Désordres sexuels et moraux dans l’Église
1 Ὅλως ἀκούεται ἐν ὑμῖν πορνεία, καὶ τοιαύτη πορνεία ἥτις οὐδὲ ἐν τοῖς ⸀ἔθνεσιν, ὥστε γυναῖκά τινα τοῦ πατρὸς ἔχειν.
Lévitique 18.8 Apocalypse 21.8 Deutéronome 22.30 Apocalypse 2.21 Galates 5.19
2 καὶ ὑμεῖς πεφυσιωμένοι ἐστέ, καὶ οὐχὶ μᾶλλον ἐπενθήσατε, ἵνα ⸀ἀρθῇ ἐκ μέσου ὑμῶν ὁ τὸ ἔργον τοῦτο ⸀ποιήσας;
1 Corinthiens 5.13 2 Corinthiens 7.7-7.11 Esdras 9.2-9.6 Jérémie 13.17 1 Corinthiens 5.5-5.7
3 Ἐγὼ μὲν γάρ, ⸀ἀπὼν τῷ σώματι παρὼν δὲ τῷ πνεύματι, ἤδη κέκρικα ὡς παρὼν τὸν οὕτως τοῦτο κατεργασάμενον
Colossiens 2.5 1 Thessaloniciens 2.17 2 Corinthiens 13.2 2 Corinthiens 10.11 2 Corinthiens 10.1
4 ἐν τῷ ὀνόματι τοῦ κυρίου ἡμῶν ⸀Ἰησοῦ, συναχθέντων ὑμῶν καὶ τοῦ ἐμοῦ πνεύματος σὺν τῇ δυνάμει τοῦ κυρίου ἡμῶν ⸁Ἰησοῦ,
Jean 20.23 2 Corinthiens 13.10 2 Corinthiens 13.3 Matthieu 16.19 2 Thessaloniciens 3.6
5 παραδοῦναι τὸν τοιοῦτον τῷ Σατανᾷ εἰς ὄλεθρον τῆς σαρκός, ἵνα τὸ πνεῦμα σωθῇ ἐν τῇ ἡμέρᾳ τοῦ ⸀κυρίου.1 Timothée 1.20 1 Corinthiens 11.32 2 Thessaloniciens 3.14-3.15 Job 2.6 1 Corinthiens 1.8
6 Οὐ καλὸν τὸ καύχημα ὑμῶν. οὐκ οἴδατε ὅτι μικρὰ ζύμη ὅλον τὸ φύραμα ζυμοῖ;
Galates 5.9 Jacques 4.16 1 Corinthiens 5.2 1 Corinthiens 15.33 1 Corinthiens 3.21
7 ἐκκαθάρατε τὴν παλαιὰν ζύμην, ἵνα ἦτε νέον φύραμα, καθώς ἐστε ἄζυμοι. καὶ γὰρ τὸ πάσχα ⸀ἡμῶν ἐτύθη Χριστός·
1 Corinthiens 10.17 Jean 19.14 Actes 8.32-8.35 Exode 12.5-12.6 Exode 12.15
8 ὥστε ἑορτάζωμεν, μὴ ἐν ζύμῃ παλαιᾷ μηδὲ ἐν ζύμῃ κακίας καὶ πονηρίας, ἀλλ’ ἐν ἀζύμοις εἰλικρινείας καὶ ἀληθείας.
Deutéronome 16.3 Exode 12.15 Matthieu 16.6 Marc 8.15 Luc 12.1
9 Ἔγραψα ὑμῖν ἐν τῇ ἐπιστολῇ μὴ συναναμίγνυσθαι πόρνοις,
Ephésiens 5.11 2 Thessaloniciens 3.14 2 Thessaloniciens 3.6 2 Corinthiens 6.14 Proverbes 9.6
10 ⸀οὐ πάντως τοῖς πόρνοις τοῦ κόσμου τούτου ἢ τοῖς πλεονέκταις ⸀καὶ ἅρπαξιν ἢ εἰδωλολάτραις, ἐπεὶ ⸀ὠφείλετε ἄρα ἐκ τοῦ κόσμου ἐξελθεῖν.
1 Corinthiens 10.27 1 Jean 4.5 Jean 17.15-17.16 Matthieu 5.14-5.16 2 Corinthiens 4.4
11 νῦν δὲ ἔγραψα ὑμῖν μὴ συναναμίγνυσθαι ἐάν τις ἀδελφὸς ὀνομαζόμενος ᾖ πόρνος ἢ πλεονέκτης ἢ εἰδωλολάτρης ἢ λοίδορος ἢ μέθυσος ἢ ἅρπαξ, τῷ τοιούτῳ μηδὲ συνεσθίειν.
2 Thessaloniciens 3.6 2 Thessaloniciens 3.14 Romains 16.17 Matthieu 18.17 2 Jean 1.10
12 τί γάρ ⸀μοι τοὺς ἔξω κρίνειν; οὐχὶ τοὺς ἔσω ὑμεῖς κρίνετε,
Marc 4.11 Colossiens 4.5 Luc 12.14 1 Corinthiens 6.1-6.5 1 Corinthiens 5.3-5.5
13 τοὺς δὲ ἔξω ὁ θεὸς ⸀κρίνει; ⸀ἐξάρατε τὸν πονηρὸν ἐξ ὑμῶν αὐτῶν.
Deutéronome 13.5 Deutéronome 17.7 Deutéronome 21.21 Matthieu 18.17 Deutéronome 22.24