3 ἐπεὶ δοκιμὴν ζητεῖτε τοῦ ἐν ἐμοὶ λαλοῦντος Χριστοῦ· ὃς εἰς ὑμᾶς οὐκ ἀσθενεῖ ἀλλὰ δυνατεῖ ἐν ὑμῖν,
Matthieu 10.20 2 Corinthiens 12.12 2 Corinthiens 10.4 2 Corinthiens 3.1-3.3 Luc 21.15
4 καὶ ⸀γὰρ ἐσταυρώθη ἐξ ἀσθενείας, ἀλλὰ ζῇ ἐκ δυνάμεως θεοῦ. καὶ γὰρ ἡμεῖς ἀσθενοῦμεν ἐν αὐτῷ, ἀλλὰ ⸀ζήσομεν σὺν αὐτῷ ἐκ δυνάμεως θεοῦ εἰς ὑμᾶς.
1 Pierre 3.18 Romains 6.4 Romains 1.4 1 Corinthiens 2.3 Romains 14.9
5 Ἑαυτοὺς πειράζετε εἰ ἐστὲ ἐν τῇ πίστει, ἑαυτοὺς δοκιμάζετε· ἢ οὐκ ἐπιγινώσκετε ἑαυτοὺς ὅτι ⸂Ἰησοῦς Χριστὸς⸃ ἐν ⸀ὑμῖν; εἰ μήτι ἀδόκιμοί ἐστε.
1 Corinthiens 11.28 Lamentations 3.40 1 Corinthiens 9.27 Hébreux 12.15 Galates 6.4
6 ἐλπίζω δὲ ὅτι γνώσεσθε ὅτι ἡμεῖς οὐκ ἐσμὲν ἀδόκιμοι.2 Corinthiens 13.3-13.4 2 Corinthiens 13.10 2 Corinthiens 12.20
7 ⸀εὐχόμεθα δὲ πρὸς τὸν θεὸν μὴ ποιῆσαι ὑμᾶς κακὸν μηδέν, οὐχ ἵνα ἡμεῖς δόκιμοι φανῶμεν, ἀλλ’ ἵνα ὑμεῖς τὸ καλὸν ποιῆτε, ἡμεῖς δὲ ὡς ἀδόκιμοι ὦμεν.
Philippiens 1.9-1.11 1 Thessaloniciens 5.23 Philippiens 4.8 1 Timothée 2.2 Jacques 1.12
8 οὐ γὰρ δυνάμεθά τι κατὰ τῆς ἀληθείας, ἀλλὰ ὑπὲρ τῆς ἀληθείας.
Proverbes 21.30 2 Corinthiens 10.8 2 Rois 2.23-2.25 Hébreux 2.3-2.4 1 Corinthiens 5.4-5.5
9 χαίρομεν γὰρ ὅταν ἡμεῖς ἀσθενῶμεν, ὑμεῖς δὲ δυνατοὶ ἦτε· ⸀τοῦτο καὶ εὐχόμεθα, τὴν ὑμῶν κατάρτισιν.
2 Corinthiens 13.11 1 Thessaloniciens 3.10 1 Corinthiens 4.10 Colossiens 4.12 1 Pierre 5.10
10 διὰ τοῦτο ταῦτα ἀπὼν γράφω, ἵνα παρὼν μὴ ἀποτόμως χρήσωμαι κατὰ τὴν ἐξουσίαν ἣν ⸂ὁ κύριος ἔδωκέν μοι⸃, εἰς οἰκοδομὴν καὶ οὐκ εἰς καθαίρεσιν.
2 Corinthiens 10.8 2 Corinthiens 2.3 Tite 1.13 2 Corinthiens 10.2 1 Corinthiens 4.21
11 Λοιπόν, ἀδελφοί, χαίρετε, καταρτίζεσθε, παρακαλεῖσθε, τὸ αὐτὸ φρονεῖτε, εἰρηνεύετε, καὶ ὁ θεὸς τῆς ἀγάπης καὶ εἰρήνης ἔσται μεθ’ ὑμῶν.
Romains 15.33 Marc 9.50 Romains 12.16 Romains 12.18 1 Corinthiens 1.10
12 ἀσπάσασθε ἀλλήλους ἐν ἁγίῳ φιλήματι. ἀσπάζονται ὑμᾶς οἱ ἅγιοι πάντες.
Romains 16.16 1 Pierre 5.14 1 Corinthiens 16.20 1 Thessaloniciens 5.26
13 ἡ χάρις τοῦ κυρίου Ἰησοῦ Χριστοῦ καὶ ἡ ἀγάπη τοῦ θεοῦ καὶ ἡ κοινωνία τοῦ ἁγίου πνεύματος μετὰ πάντων ⸀ὑμῶν.
Romains 16.16 Philippiens 4.21-4.22 1 Pierre 5.13 2 Jean 1.13 Romains 16.21-16.23