Amos 8.9
Septante

¹ οὕτως ἔδειξέν μοι κύριος καὶ ἰδοὺ ἄγγος ἰξευτοῦ.Amos 7.1 Amos 7.4 Amos 7.7
² καὶ εἶπεν τί σὺ βλέπεις Αμως καὶ εἶπα ἄγγος ἰξευτοῦ καὶ εἶπεν κύριος πρός με ἥκει τὸ πέρας ἐπὶ τὸν λαόν μου Ισραηλ οὐκέτι μὴ προσθῶ τοῦ παρελθεῖν αὐτόν.Amos 7.8 Lamentations 4.18 Jérémie 24.1-24.3 Michée 7.1 Jérémie 1.11-1.14
³ καὶ ὀλολύξει τὰ φατνώματα τοῦ ναοῦ ἐν ἐκείνῃ τῇ ἡμέρᾳ λέγει κύριος πολὺς ὁ πεπτωκὼς ἐν παντὶ τόπῳ ἐπιρρίψω σιωπήν.Amos 6.9-6.10 Amos 5.23 Amos 8.10 Jérémie 9.21-9.22 Joël 1.11
⁴ ἀκούσατε δὴ ταῦτα οἱ ἐκτρίβοντες εἰς τὸ πρωὶ πένητα καὶ καταδυναστεύοντες πτωχοὺς ἀπὸ τῆς γῆς.Psaumes 14.4 Proverbes 30.14 Amos 5.11 Esaïe 32.6-32.7 Jérémie 5.21
⁵ οἱ λέγοντες πότε διελεύσεται ὁ μὴν καὶ ἐμπολήσομεν καὶ τὰ σάββατα καὶ ἀνοίξομεν θησαυροὺς τοῦ ποιῆσαι μικρὸν μέτρον καὶ τοῦ μεγαλῦναι στάθμια καὶ ποιῆσαι ζυγὸν ἄδικον.Michée 6.10-6.11 Osée 12.7 2 Rois 4.23 Ezéchiel 45.10-45.12 Néhémie 13.15-13.21
⁶ τοῦ κτᾶσθαι ἐν ἀργυρίῳ πτωχοὺς καὶ ταπεινὸν ἀντὶ ὑποδημάτων καὶ ἀπὸ παντὸς γενήματος ἐμπορευσόμεθα.Amos 2.6 Joël 3.6 Amos 8.4 Joël 3.3 Néhémie 5.1-5.5
⁷ ὀμνύει κύριος καθ’ ὑπερηφανίας Ιακωβ εἰ ἐπιλησθήσεται εἰς νεῖκος πάντα τὰ ἔργα ὑμῶν.Amos 6.8 Osée 8.13 Osée 9.9 Psaumes 68.34 Psaumes 10.11
⁸ καὶ ἐπὶ τούτοις οὐ ταραχθήσεται ἡ γῆ καὶ πενθήσει πᾶς ὁ κατοικῶν ἐν αὐτῇ καὶ ἀναβήσεται ὡς ποταμὸς συντέλεια καὶ καταβήσεται ὡς ποταμὸς Αἰγύπτου.Amos 9.5 Osée 4.3 Jérémie 46.8 Psaumes 18.7 Esaïe 5.25
⁹ καὶ ἔσται ἐν ἐκείνῃ τῇ ἡμέρᾳ λέγει κύριος ὁ θεός καὶ δύσεται ὁ ἥλιος μεσημβρίας καὶ συσκοτάσει ἐπὶ τῆς γῆς ἐν ἡμέρᾳ τὸ φῶς.Jérémie 15.9 Michée 3.6 Matthieu 24.29 Amos 5.8 Esaïe 59.9-59.10
¹⁰ καὶ μεταστρέψω τὰς ἑορτὰς ὑμῶν εἰς πένθος καὶ πάσας τὰς ᾠδὰς ὑμῶν εἰς θρῆνον καὶ ἀναβιβῶ ἐπὶ πᾶσαν ὀσφὺν σάκκον καὶ ἐπὶ πᾶσαν κεφαλὴν φαλάκρωμα καὶ θήσομαι αὐτὸν ὡς πένθος ἀγαπητοῦ καὶ τοὺς μετ’ αὐτοῦ ὡς ἡμέραν ὀδύνης.Jérémie 6.26 Zacharie 12.10 Ezéchiel 7.18 Jérémie 48.37 Osée 2.11
¹¹ ἰδοὺ ἡμέραι ἔρχονται λέγει κύριος καὶ ἐξαποστελῶ λιμὸν ἐπὶ τὴν γῆν οὐ λιμὸν ἄρτου οὐδὲ δίψαν ὕδατος ἀλλὰ λιμὸν τοῦ ἀκοῦσαι λόγον κυρίου.1 Samuel 3.1 Psaumes 74.9 1 Samuel 28.6 Michée 3.6 Ezéchiel 7.26
¹² καὶ σαλευθήσονται ὕδατα ἕως θαλάσσης καὶ ἀπὸ βορρᾶ ἕως ἀνατολῶν περιδραμοῦνται ζητοῦντες τὸν λόγον κυρίου καὶ οὐ μὴ εὕρωσιν.2 Timothée 3.6-3.7 Proverbes 14.6 Matthieu 24.23-24.26 Romains 9.31-9.33 Romains 11.7-11.10
¹³ ἐν τῇ ἡμέρᾳ ἐκείνῃ ἐκλείψουσιν αἱ παρθένοι αἱ καλαὶ καὶ οἱ νεανίσκοι ἐν δίψει.Osée 2.3 Lamentations 2.21 Lamentations 1.18 Deutéronome 32.25 Psaumes 144.12-144.15
¹⁴ οἱ ὀμνύοντες κατὰ τοῦ ἱλασμοῦ Σαμαρείας καὶ οἱ λέγοντες ζῇ ὁ θεός σου Δαν καὶ ζῇ ὁ θεός σου Βηρσαβεε καὶ πεσοῦνται καὶ οὐ μὴ ἀναστῶσιν ἔτι.Amos 5.5 Deutéronome 9.21 Actes 9.2 1 Rois 12.28-12.29 1 Rois 13.22-13.34