Osée 9.9
Septante

¹ μὴ χαῖρε Ισραηλ μηδὲ εὐφραίνου καθὼς οἱ λαοί διότι ἐπόρνευσας ἀπὸ τοῦ θεοῦ σου ἠγάπησας δόματα ἐπὶ πάντα ἅλωνα σίτου.
Osée 10.5 Jérémie 44.17 Osée 4.12 Jacques 5.1 Ezéchiel 21.10
² ἅλων καὶ ληνὸς οὐκ ἔγνω αὐτούς καὶ ὁ οἶνος ἐψεύσατο αὐτούς.
Osée 2.9 Esaïe 24.7-24.12 Osée 2.12 Aggée 2.16 Amos 4.5-4.11
³ οὐ κατῴκησαν ἐν τῇ γῇ τοῦ κυρίου κατῴκησεν Εφραιμ εἰς Αἴγυπτον καὶ ἐν Ἀσσυρίοις ἀκάθαρτα φάγονται.
Osée 8.13 Ezéchiel 4.13 Lévitique 25.23 Jérémie 2.7 2 Rois 17.6
⁴ οὐκ ἔσπεισαν τῷ κυρίῳ οἶνον καὶ οὐχ ἥδυναν αὐτῷ αἱ θυσίαι αὐτῶν ὡς ἄρτος πένθους αὐτοῖς πάντες οἱ ἔσθοντες αὐτὰ μιανθήσονται διότι οἱ ἄρτοι αὐτῶν ταῖς ψυχαῖς αὐτῶν οὐκ εἰσελεύσονται εἰς τὸν οἶκον κυρίου.
Osée 8.13 Jérémie 6.20 Deutéronome 26.14 Ezéchiel 24.17 Osée 3.4
⁵ τί ποιήσετε ἐν ἡμέρᾳ πανηγύρεως καὶ ἐν ἡμέρᾳ ἑορτῆς τοῦ κυρίου.
Esaïe 10.3 Jérémie 5.31 Osée 2.11 Joël 1.13
⁶ διὰ τοῦτο ἰδοὺ πορεύσονται ἐκ ταλαιπωρίας Αἰγύπτου καὶ ἐκδέξεται αὐτοὺς Μέμφις καὶ θάψει αὐτοὺς Μαχμας τὸ ἀργύριον αὐτῶν ὄλεθρος κληρονομήσει ἄκανθαι ἐν τοῖς σκηνώμασιν αὐτῶν.
Osée 10.8 Esaïe 5.6 Osée 9.3 Osée 8.13 Esaïe 7.23
⁷ ἥκασιν αἱ ἡμέραι τῆς ἐκδικήσεως ἥκασιν αἱ ἡμέραι τῆς ἀνταποδόσεώς σου καὶ κακωθήσεται Ισραηλ ὥσπερ ὁ προφήτης ὁ παρεξεστηκώς ἄνθρωπος ὁ πνευματοφόρος ὑπὸ τοῦ πλήθους τῶν ἀδικιῶν σου ἐπληθύνθη μανία σου.
Michée 7.4 Ezéchiel 14.9-14.10 Jérémie 10.15 Esaïe 10.3 Lamentations 2.14
⁸ σκοπὸς Εφραιμ μετὰ θεοῦ προφήτης παγὶς σκολιὰ ἐπὶ πάσας τὰς ὁδοὺς αὐτοῦ μανίαν ἐν οἴκῳ κυρίου κατέπηξαν.
Osée 5.1 Ezéchiel 3.17 Esaïe 62.6 2 Rois 2.21 2 Rois 4.1-4.7
⁹ ἐφθάρησαν κατὰ τὰς ἡμέρας τοῦ βουνοῦ μνησθήσεται ἀδικίας αὐτοῦ ἐκδικήσει ἁμαρτίας αὐτοῦ.
Osée 10.9 Osée 8.13 Juges 19.16-20.21 Esaïe 31.6 Esaïe 24.5

Passé et avenir d’Israël

¹⁰ ὡς σταφυλὴν ἐν ἐρήμῳ εὗρον τὸν Ισραηλ καὶ ὡς σκοπὸν ἐν συκῇ πρόιμον εἶδον πατέρας αὐτῶν αὐτοὶ εἰσῆλθον πρὸς τὸν Βεελφεγωρ καὶ ἀπηλλοτριώθησαν εἰς αἰσχύνην καὶ ἐγένοντο οἱ ἠγαπημένοι ὡς οἱ ἐβδελυγμένοι.
Osée 4.14 Jérémie 11.13 Michée 7.1 Psaumes 106.28-106.29 Nombres 25.1-25.18
¹¹ Εφραιμ ὡς ὄρνεον ἐξεπετάσθη αἱ δόξαι αὐτῶν ἐκ τόκων καὶ ὠδίνων καὶ συλλήμψεων.
Osée 10.5 Osée 9.14 Deutéronome 28.18 Osée 4.7 Genèse 49.22
¹² διότι καὶ ἐὰν ἐκθρέψωσιν τὰ τέκνα αὐτῶν ἀτεκνωθήσονται ἐξ ἀνθρώπων διότι καὶ οὐαὶ αὐτοῖς ἐστιν σάρξ μου ἐξ αὐτῶν.
Osée 7.13 Deutéronome 31.17 Deutéronome 32.25 1 Samuel 28.15-28.16 Osée 9.16
¹³ Εφραιμ ὃν τρόπον εἶδον εἰς θήραν παρέστησαν τὰ τέκνα αὐτῶν καὶ Εφραιμ τοῦ ἐξαγαγεῖν εἰς ἀποκέντησιν τὰ τέκνα αὐτοῦ.
Ezéchiel 26.1-26.21 Ezéchiel 27.3 2 Rois 15.16 Osée 9.16 Jérémie 9.21
¹⁴ δὸς αὐτοῖς κύριε τί δώσεις αὐτοῖς δὸς αὐτοῖς μήτραν ἀτεκνοῦσαν καὶ μαστοὺς ξηρούς.
Luc 23.29 Osée 9.13 Marc 13.17 1 Corinthiens 7.26 Job 21.10
¹⁵ πᾶσαι αἱ κακίαι αὐτῶν εἰς Γαλγαλ ὅτι ἐκεῖ αὐτοὺς ἐμίσησα διὰ τὰς κακίας τῶν ἐπιτηδευμάτων αὐτῶν ἐκ τοῦ οἴκου μου ἐκβαλῶ αὐτούς οὐ μὴ προσθήσω τοῦ ἀγαπῆσαι αὐτούς πάντες οἱ ἄρχοντες αὐτῶν ἀπειθοῦντες.
Osée 4.15 Osée 12.11 Esaïe 1.23 Amos 5.5 Michée 3.11
¹⁶ ἐπόνεσεν Εφραιμ τὰς ῥίζας αὐτοῦ ἐξηράνθη καρπὸν οὐκέτι μὴ ἐνέγκῃ διότι καὶ ἐὰν γεννήσωσιν ἀποκτενῶ τὰ ἐπιθυμήματα κοιλίας αὐτῶν.
Osée 9.11-9.13 Ezéchiel 24.21 Esaïe 5.24 Osée 5.11 Esaïe 40.24
¹⁷ ἀπώσεται αὐτοὺς ὁ θεός ὅτι οὐκ εἰσήκουσαν αὐτοῦ καὶ ἔσονται πλανῆται ἐν τοῖς ἔθνεσιν.
Deutéronome 28.64-28.65 Osée 7.13 Zacharie 1.4 Osée 4.10 Esaïe 48.18