1 Dittu cusì, Ghjesù alzeti l’ochji versu u celi è dissi : « o Bà, hè ghjunta l’ora ; glurificheghja u to Fiddolu, chì u to Fiddolu ti glurificheghji,
Jean 13.31-13.32 Philippiens 2.9-2.11 Actes 3.13 Jean 7.39 Jean 12.23
2 sicondu u puteri chì tù li desti nantu à ogni carri, ch’eddu dia a vita eterna à tutti quiddi chì tù li ai datu.
Jean 6.39 Jean 6.37 Jean 17.24 Daniel 7.14 Jean 3.35
3 A vita eterna hè cusì : ch’eddi cunnoschini à tè, u solu Diu veru, è à Ghjesucristu, quiddu chì tù mandesti.
1 Jean 5.20 1 Jean 5.11-5.12 Jean 3.17 Jean 17.25 Jean 3.34
4 Eiu t’aghju glurificatu nantu à a tarra, aghju compiu u travaddu chì tù m’avii datu da fà ;
Jean 4.34 Jean 13.31-13.32 Jean 19.30 2 Timothée 4.7 Jean 14.13
5 avà glurificheghja mi tù, o Bà, à cantu à tè, cù a gloria ch’e’ aviu à cantu à tè prima chì u mondu fussi. »
Jean 1.1-1.3 Jean 17.24 Philippiens 2.6 Hébreux 1.3 Jean 1.18
6 « Aghju palesu u to nomu à l’omini chì tù mi ai datu, dopu cacciatu li da u mondu. Erani toii è i mi ai dati, è ani tinutu a to parola.
Jean 17.26 Jean 17.2 Jean 6.37 Jean 14.21-14.24 Exode 3.13-3.15
7 Avà a sani chì tuttu ciò chì tù mi ai datu veni da tè,
Jean 16.15 Jean 12.49-12.50 Jean 7.16-7.17 Jean 14.7-14.10 Jean 16.27-16.30
8 chì i paroli chì tù mi ai datu, l’aghju dati à eddi, è eddi l’ani ricivuti, ani sapiutu da veru ch’e socu isciutu da tè, è ani cridutu chì tù mi ai mandatu.
Jean 16.30 Jean 17.14 Jean 16.27 1 Thessaloniciens 2.13 Jean 17.21
9 Eiu ti precu par eddi, ùn precu micca pà u mondu ma par quiddi chì tù mi ai datu, posta ch’eddi sò toii,
Luc 22.32 Jean 14.16 Jean 17.6 Hébreux 7.25 Jean 17.2
10 è tuttu u meiu hè toiu, è u toiu hè meiu, è socu statu glurificatu in eddi.
2 Thessaloniciens 1.10 1 Pierre 2.9 2 Thessaloniciens 1.12 Philippiens 2.9-2.11 Actes 19.17
11 È ùn socu più in u mondu, ma eddi sò in u mondu ed eiu vengu ind’è tè. O Babbu santu, teni li in lu to nomu chì tù mi ai datu, ch’eddi siani unu solu, com’è noi.
Jean 17.21-17.22 Jean 13.1 Ephésiens 4.4 Jean 17.25 Jean 17.12-17.18
12 Quand’e’ eru cun eddi, l’aghju tinuti in lu to nomu chì tù mi ai datu, l’aghju fattu da guardianu, è nimu d’eddi fù persu, for di u fiddolu di a pirdizioni, da ch’edda vinissi cumpiita a scrittura.
Jean 18.9 Jean 6.37 Jean 13.18 Jean 10.27-10.28 Psaumes 109.6-109.19
13 Avà vengu ind’è tè, è dicu issi paroli in u mondu, da ch’eddi abbiani in eddi a me alicria cumpiita.
Jean 15.11 Jean 3.29 Jean 16.22-16.24 Hébreux 12.2 Jean 16.33-17.1
14 Eiu li aghju datu a to parola è u mondu l’hà udiati, parchì eddi ùn sò di u mondu, com’è eiu ùn socu di u mondu.
Jean 8.23 Jean 17.16 Jean 15.18-15.21 1 Jean 5.19-5.20 1 Jean 4.5-4.6
15 Ùn ti dumandu di caccià li da u mondu, ma di pruteghja li da u Mali.
Psaumes 121.7 Luc 11.4 1 Chroniques 4.10 Philippiens 1.20-1.26 1 Jean 5.18
16 Di u mondu ùn sò, com’è eiu ùn socu di u mondu.
Jean 17.14
17 Santificheghja li in la virità ; a to parola hè virità.
Jean 15.3 Psaumes 119.160 Ephésiens 5.26 1 Pierre 1.22-1.23 Jacques 1.21
18 Com’è tù mi mandesti in u mondu, ancu eiu i mandeti in u mondu.
Jean 20.21 Jean 17.3 Jean 17.21 Jean 17.25 Jean 17.8
19 È par eddi mi santificheghju, da ch’eddi siani ancu eddi santificati in virità. »
Hébreux 2.11 Tite 2.14 Hébreux 10.5-10.10 1 Corinthiens 1.2 Jean 10.36
20 « Ùn ti precu par eddi soli, ma ancu par quiddi chì credini in mè par via di a so parola,
Actes 2.41 Jean 17.6-17.11 Romains 16.26 Actes 4.4 Romains 15.18-15.19
21 è chì tutti siani unu, com’è tù, o Bà, sè in mè, ed eiu in tè, ch’eddi siani ancu eddi in noi, da chì u mondu crerghi chì tù mi ai mandatu.
Philippiens 1.27 Jean 17.11 Jean 10.38 Jean 17.22-17.23 1 Corinthiens 12.12
22 Ed eiu, a gloria chì tù mi ai datu, l’aghju data à eddi, ch’eddi siani unu com’è noi semu unu :
1 Jean 1.3 2 Corinthiens 3.18 Jean 1.14 Jean 14.20 Marc 16.17-16.20
23 eiu in eddi è tù in mè, ch’eddi siani unu in modu parfettu, da ch’eddu sappia u mondu chì tù mi mandesti, è chì tù tinisti caru à eddi com’è tù tinisti caru à mè.
Jean 17.21 1 Jean 3.1 Jean 16.27 Jean 17.26 Colossiens 3.14
24 O Bà, induv’e’ socu eiu, quiddi chì tù mi ai datu, voddu ch’eddi ci siani ancu eddi cù mecu, ch’eddi vechini a gloria meia, chì tù mi ai datu parchì tù mi tinisti caru prima di ch’eddu fussi criatu u mondu.
Jean 12.26 Jean 17.5 Jean 1.14 1 Jean 3.2 2 Corinthiens 3.18
25 O Babbu ghjustu, u mondu ùn t’hà micca cunnisciutu, ma eiu t’aghju cunnisciutu è quissi ani cunnisciutu chì tù m’ai mandatu ;
Jean 7.29 Jean 15.21 Jean 17.11 Jean 17.8 Jean 16.3
26 è li aghju fattu cunnoscia u to nomu è u li faraghju cunnoscia dinò, chì l’amori chì tù ai missu in mè sia in eddi, ed eiu in eddi. »
Jean 17.6 Jean 17.23 Jean 15.9 Jean 15.4 Jean 8.50